କୁଣ୍ଡଳୀରେ ଗୁରୁଦୋଷ ଥିଲେ ଆପଣାନ୍ତୁ ଏହି ଉପାୟ: ଦୂରେଇଯିବ ସମସ୍ୟା

ଗ୍ରହମାନଙ୍କ ମଧ୍ୟରେ ବୃହସ୍ପତି ସବୁଠାରୁ ପ୍ରଭାବଶାଳୀ ବୋଲି ବିବେଚନା କରାଯାଏ । ଯଦି କୁଣ୍ଡଳୀରେ ଗୁରୁ ଗ୍ରହ ଉଚ୍ଚସ୍ଥାନରେ ରହିଛି, ତେବେ ବ୍ୟକ୍ତିର ସମସ୍ତ ସମସ୍ୟା ଦୂରେଇ ଯାଏ ଓ ତାଙ୍କ ପ୍ରଗତିକୁ କେହି ଅଟକାଇ ପାରନ୍ତି ନାହିଁ । ଗୁରୁ ବୈବାହିକ ଜୀବନ ଓ ଭାଗ୍ୟର ସାକାରକ ଗ୍ରହ । ଯଦି ଗୁରୁ ଦୁର୍ବଳ ସ୍ଥିତିରେ ଅଛନ୍ତି, ତେବେ ଶିକ୍ଷା ଉପରେ ପ୍ରଭାବ ପଡିପାରେ । ତାଙ୍କୁ ଆର୍ଥିକ ସମସ୍ୟାର ମଧ୍ୟ ସାମ୍ନା କରିବାକୁ ପଡିପାରେ । ଏଭଳି ପରିସ୍ଥିତିରେ ଗୁରୁବାର ଦିନ କ’ଣ କରିବା ଉଚିତ୍ ଓ କ’ଣ କରିବା ଉଚିତ୍ ନୁହେଁ, ତାହା ବିଷୟରେ ଆସନ୍ତୁ ଜାଣିବା । ଏହା ଫଳରେ ଜୀବନରେ ସୁଖ ସମୃଦ୍ଧି ଓ ମା ଲକ୍ଷ୍ମୀଙ୍କ କୃପା ମିଳିବ ।

ଗୁରୁବାର ଦିନ ଏହା କରିବା ଉଚିତ୍ –

– ଭଗବାନ ନାରାୟଣ ଓ ମା ଲକ୍ଷ୍ମୀ ସମୃଦ୍ଧିର ପ୍ରତୀକ । ଗୁରୁବାର ଦିନ ଭଗବାନ ନାରାୟଣ ଓ ମା’ ଲକ୍ଷ୍ମୀଙ୍କୁ ପୂଜା କରନ୍ତୁ । ଗୁରୁବାର ଦିନ ବୃହସ୍ପତିଙ୍କ ଉପବାସ ମଧ୍ୟ ରଖିପାରିବେ । ଏହା ଫଳରେ ଦାମ୍ପତ୍ୟ ଜୀବନ ସୁଖମୟ ହେବା ସହିତ ସମୃଦ୍ଧି ବଢ଼ିଥାଏ ।

– ଶାସ୍ତ୍ରରେ କୁହାଯାଇଛି ଯେ, ଗୁରୁବାର ଦିନ ନିଜ ସାମର୍ଥ୍ୟ ଅନୁସାରେ ଗରିବ ଲୋକଙ୍କୁ ଡାଲି, ବନ୍ଧାକୋବି, ହଳଦିଆ ପୋଷାକ ଦାନ କରନ୍ତୁ ।

– ଶିକ୍ଷା ସମ୍ବନ୍ଧୀୟ କାର୍ଯ୍ୟ ପାଇଁ ଗୁରୁବାର ମଧ୍ୟ ବହୁତ ଭଲ ବୋଲି ବିବେଚନା କରାଯାଏ ।

ଗୁରୁବାର ଦିନ ଏହା କରିବା ଅନୁଚିତ୍ –

– ଗୁରୁବାର ଦିନ ମୁଣ୍ଡ ଧୋଇବା, କେଶ -ଦାଢ଼ି କାଟିବା ଏବଂ ନଖ କାଟିବାକୁ ଶାସ୍ତ୍ରରେ ନିଷେଧ କରାଯାଇଛି । ଏପରି କରିବା ଦ୍ୱାରା ମା ଲକ୍ଷ୍ମୀ କ୍ରୋଧିତ ହୁଅନ୍ତି । ଟଙ୍କା ସମ୍ବନ୍ଧୀୟ ସମସ୍ୟା ବଢ଼ିଥାଏ ଓ ବ୍ୟକ୍ତିର ପ୍ରଗତିରେ ବାଧା ଉପୁଜିଥାଏ ।

– ଗୁରୁବାର ଦିନ ଘର ସଫା କରିବାଠାରୁ ଦୂରେଇ ରହିବା ଉଚିତ୍ । କିନ୍ତୁ ଛୋଟ ଛୋଟ ସଫା କରିବାରେ କୌଣସି ଅସୁବିଧା ନାହିଁ ।

– ଗୁରୁବାର ଦିନ ଧୋବାଙ୍କ ପାଖରେ ପୋଷାକ ଧୋଇବା ବା ପ୍ରେସ ପାଇଁ ଦିଅନ୍ତୁ ନାହିଁ ।