ଯାହାର ଚାକିରି ନାହିଁ ତାକୁ ମାସକୁ ସରକାର ଦେବେ ୧୫୦୦ ଟଙ୍କା: ୨୧ରୁ ୩୫ ବର୍ଷୀୟ ଯୁବକ କରିପାରିବେ ଆପ୍ଲାଏ
ନୂଆଦିଲ୍ଲୀ: ଦେଶରେ ବେକାରିଙ୍କ ସଂଖ୍ୟା ବଢ଼ି ଚାଲିଛି । ଏପରି ସ୍ଥିତିରେ ଯୁବକଙ୍କୁ ଆର୍ଥିକ ସାହାଯ୍ୟ କରିବା ପାଇଁ ସରକାର ଆଗେଇ ଆସିଛନ୍ତି । ଏଥିପାଇଁ ସରକାର ଯୁବକଙ୍କୁ ବେକାରି ଭତ୍ତା ପ୍ରଦାନ କରିବେ । ନିକଟରେ ମଧ୍ୟପ୍ରଦେଶ ସରକାର ଏପରି ଘୋଷଣା କରିଛନ୍ତି । ଯଦି ଆପଣ ଏହି ଯୋଜନାର ଫାଇଦା ନେବାକୁ ଚାହିଁବେ, ତେବେ ସେଥିପାଇଁ ଅନଲାଇନରେ ଆବେଦନ କରିବାକୁ ପଡ଼ିବ ।
ଏହି ଯୋଜନାରେ ସରକାର ରାଜ୍ୟର ବେକାରଙ୍କୁ ମାସକୁ ୧୫୦୦ ଟଙ୍କା ପ୍ରଦାନ କରିବେ । ଏହି ଭତ୍ତା ୨୧ରୁ ୩୫ ବର୍ଷ ବୟସର ଯୁବକଙ୍କୁ ମିଳିବ । ଯେ ପର୍ଯ୍ୟନ୍ତ ଜଣଙ୍କର ଚାକିରି ନାହିଁ, ସେ ପର୍ଯ୍ୟନ୍ତ ଏହି ଅର୍ଥ ପ୍ରଦାନ କରାଯିବ । ଏହି ଅର୍ଥ ବେକାର ଯୁବକଙ୍କୁ ନିଜର ଚାକିରି ଖୋଜିବାରେ ସହାୟତା କରିବା ସହ ନିଜର ପକେଟ୍ ଖର୍ଚ୍ଚ ଚଳାଇବାରେ ସାହାଯ୍ୟ କରିବ ।
ଏହି ମହଙ୍ଗା ଭତ୍ତା ପାଇଁ ଆପଣଙ୍କୁ ଏମପି ରୋଜଗାର ପୋର୍ଟାଲର ଅଫିସିଆଲ ୱେବସାଇଟ୍ https://mprojgar.gov.in/ କୁ ଯିବାକୁ ପଡ଼ିବ । ହୋମ୍ ପେଜରେ ଆପିଲିକାଣ୍ଟସ୍ ଅପ୍ସନ ଅନ୍ତର୍ଗତ ରେଜିଷ୍ଟ୍ରେସନ ଅପ୍ସନ ଉପରେ କ୍ଲିକ କରିବାକୁ ପଡ଼ିବ । ଏହାପରେ ଜରୁରୀ ସୂଚନା ଦେଇ ସମସ୍ତ ଜରୁରୀ ଡକ୍ୟୁମେଣ୍ଟ ଆଟାଚ କରାଯିବ ।
ତା’ପରେ ୟୁଜର-ଆଡି ଓ ପାସୱାର୍ଡ ଦେବା ସହ କ୍ୟାପଚା ଭରିବା ପରେ ସବମିଟ୍ କରାଯିବ । ଏଥିପାଇଁ ଆଧାର କାର୍ଡ, ବାସସ୍ଥାନ ପ୍ରମାଣପତ୍ର, ଜନ୍ମ ପ୍ରମାଣପତ୍ର, ଦ୍ୱାଦଶ ମାର୍କଶିଟ, ପ୍ୟାନକାର୍ଡ, ପାସପୋର୍ଟ ସାଇଜ୍ ଫଟୋ, ମୋବାଇଲ ନମ୍ବର, ବ୍ୟାଙ୍କ ଡିଟେଲ୍ସ ଆଦି ଡକ୍ୟୁମେଣ୍ଟର ଆବଶ୍ୟକଥା ପଡ଼ିଥାଏ ।
