ମୃତ୍ୟୁର ଏ କି ରୂପ! ଲିଫ୍ଟରେ ଯାଉଥିଲେ ହଠାତ୍ ଅଟକିଗଲା ତଣ୍ଟି: ତାପରେ ଛଟପଟ ହୋଇ ଚାଲିଗଲା ଜୀବନ
ମୁମ୍ବାଇ: ମୃତ୍ୟୁ, ଯାହା ଦୁନିଆର ସବୁଠୁ ବଡ ସତ୍ୟ । ଆଉ ଯାହାକୁ ମଣିଷ କେବେ ବି ଗ୍ରହଣ କରିନଥାଏ । ଜନ୍ମ ହୋଇଛି ମାନେ ମୃତ୍ୟୁ ନିଶ୍ଚିତ । ତେବେ କେଉଁ ରୂପରେ ମୃତ୍ୟୁ ଆସିବ ତାହା କାହାକୁ ବି ଜଣାନଥାଏ । କେବେ କେବେ ଏହା କୁବ ଭୟଙ୍କର ରୂପରେ ଆସିଥାଏ । ତେବେ ଏହା କେତେ ଯେ ଭୟଙ୍କର ହୋଇପାରେ ତାହା ଏକ ଭିଜୁଆଲ ପ୍ରମାଣିତ କରି ଦେଇଛି । ମୃତ୍ୟୁ ଏମିତି ରୂପରେ ଆସିଛି, ଯାହାକୁ ଦେଖିଲେ ଭୟରେ ଛାତି ଥରି ଯାଉଛି ।
ମୁମ୍ବାଇର ମାଲଦାର ଚିଞ୍ଚୋଲି ବଣ୍ଡର ସେଣ୍ଟ୍ ମେରି ଇଂଲିସ୍ ହାଇସ୍କୁଲରେ ଘଟିଯାଇଛି ଏପରି ଏକ ଘଟଣା । ଲିଫ୍ଟରେ ଶିକ୍ଷୟିତ୍ରୀଙ୍କର ଅପେକ୍ଷା କରି ରହିଥିଲା ମୃତ୍ୟୁର ସୌଦାଗର । ଅତି ଭୟଙ୍କର ଭାବେ ନେଇଗଲା ଜୀବନ । ଲିଫ୍ଟରେ ଫସି ଜଣେ ଶିକ୍ଷୟତ୍ରୀ ଜେନେଲ ଫର୍ଣ୍ଣାଡିଜ୍ ପ୍ରାଣ ହରାଇଛନ୍ତି । ତେବେ ଷଷ୍ଠ ଫ୍ଲୋରରେ ଥିବା ଷ୍ଟାଫ୍ ରୁମକୁ ଯିବା ପାଇଁ ଜେନେଲ ଅପେକ୍ଷା କରିଥିଲେ । ଦ୍ୱିତୀୟ ଫ୍ଲୋରରୁ ଲିଫ୍ଟ ଭିତରକୁ ପ୍ରବେଶ କରିବା ସମୟରେ ମୃତ୍ୟୁ ତାଙ୍କୁ ଛନ୍ଦି ଦେଇଥିଲା । ଲିଫ୍ଟ ଡୋର ବନ୍ଦ ହେବା ବେଳେ ଦୁର୍ଭାଗ୍ୟବଶତଃ ତାଙ୍କ ବ୍ୟାଗଟି ସେଥିରେ ଛନ୍ଦି ହୋଇ ଯାଇଥିଲା । ଏହାପରେ କାଳ ସତେ ଯେମିତି ତାଙ୍କୁ ନିଜ ଜାଲରେ ଫସାଇ ଦେଇଥିଲା ।
ଏହି ସମୟରେ ହଠାତ ବ୍ୟାଗ ସହିତ ତାଙ୍କ ମୁଣ୍ଡ ମଧ୍ୟ ଟାଣି ହୋଇ ଲିଫ୍ଟରେ ଫସିଯାଇଥିଲା । ତେବେ ଖବର ପାଇ ତାଙ୍କୁ ସ୍କୁଲ କର୍ମଚାରୀମାନେ ଲିଫ୍ଟରୁ ଉଦ୍ଧାର କରି ମେଡିକାଲ ନେଇଥିଲେ । କିନ୍ତୁ ସେତେବେଳକୁ ଖୁବ ବିଳମ୍ବ ହୋଇଯାଇଥିଲା । ତେଣୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି । ସେପଟେ ପୋଲିସ ଘଟଣାସ୍ଥଳରେ ପହଞ୍ଚି ଏକ ଦୁର୍ଘଟଣା ମାମଲା ରୁଜୁ କରିବା ସହିତ ତଦନ୍ତ ଆରମ୍ଭ କରିଛି ।
