ଶୀତଋତୁରେ ଗରମ ପାଣିର ଉପକାର ଜାଣିଲେ ହେବେ ଆଶ୍ଚର୍ଯ୍ୟ: ତ୍ୱଚାକୁ କରିଥାଏ ଉଜ୍ଜ୍ୱଳ
ଶୀତ ଋତୁରେ ଅଧିକାଂଶ ଲୋକ ଗରମ ପାଣି ପିଇବା ପାଇଁ ଉଚିତ ମନେ କରନ୍ତି । ଏହା ଗାଧୋଇବା ପାଇଁ ମଧ୍ୟ ବ୍ୟବହୃତ ହୋଇଥାଏ । ସ୍ୱାସ୍ଥ୍ୟ ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଶୀତଦିନେ ଉଷୁମ ପାଣି ପିଇବା ଦ୍ୱାରା ଥଣ୍ଡା ଏବଂ କାଶ ହେବାର ଆଶଙ୍କା କମିଯାଏ । ଏହା ସହିତ ଗରମ ପାଣି ଗଳାକୁ ଜୀବାଣୁ ଆକ୍ରମଣରୁ ରକ୍ଷା ମଧ୍ୟ କରିଥାଏ । ଶୀତଦିନେ ଗରମ ପାଣିରେ ଗାଧୋଇବା ସ୍ୱାସ୍ଥ୍ୟ ପାଇଁ ମଧ୍ୟ ଲାଭଦାୟକ ହୋଇଥାଏ । ଏହା ଦ୍ୱାରା ରକ୍ତ ସଞ୍ଚାଳନ ମଧ୍ୟ ଠିକ୍ ରହିଥାଏ ଏବଂ ଅନେକ ଲାଭ ମଧ୍ୟ ମିଳିଥାଏ ।
ଗରମ ପାଣିର ଉପକାର ।
୧. ଉଷୁମ ପାଣି ପିଇବା ଦ୍ୱାରା ଶରୀରର ମେଟାବୋଲିଜିମ୍ ଠିକ ରହିଥାଏ । ଏହା ସହିତ ଶରୀରରେ ଗଚ୍ଛିତ ଅତିରିକ୍ତ ଚର୍ବି ମଧ୍ୟ ଶୀଘ୍ର କମ ହେବା ଆରମ୍ଭ କରେ । ଗରମ ପାଣି ପିଇବା ଦ୍ୱାରା ଓଜନ ହ୍ରାସ ଶୀଘ୍ର ହୋଇଥାଏ । ଗରମ ପାଣି କିଡନୀର କାର୍ଯ୍ୟ କରିବାର କ୍ଷମତା ବଢାଇଥାଏ । ଏହା କୋଷ୍ଠକାଠିନ୍ୟରୁ ମଧ୍ୟ ମୁକ୍ତି ଦେଇଥାଏ ।
୨. ଯଦି ଆପଣ ପ୍ରତିଦିନ ଗରମ ପାଣି ପିଅନ୍ତି ତେବେ ଏହା ଆପଣଙ୍କ ତ୍ୱଚାର ଶୁଷ୍କତାକୁ ଦୂର କରିଥାଏ ଏବଂ ଆପଣଙ୍କ ତ୍ୱଚାକୁ ଉଜ୍ଜ୍ୱଳ କରିଥାଏ । ତେବେ ଆପଣଙ୍କ ତ୍ୱଚା ପୁଣି ଚମକିବା ଆରମ୍ଭ କରେ । ଏହା ଶରୀରରେ ନଷ୍ଟ ହୋଇଥିବା କୋଷଗୁଡ଼ିକର ମରାମତି କରିବାରେ ସାହାଯ୍ୟ କରେ । ଗରମ ପାଣି ପେଟରେ ଥିବା ଏସିଡିଟି ସମସ୍ୟାରୁ ମଧ୍ୟ ଆରାମ ଦେଇଥାଏ ।
୩. ଯଦି ଆପଣ ପ୍ରତିଦିନ ଉଷୁମ ପାଣିରେ ଗାଧୋଉଛନ୍ତି ତେବେ ଶରୀରର ରକ୍ତ ସଞ୍ଚାଳନ ଠିକ୍ ରହିଥାଏ ଏବଂ ଶରୀରର ହରମୋନ୍ ସନ୍ତୁଳନ ବଜାୟ ରହିଥାଏ । ଏହା ସହିତ ଉଷୁମ ପାଣିରେ ଗାଧୋଇବା ଦ୍ୱାରା ମନକୁ ଶାନ୍ତି ମିଳିିଥାଏ ଏବଂ ଚିନ୍ତାରୁ ମୁକ୍ତି ମିଳିଥାଏ । ସ୍ୱାସ୍ଥ୍ୟ ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଗରମ ପାଣି କେଶ ବୃଦ୍ଧି ପାଇଁ ଭଲ ଏବଂ କେଶକୁ ଉଜ୍ଜ୍ୱଳ କରିଥାଏ ।
