(Video) ଏପରି କର୍ମଚାରୀଙ୍କୁ ସଲାମ୍: ଟ୍ରେନ୍ ଅଟକାଇ ଫାଟକ ବନ୍ଦ କରିବାକୁ ଓହ୍ଲାଇଲେ ପାଇଲଟ୍, ଯାତ୍ରୀମାନେ ଆଶ୍ଚର୍ଯ୍ୟ
ସିୱାନ: ଯେବେ ଟ୍ରେନ୍ ଯେକୌଣସି ରେଲୱେ ଫାଟକ ଦେଇ ଯାଇଥାଏ, ତାହାର ୧୦ ମିନିଟ୍ ପୂର୍ବରୁ ଫାଟକୁ ବନ୍ଦ କରିବାକୁ ପଡେ । କିନ୍ତୁ ବିହାର କେସିୱାନରେ ଏକ ଅଜବ ଘଟଣା ଦେଖିବାକୁ ମିଳିଛି । ସିୱାନ-ମଶରକ ରେଳଷ୍ଟେସନ ନିକଟସ୍ଥ ମହାରାଜଗଞ୍ଜ ପାଖରୁ ଏକ ଭିଡିଓ ସାମ୍ନାକୁ ଆସିଛି, ଯାହାକୁ ଦେଖି ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ ।
ତେବେ ସେହି ରେଲୱେ ଫାଟକକୁ ବନ୍ଦ କରିବାକୁ ସେହି ଲାଇନରେ ଯାଉଥିବା ଟ୍ରେନକୁ ଅଟକିବାକୁ ପଡିଥିଲା । ଏହା ପରେ ସେଥିରୁ ରେଲୱେ କର୍ମଚାରୀ ବା ପାଇଲଟ ଓହ୍ଲାଇ ଫାଟକ ବନ୍ଦ କରିଥିଲେ । ଫାଟକ ବନ୍ଦ କରିବାକୁ ପାଇଲଟଙ୍କ ଓହ୍ଲାଇବା ଓ ପୁଣି ଟ୍ରେନରେ ଚଢ଼ିବା ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସ୍ଥାନୀୟ ଲୋକଙ୍କ କହିବା ଅନୁସାରେ, ଏପରି ଘଟଣା ଗତ କିଛି ବର୍ଷ ଧରି ଚାଲିଆସୁଛି । ବେଳେ ବେଳେ ବିନା ଫାଟକ ପକାଇ ଟ୍ରେନ୍ ଯାଉଛି । ଏପରି ପରିସ୍ଥିତିରେ କିଛି ଅଘଟଣ ଘଟିବାର ଆଶଙ୍କା ବଢ଼ିଯାଉଛି । ସ୍ଥାନୀୟ ଲୋକଙ୍କ ପ୍ରଶ୍ନ ହେଉଛି-ଯଦି କେଉଁ ଦିନ କିଛି ବଡ଼ ଦୁର୍ଘଟଣା ଘଟିଯିବ, ସେଥିପାଇଁ କିଏ ଦାୟୀ ରହିବ?
କୁହାଯାଏ ଯେ, ସେଠାରେ ଫାଟକ ପକାଇବାକୁ କେହି ନଥିଲେ । ଫାଟକ ପକାଇବାକୁ ରହିଥିବା ରେଳକର୍ମୀ ଚା’ ଆଣିବାକୁ ଯାଇଥିଲେ । ଫଳରେ ପାଇଲଟ ବାଧ୍ୟ ହୋଇ ଟ୍ରେନ୍ ଅଟକାଇଥିଲେ । ଟ୍ରେନରୁ ଓହ୍ଲାଇ ଫାଟକ ବନ୍ଦ କରିଥିଲେ ଓ ପୁଣି ଟ୍ରେନରେ ଚଢ଼ି ଟ୍ରେନକୁ ଆଗକୁ ବଢ଼ାଇ ଦେଇଥିଲେ । ଏହାର ଭିଡିଓ ଭାଇରାଲ ପରେ କିଛି ଲୋକ ପାଇଲଟଙ୍କୁ ପ୍ରଶଂସା କରୁଥିବା ବେଳେ ବ୍ୟବସ୍ଥାକୁ ନିନ୍ଦା କରୁଛନ୍ତି । କାରଣ ଏପରି ଘଟଣାରେ ଟିକିଏ ଅବହେଳା ଯୋଗୁଁ କାହାର ଜୀବନ ବି ଚାଲିଯାଇପାରେ ।
'अजूबा' मतलब… कहिए बिहार! बरौनी से समस्तीपुर के लिए चली ट्रेन रास्ता भटक जाती है. कुछ दिनों पहले सीवान में ट्रेन का पायलट चाय लेने चला गया. अब ये देखिए यहां खुद ही पायलट फाटक गिरा रहा है… आपको अजूबा लगेगा. वीडियो सीवान मशरख रेलखंड पर स्थित महाराजगंज के रगड़गंज ढाला का है. pic.twitter.com/dR0kjDOL3d
— Prakash Kumar (@kumarprakash4u) August 5, 2022
