ରାଜଧାନୀରେ ଆଜି ସମସ୍ତ ସରକାରୀ ସ୍କୁଲ ବନ୍ଦ: ଆସନ୍ତାକାଲି ୩ଟାରୁ ଡିଟିସି ଓ ୪ଟାରୁ ଚାଲିବ ମେଟ୍ରୋ

ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀରେ ଆସନ୍ତାକାଲି ମ୍ୟୁନିସିପାଲିଟି କର୍ପୋରେସନ୍ ନିର୍ବାଚନ ପାଇଁ ଭୋଟ୍ ହେବ । ଡିସେମ୍ବର ୪ ରେ ଭୋଟ୍ ଦେବା ପାଇଁ ସମସ୍ତ ସରକାରୀ ବିଦ୍ୟାଳୟରେ ମତଦାନ କେନ୍ଦ୍ର ସ୍ଥାପନ କରାଯାଇଛି । ଏଭଳି ପରିସ୍ଥିତିରେ ସେମାନଙ୍କର ପ୍ରସ୍ତୁତିକୁ ଦୃଷ୍ଟିରେ ରଖି ଶନିବାର ସମସ୍ତ ସରକାରୀ ବିଦ୍ୟାଳୟ ବନ୍ଦ ରହିବ । ଏହା ପରିବର୍ତ୍ତେ ଡିସେମ୍ବର ୧୦ ରେ ଦ୍ୱିତୀୟ ଶନିବାର ଦିନ ବିଦ୍ୟାଳୟଗୁଡ଼ିକ ଖୋଲିବ ।

ଶିକ୍ଷା ନିର୍ଦ୍ଦେଶାଳୟ ତରଫରୁ ସମସ୍ତ ସରକାରୀ ବିଦ୍ୟାଳୟର ମୁଖ୍ୟମାନଙ୍କୁ ନିର୍ଦ୍ଦେଶ ଦିଆଯାଇଛି କି, ଡିସେମ୍ବରରେ ୩ରେ ସ୍କୁଲ ବନ୍ଦ ରହିବ ବୋଲି ସେମାନେ ଛାତ୍ର, କର୍ମଚାରୀ, ବିଦ୍ୟାଳୟ ପରିଚାଳନା କମିଟି ସଦସ୍ୟ ଏବଂ ଅଭିଭାବକମାନଙ୍କ ନିକଟରେ ସୂଚନା ଦେବେ । ଏଥି ସହିତ କେତେକ ଅଞ୍ଚଳର ଘରୋଇ ବିଦ୍ୟାଳୟଗୁଡ଼ିକ ମଧ୍ୟ ଏମସିଡି ନିର୍ବାଚନ ପାଇଁ ପ୍ରସ୍ତୁତିକୁ ଦୃଷ୍ଟିରେ ରଖି ବିଦ୍ୟାଳୟ ବନ୍ଦ ରଖିବାକୁ ନିଷ୍ପତ୍ତି ନେଇଛନ୍ତି । ଏହି ବିଷୟରେ ଅଭିଭାବକମାନଙ୍କୁ ମେସେଜ୍ ଜରିଆରେ ପଠାଯାଇଛି ।

ତେବେ ଏମସିଡି ନିର୍ବାଚନକୁ ଦୃଷ୍ଟିରେ ରଖି ରବିବାର ସକାଳ ୪ ଟାରୁ ମେଟ୍ରୋ ସେବା ଆରମ୍ଭ ହେବ । ମେଟ୍ରୋ ସକାଳ ୪ ଟାରୁ ୬ ଟା ମଧ୍ୟରେ ଅଧା ଘଣ୍ଟା ବ୍ୟବଧାନରେ ସମସ୍ତ ଲାଇନରେ ଉପଲବ୍ଧ ହେବ । ଏହା ପରେ ସାଧାରଣ ସମୟ ସାରଣୀ ଅନୁଯାୟୀ ମେଟ୍ରୋ ଚାଲିବ । ଦିଲ୍ଲୀ ପରିବହନ ନିଗମ ମଧ୍ୟ ସକାଳ ୩ ଟାରୁ ବସ୍ ଚଳାଇବାକୁ ନିଷ୍ପତ୍ତି ନେଇଛି । ଏହି ସମୟରେ ବସ୍ ଗୁଡିକ ୩୫ ରୁଟରେ ଚଳାଚଳ କରିବ, ଯାହାଦ୍ୱାରା ଟ୍ରାଫିକରେ କୌଣସି ଅସୁବିଧା ହେବ ନାହିଁ । ଭୋଟ ଗଣତି ସମୟରେ ବୁଧବାର ମଧ୍ୟ ସକାଳ ୩ ଟାରୁ ବସ୍ ସେବା ଆରମ୍ଭ ହେବ ।