(Video) ୬୦ ବର୍ଷ ବୟସରେ ଚତୁର୍ଥଥର ପାଇଁ ବିବାହ ବନ୍ଧନରେ ବାନ୍ଧି ହେଲେ ତେଲୁଗୁ ଅଭିନେତା ନରେଶ! ଦେଖନ୍ତୁ ବିବାହ ଭିଡିଓ
ନୂଆଦିଲ୍ଲୀ:ତେଲୁଗୁ ଅଭିନେତା ନରେଶ ନିକଟରେ ଅଭିନେତ୍ରୀ ପବିତ୍ରା ଲୋକେଶଙ୍କୁ ବିବାହ କରିଥିବା ଖବର ଏବେ ଶୁଣିବାକୁ ମିଳୁଛି। ସେ ତାଙ୍କ ତୃତୀୟ ପତ୍ନୀଙ୍କଠାରୁ ଛାଡପତ୍ର ନେଇଛନ୍ତି। ଉଭୟ ନରେଶ ଏବଂ ପବିତ୍ରା ଟ୍ୱିଟର ହ୍ୟାଣ୍ଡେଲରେ ସେମାନଙ୍କ ବିବାହର ଏକ ଭିଡିଓ ସେୟାର କରିଥିଲେ ଏବଂ ସେମାନଙ୍କ ଦାମ୍ପତ୍ୟ ଜୀବନ ପାଇଁ ପ୍ରଶଂସକଙ୍କ ଆଶୀର୍ବାଦ ଲୋଡିଥିଲେ। ତେଲୁଗୁ ଅଭିନେତା ନରେଶଙ୍କ ଏହା ୪ର୍ଥ ବିବାହ ହୋଇଥିବାବେଳେ ଅଭିନେତ୍ରୀ ପବିତ୍ରା ଲୋକେଶ ବର୍ତ୍ତମାନ ତୃତୀୟ ଥର ପାଇଁ ବିବାହ କରିଛନ୍ତି।
ନରେଶ ପ୍ରଥମେ ସିନିୟର ଡ୍ୟାନ୍ସ ମାଷ୍ଟର ଶ୍ରୀନୁଙ୍କ ଝିଅଙ୍କ ସହିତ ବିବାହ କରିଥିଲେ, ତା’ପରେ ସେ ପ୍ରେମରେ ପଡ଼ି ପ୍ରସିଦ୍ଧ ତେଲୁଗୁ କବି ତଥା ଗୀତିକାର ଦେବୁଲାପାଲ୍ଲି କୃଷ୍ଣ ଶାସ୍ତ୍ରୀଙ୍କ ନାତୁଣୀକୁ ବିବାହ କରିଥିଲେ। ତାଙ୍କୁ ଛାଡପତ୍ର ଦେବା ପରେ ସେ ତାଙ୍କଠାରୁ ୨୦ ବର୍ଷ ସାନ ରାମୟା ରଘୁପତିଙ୍କୁ ବିବାହ କରିଥିଲେ।
ବର୍ତ୍ତମାନ, ୬୦ ବର୍ଷ ବୟସରେ ସେ ପବିତ୍ରା ଲୋକେଶଙ୍କ ସହ ଚତୁର୍ଥ ଥର ବିବାହ କରିଛନ୍ତି ଯିଏ ତାଙ୍କ ସହ ବିଭିନ୍ନ ଚଳଚ୍ଚିତ୍ରରେ କାମ କରିଛନ୍ତି। ଦୁହେଁ ଦୀର୍ଘ ଦୁଇ ବର୍ଷ ଧରି ଏକାଠି ରହୁଥିଲେ ଏବଂ ପରେ ବିବାହ କରିବାକୁ ନିଷ୍ପତ୍ତି ନେଇଥିଲେ।ପବିତ୍ରା ଲୋକେଶ ଜଣେ ପ୍ରସିଦ୍ଧ ଭାରତୀୟ ଟେଲିଭିଜନ ଏବଂ ଚଳଚ୍ଚିତ୍ର ଅଭିନେତ୍ରୀ। ସେ ବିଭିନ୍ନ ତେଲୁଗୁ ଏବଂ କନ୍ନଡ ଚଳଚ୍ଚିତ୍ରରେ କାମ କରିଛନ୍ତି । ପବିତ୍ରା ଲୋକେଶ ହେଉଛନ୍ତି ଭେଟେରାନ ଅଭିନେତା ମାଇସୋର ଲୋକେଶଙ୍କ ଝିଅ। ସେ ୧୬ ବର୍ଷ ବୟସରେ ଡେବ୍ୟୁ କରିଥିଲେ ଏବଂ ସେବେଠାରୁ ପବିତ୍ରା ୧୫୦ ରୁ ଅଧିକ କନ୍ନଡ ଚଳଚ୍ଚିତ୍ରରେ ଅଭିନୟ କରିଛନ୍ତି ।
Seeking your blessings for a life time of peace & joy in this new journey of us🤗
ఒక పవిత్ర బంధం
రెండు మనసులు
మూడు ముళ్ళు
ఏడు అడుగులు 🙏మీ ఆశీస్సులు కోరుకుంటూ ఇట్లు
– మీ #PavitraNaresh ❤️ pic.twitter.com/f26dgXXl6g— H.E Dr Naresh VK actor (@ItsActorNaresh) March 10, 2023
ସୂଚନାମୁତାବକ ପ୍ରଥମେ ପବିତ୍ରା ଲୋକେଶ ଏକ ସଫ୍ଟୱେୟାର ଇଞ୍ଜିନିୟରଙ୍କୁ ବିବାହ କରିଥିଲେ ଏବଂ ପରେ ଛାଡପତ୍ର ହେବା ପରେ ସେ କନ୍ନଡ ଚଳଚ୍ଚିତ୍ର ସେଲିବ୍ରେଟ ସୁଚେନ୍ଦ୍ର ପ୍ରସାଦଙ୍କୁ ବିବାହ କରିଥିଲେ। ୨୦୨୧ ପରଠାରୁ ସେ ନରେଶଙ୍କ ସହ ଲାଇଭ୍ ଇନ୍ ସମ୍ପର୍କ ଥିବା ଜଣାଯାଇଛିବର୍ତ୍ତମାନ, ଏକମାତ୍ର ପ୍ରଶ୍ନ ଉଠିଛି ନରେଶ ଏବଂ ପବିତ୍ରା ବିବାହ କରିଛନ୍ତି ନା ସେମାନଙ୍କ ଆଗାମୀ ଚଳଚ୍ଚିତ୍ରର ପ୍ରମୋଶନ ପାଇଁ ଏହା କେବଳ ଏକ ମେକ୍ ଇନ୍। କିଛି ସୂତ୍ରରୁ ପ୍ରକାଶ ଯେ ଉଭୟ ନରେଶ ଏବଂ ପବିତ୍ରା ଙ୍କର ଏକ ଫିଲ୍ମ ଆସୁଛି ଏବଂ ଏହି ଭିଡିଓ ସେହି ଫିଲ୍ମର ଅଂଶ ନୁହେଁ ତ?