ଗୁଜରାଟରେ ଆପ ଆଶାୟୀଙ୍କ ଅଜବ ବୟାନ: ଘେରିଲା ବିଜେପି…

ଗୁଜରାଟରେ ଆଗାମୀ ବିଧାନସଭା ନିର୍ବାଚନକୁ ନେଇ ଆମ୍ ଆଦମୀ ପାର୍ଟୀ (AAP) କସରତ ଜାରି ରଖଛି । ଏହାରି ମଧ୍ୟରେ ଆପ ର ଜଣେ ଆଶାୟୀ ଜଗମଲ ବାଲା ମଦ ପିଇବାକୁ ନେଇ ଏକ ଏଭଳି ବୟାନ ଦେଇଛନ୍ତି ଯାହାଦ୍ୱାରା ଆମ୍ ଆଦମୀ ପାର୍ଟୀ ବିଜେପିର ଟାର୍ଗେଟରେ ଆସିଛି । ଆଉ ଏହ ବୟାନ ପରେ ଆରମ୍ଭ ହୋଇଯାଇଛି ଆରୋପ ପ୍ରତ୍ୟାରୋପ ।

ପ୍ରକୃତରେ ଏକ ଭିଡିଓ ଭାଇରାଲ ହେଉଛି । ଯେଉଁଥିର ଏହି ପ୍ରାର୍ଥୀ ଜଣକ କହୁଛନ୍ତି ଯେ ମଦ ପିଇାବ ଖରାପ କଥା ନୁହେଁ । ଯଦି ଆପଣଙ୍କ ପାଖରେ ପାୱାର ଅଛି ତେବେ ଆପଣ ଯେତେ ଚାହିବେ ସେତେ ପିଇପାରିବେ । ଡାକ୍ତର, ଆଇଏଏସ ଏବଂ ଆଇପିଏସ ମଧ୍ୟ ମଦ ପିଉଛନ୍ତି । ସେପଟେ କିନ୍ତୁ ଦଳ ପ୍ରାର୍ଥୀଙ୍କର ଏପରି ମନ୍ତବ୍ୟଠାରୁ ନିଜକୁ ଦୂରେଇ ରଖିଛି । କୁହାଯାଉଛି ଯେ ଜଗମଲଙ୍କ ବୟାନରେ ପାର୍ଟୀ ଅସନ୍ତୋଷ ରହିଛି ।

ସେପଟେ ଆପ ନେତାଙ୍କ ଏପରି ବୟାନ ପରେ ବିଜେପି ଆକ୍ରମଣାତ୍ମକ ହୋଇଉଠିଛି । ବିଜେପି କହିଛି ଯେ ଏହା ସେହି ପାର୍ଟୀ ଯିଏ ଦିଲ୍ଲୀରେ ମଦନୀତି ବଦଳାଇଥିଲା ଏବଂ ପଞ୍ଜାମ ମୁଖ୍ୟମନ୍ତ୍ରୀଙ୍କୁ ହଟାଇଦେଇଥିଲା । ଏହା ଗୁଜରାଟ ବିରୋଧୀ ପାର୍ଟୀ ଅଟେ ।