ସାବଧାନ୍! ଟ୍ରେନରେ ଏହି କାମ କରିବା ପଡ଼ିବ ମହଙ୍ଗା, ବର୍ଷେ ହୋଇପାରେ ଜେଲ୍

ନୂଆଦିଲ୍ଲୀ: ଦେଶରେ ପ୍ରତିଦିନ ଶହ ଶହ ଟ୍ରେନ୍ ଦୀର୍ଘ ଦୂରତା ଯାତ୍ରା କରୁଛି । ସେହିପରି ଲକ୍ଷାଧିକ ଲୋକ ଅଲଗା ଅଲଗା ସ୍ଥାନରୁ ଟ୍ରେନରେ ଯାତ୍ରା କରୁଛନ୍ତି । ଲୋକଙ୍କ ଯାତ୍ରାକୁ ସହଜ କରିବାକୁ ଭାରତୀୟ ରେଳ ପକ୍ଷରୁ ବିଭିନ୍ନ ପଦକ୍ଷେପ ନିଆଯାଉଛି । ଲୋକଙ୍କ ଯାତ୍ରାକୁ ଆରାମଦାୟକ କରିବା ପାଇଁ ରେଳବାଇ ଅନେକ ଉଦ୍ୟମ କରିଥାଏ । ଅନେକ ଥର ଦେଖାଯାଇଛି ଯେ, ଟ୍ରେନ୍ ବିଳମ୍ବରେ ଚାଲିବା ଯୋଗୁଁ ଲୋକମାନେ ଅନେକ ସମସ୍ୟାର ସମ୍ମୁଖୀନ ହୁଅନ୍ତି । ଏପରି ପରିସ୍ଥିତିରେ ଟ୍ରେନର ଚେନ୍ ଟାଣିବା ଯୋଗୁଁ ଲୋକମାନେ ବହୁତ ପ୍ରଭାବିତ ହୋଇଥାନ୍ତି ।

ଚେନ୍ ପୁଲିଂ:-
ଲୋକମାନେ ସଚେତନ ହେବା ଉଚିତ ଯେ, ଟ୍ରେନରେ ଅନାବଶ୍ୟକ ଭାବରେ ଚେନ୍ ଟାଣିବା ଉଚିତ୍ ନୁହେଁ । ଯଦି ବିନା କାରଣରେ ଟ୍ରେନ୍ ଚେନ୍ ଟଣାଯାଏ, ତେବେ ଟ୍ରେନ୍ ବନ୍ଦ କରିବା ଆଇନଗତ ଅପରାଧ ବର୍ଗରେ ଆସିଥାଏ । ଟ୍ରେନର ଆଲାର୍ମ ଚେନ ସିଷ୍ଟମ କେବଳ ଜରୁରୀକାଳୀନ ପରିସ୍ଥିତି ପାଇଁ ରହିଛି । ବିନା କାରଣରେ ଟ୍ରେନ ଟାଣିବାରୁ ଅନ୍ୟ ଯାତ୍ରୀମାନଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିଥାଏ ଏବଂ ଟ୍ରେନ୍ ବିଳମ୍ବ ହୁଏ ।

ଭାରତୀୟ ରେଳ ଅଧିନିୟମ ୧୯୮୯ ର ଧାରା ୧୪୧ ଅନୁଯାୟୀ, ଉଚିତ୍ ଏବଂ ପର୍ଯ୍ୟାପ୍ତ କାରଣ ବିନା ଆଲାର୍ମ ଚେନ୍ ଟାଣିବା ହେଉଛି ଦଣ୍ଡନୀୟ ଅପରାଧ । ଦଣ୍ଡରେ ଏକ ବର୍ଷ ଜେଲଦଣ୍ଡ କିମ୍ବା ୧୦୦୦ ଟଙ୍କା ଜୋରିମାନା ଉଭୟ ସାମିଲ ରହିଛି । ଟ୍ରେନରେ ଚେନ୍ ଟାଣିବାକୁ ଅନୁମତି ସେବେ ଦିଆଯାଏ, ଯେବେ କୌଣସି ସାଥୀ, ଶିଶୁ, ବୃଦ୍ଧ କିମ୍ବା ଭିନ୍ନକ୍ଷମ ବାହାରେ ରହିଯାଆନ୍ତି । ଟ୍ରେନରେ କୌଣସି ଦୁର୍ଘଟଣା ହୋଇଯାଏ ନହେଲେ ଜରୁରୀକାଳୀନ ପରିସ୍ଥିତିରେ ଚେନ୍ ଟଣାଯାଇପାରିବ । । ଚଳନ୍ତା ଟ୍ରେନରେ ଚେନ୍ ଟାଣିବାର କୌଣସି ଠୋସ୍ କାରଣ ରହିବା ଆବଶ୍ୟକ ।