ସନ୍ଦେହ ଆଧାରରେ ଅଭିଯୁକ୍ତଙ୍କୁ ଦୋଷୀ କୁହାଯାଇପାରିବ ନାହିଁ: ସୁପ୍ରିମକୋର୍ଟ
ନୂଆଦିଲ୍ଲୀ: ଏକ ହତ୍ୟା ମାମଲାରେ ଜଣେ ବ୍ୟକ୍ତିଙ୍କୁ ଦୋଷମୁକ୍ତ କରିବା ସହ ସୁପ୍ରିମକୋର୍ଟ ଗୁରୁବାର କହିଛନ୍ତି ଯେ କୌଣସି ଅଭିଯୁକ୍ତଙ୍କୁ କେବଳ ସନ୍ଦେହ ଆଧାରରେ ଦୋଷୀ କୁହାଯାଇପାରିବ ନାହିଁ, ସନ୍ଦେହ ଯେତେ ଦୃଢ଼ ହୋଇଥାଉନା’ କାହିଁକି ।
ସୁପ୍ରିମକୋର୍ଟ ପଞ୍ଜାବ ଏବଂ ହରିୟାଣା ଉଚ୍ଚ ନ୍ୟାୟାଳୟଙ୍କ ଆଦେଶକୁ ଚାଲେଞ୍ଜ କରୁଥିବା ଏକ ଅପିଲ ଉପରେ ଶୁଣାଣି କରି ଏହି ରାୟ ଶୁଣାଇଛନ୍ତି । ଅପିଲ ଅନୂଯାୟୀ ଜଣେ ବ୍ୟକ୍ତିଙ୍କୁ ହାଇକୋର୍ଟ ଭାରତୀୟ ଦଣ୍ଡ ସଂହିତା, ୧୮୬୦ ର ଧାରା ୩୦୨(ହତ୍ୟା) ଏବଂ ଧାରା ୨୦୧(ପ୍ରମାଣ ନଷ୍ଟ କରିବା) ରେ ଦୋଷୀ କହିବା ସହ ଆଜୀବନ ଜେଲଦଣ୍ଡାଦେଶ ଶୁଣାଇଛନ୍ତି ।
ବିଚାରପତି ବି.ଆର ଗୱଇ ଏବଂ ବିଚାରପତି ପି.ଏସ. ନରସିମହା ଖଣ୍ଡପୀଠ କହିଛନ୍ତି ଯେ ଅଭିଯୁକ୍ତଙ୍କୁ ସେ ପର୍ଯର୍୍ୟନ୍ତ ନିର୍ଦ୍ଦୋଷ କୁହାଯିବ ଯେଉଁ ପର୍ଯ୍ୟନ୍ତ ପ୍ରକୃତ ପ୍ରମାଣ ଆଧାରରେ ଦୋଷୀ ସାବ୍ୟସ୍ତ କରାଯାଇନାହିଁ । ପୀଠ କହିଛନ୍ତି ଯେ ଲିଖିତ କାନୁନ ରହିଛି, ଯେତେବି ସନ୍ଦେହ ହେଉ ନା’ କାହିଁକି, ଉଚିତ ସନ୍ଦେହ ପ୍ରମାଣର ସ୍ଥାନ ନେଇପାରିବ ନାହିଁ ।
କୌଣସି ଅଭିଯୁକ୍ତଙ୍କୁ ସନ୍ଦେହ ଆଧାରରେ ଦୋଷୀ କୁହାଯାଇପାରିବନାହିଁ । ସନ୍ଦେହ ଯେତେ ଦୃଢ଼ ହୋଇଥାଉ ନା କାହିଁକି । ପୀଠ କହିଥିଲେ ଯେ ଏହିମାମଲାରେ ଆମେ ପାଇଲୁ ଯେ ଜିଲ୍ଲା କୋର୍ଟ ଏବଂ ହାଇକୋର୍ଟଙ୍କ ରାୟ ଯୁକ୍ତିଯୁକ୍ତ ନୁହେଁ ।
