Video: ଏକତା ଆଣିଲା କ୍ରିକେଟ ମ୍ୟାଚ୍, ମିଳିମିଶି ଧମାକାଦାର ଡ୍ୟାନ୍ସ କଲେ ଭାରତ, ପାକ୍ ପ୍ରଶଂସକ
ନୂଆଦିଲ୍ଲୀ: ଟି -୨୦ ବିଶ୍ୱକପରେ ପାକିସ୍ତାନ ବିପକ୍ଷରେ ଧମାକାଦାର ବିଜୟ ସହିତ ଅଭିଯାନ ଆରମ୍ଭ କରିଛି ଭାରତ। ପାକିସ୍ତାନ ମ୍ୟାଚ ରବିବାର ଦିନ ଭାରତ ଦୀପାବଳି ଉତ୍ସବ ଆରମ୍ଭ କରିଥିଲା। ଏହି ମ୍ୟାଚ ପରଠୁ ଭାରତ ଏବଂ ପାକିସ୍ତାନରେ ଜୋରଦାର ଆଲୋଚନା ହେଉଥିବା ବେଳେ ଏବେ ଏକ ବିରଳ ଦୃଶ୍ୟ ଦେଖିବାକୁ ମିଳିଛି। ବିରାଟ କୋହଲିଙ୍କ ଉଲ୍ଲେଖନୀୟ ପ୍ରଦର୍ଶନ ପରେ ଯାହା ଟିମ୍ ଇଣ୍ଡିଆ ପାଇଁ ବିଜୟ ହାସଲ କରିଛି। ତେବେ ଦୁଇ ଦେଶର ପ୍ରଶଂସକମାନେ ପାରମ୍ପରିକ ପ୍ରତିଦ୍ୱନ୍ଦ୍ୱିତାକୁ ପାଳନ କରିବା ପାଇଁ ଷ୍ଟାଡିୟମ୍ ବାହାରେ କିଛି ଏପରି ପଦକ୍ଷେପ ଗ୍ରହଣ ଖୁବ ଚର୍ଚ୍ଚା ହେଉଛି।
ରବିବାର ଥ୍ରୀଲର ପରେ ଅଭିନେତା ଅଭିଷେକ ବଚ୍ଚନ ମେଲବର୍ଣ୍ଣ କ୍ରିକେଟ୍ ଗ୍ରାଉଣ୍ଡ ବାହାରେ ଏକ ଡ୍ୟାନ୍ସ ଭିଡିଓ ରିଟ୍ୱିଟ କରିଛନ୍ତି। ଭାରତ ଏବଂ ପାକିସ୍ଥାନର କ୍ରିକେଟ୍ ପ୍ରଶଂସକମାନେ ସୁଖବୀରଙ୍କ ଚିର ସବୁଜ ପଞ୍ଜାବୀ ନୃତ୍ୟ ଗୀତ ‘ଇଶ୍କ ତେରା ତାଡପାଭେ’ (ଓ ହୋ ହୋ ହୋ) ଗୀତାରେ ଅନେକ ଭାରତ ଏବଂ ପାକିସ୍ତାନ ପ୍ରଶଂସକ ନାଚୁଥିବାର ଦେଖିଥିବା ନଜର ଆସିଥିଲେ। ଏହି ଭିଡିଓରେ ଦେଖିବାକୁ ଶହଶହ ଲୋକେ ଦୁଇ ଦେଶର ଜାତୀୟ ପତାକାକୁ ଧରି ନାଚଗୀତରେ ସମ୍ପୂର୍ଣ୍ଣ ବ୍ୟସ୍ତ ଅଛନ୍ତି। ତେବେ ଏହି ଭିଡିଓ ସାମ୍ନାକୁ ଆସିବା ପରେ ଟ୍ୱିଟରରେ ୨ ଲକ୍ଷରୁ ଅଧିକ ଥର ଦେଖିସାରିଲେଣି।
Sukhbir zindabad pic.twitter.com/mnKohPsmlK
— Gulshan Devaiah (@gulshandevaiah) October 25, 2022
ଦୁଇ ଦେଶ ମଧ୍ୟରେ ସ୍ୱଦମ୍ପର୍କ ଖରାପ ଏହି ମ୍ୟାଚ ଦୁଇ ଦେଶର ଲୋକଙ୍କୁ ଯୋଡ଼ିବାରେ ସାହାଯ୍ୟ କରିଛି। ଟୁଇଟରରେ ସୋସିଆଲ ମିଡ଼ିଆ ୟୁଜର୍ସ ଏହି ଭିଡିଓକୁ ନେଇ ନାନା ପ୍ରକାର ମନ୍ତବ୍ୟ ଦେଉଛନ୍ତି।
