ମସ୍ତିଷ୍କକୁ ଶୀଘ୍ର ବୁଢ଼ା କରୁଛି ଏହି ୩ଟି ଡ୍ରିଙ୍କସ୍: ଆଜିଠୁ ଛାଡନ୍ତୁ, ନଚେତ୍ ହୋଇପାରେ ମୃତ୍ୟୁ
ଗ୍ରୀଷ୍ମ ଋତୁ ଆରମ୍ଭ ହୋଇଥିବା ବେଳେ ଏଥିରେ ସ୍ୱାସ୍ଥ୍ୟ ସମ୍ବନ୍ଧରେ ଅନେକ ପ୍ରକାରର ସତର୍କତା ଅବଲମ୍ବନ କରିବାକୁ ଆବଶ୍ୟକ ହୋଇଥାଏ । ଗ୍ରୀଷ୍ମ ଋତୁରେ ଶରୀରକୁ ହାଇଡ୍ରେଟ୍ ରଖିବା ପାଇଁ ଲୋକମାନେ ଅନେକ ପ୍ରକାରର ପାନୀୟ ମଧ୍ୟ ଗ୍ରହଣ କରନ୍ତି । ଉଦାହରଣ ସ୍ୱରୂପ ଆଖୁ ରସ, ଫଳ ରସ ଇତ୍ୟାଦି ପାନୀୟର ଚାହିଦା ବଢ଼ିଥାଏ । ଅନେକ ଡ୍ରିଙ୍କସ୍ ଏପରି ଅଛି, ଯାହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ କ୍ଷତିକାରକ । ଏଭଳି ପରିସ୍ଥିତିରେ କେଉଁ ପାନୀୟ ଶରୀରକୁ କ୍ଷତି ପହଞ୍ଚାଇଥାଏ, ତାହା ଜାଣିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।
ଏପରି କିଛି ପାନୀୟ ମଧ୍ୟ ଅଛି ଯାହା ମସ୍ତିଷ୍କକୁ ଶୀଘ୍ର ବୁଢ଼ା କରିଥାଏ । ସୁସ୍ଥ ରହିବା ପାଇଁ ସ୍ୱାସ୍ଥ୍ୟକର ଖାଦ୍ୟ ଗ୍ରହଣ କରିବା ଉଚିତ୍ । କିନ୍ତୁ ଲାଗାତାର ଭାବରେ ଅସ୍ୱାସ୍ଥ୍ୟକର ଖାଇବା ଏବଂ ପିଇବାର ଅଭ୍ୟାସ ମସ୍ତିଷ୍କ ଉପରେ ଖରାପ ପ୍ରଭାବ ପକାଇଥାଏ । ଏହି କାରଣରୁ ଆପଣଙ୍କର ମସ୍ତିଷ୍କ ସମୟ ପୂର୍ବରୁ ବୁଢ଼ା ହୋଇପାରେ । ନିୟମିତ ଭାବରେ ଅଧିକ ପରିମାଣର ଚିନି ଯୁକ୍ତ ଡ୍ରିଙ୍କସ ପିଇବା ଦ୍ୱାରା ମସ୍ତିଷ୍କ ନଷ୍ଟ ହୋଇପାରେ । କେଉଁ ଡ୍ରିଙ୍କସ ପିଇବା ଦ୍ୱାରା ମସ୍ତିଷ୍କ ବୁଢ଼ା ହୋଇଥାଏ, ଆସନ୍ତୁ ଜାଣିବା…
ସୋଡା:-
ଅଧିକ ସୋଡା ପିଇବା ଦ୍ୱାରା ମସ୍ତିଷ୍କ ବୁଢ଼ା ହୋଇପାରେ । ଏକ ଖବର ଅନୁଯାୟୀ, ସୋଡାକୁ ଅଧିକ ପିଇବା ଦ୍ୱାରା ମସ୍ତିଷ୍କର ବାର୍ଦ୍ଧକ୍ୟ ବୃଦ୍ଧି ପାଇଥାଏ । ଯେଉଁମାନେ ନିୟମିତ ଭାବରେ ସୋଡା ପିଉଥିଲେ ସେମାନଙ୍କର “ଏପିସୋଡିକ୍” ସ୍ମୃତି ଶକ୍ତି ମଧ୍ୟ ଦୁର୍ବଳ ହୋଇଥିଲା, ଅର୍ଥାତ୍ ଅତୀତର ଘଟଣାଗୁଡ଼ିକର ଦୀର୍ଘସ୍ଥାୟୀ ସ୍ମୃତି ସଂରକ୍ଷଣ କରିବାର କ୍ଷମତା ସେମାନଙ୍କର ହ୍ରାସ ପାଇଥିଲା । ପ୍ରତିଦିନ ଶର୍କରା ସୋଡା ପାନୀୟ ପିଇବା ଠାରୁ ଦୂରେଇ ରୁହନ୍ତୁ । ଏହାଦ୍ୱାରା ମସ୍ତିଷ୍କକୁ ଠିକ୍ ରହିବ ।
ଡାଏଟ୍ ସୋଡା:-
ସୋଡା ପରି, ଡାଏଟ୍ ସୋଡା ମଧ୍ୟ ମସ୍ତିଷ୍କ ପାଇଁ ଏକ ସୁସ୍ଥ ବିକଳ୍ପ ନୁହେଁ । ଏହା ମସ୍ତିଷ୍କର ସ୍ୱାସ୍ଥ୍ୟ ପାଇଁ କ୍ଷତିକାରକ । ଏକ ଅଧ୍ୟୟନରୁ ଜଣାପଡିଛି ଯେ, ଯେଉଁମାନେ ପ୍ରତିଦିନ ଏକ ଡାଏଟ୍ ସୋଡା ପିଅନ୍ତି, ସେମାନଙ୍କର ଷ୍ଟ୍ରୋକ୍ ବା ଡିମେନ୍ସିଆ ହେବାର ସମ୍ଭାବନା ୩ ଗୁଣ ଅଧିକ ବଢ଼ିଯାଏ । ତଥାପି ଏହି ବିଷୟରେ ଅଧିକ ଗବେଷଣା ଆବଶ୍ୟକ ।
ମଦ୍ୟପାନ:-
ମଦ୍ୟପାନ ମସ୍ତିଷ୍କ ଉପରେ ମଧ୍ୟ ଖରାପ ପ୍ରଭାବ ପକାଇଥାଏ । ମଦ୍ୟପାନର ଅତ୍ୟଧିକ ବ୍ୟବହାର ମସ୍ତିଷ୍କର ବାର୍ଦ୍ଧକ୍ୟ ପ୍ରକ୍ରିୟାକୁ ମଧ୍ୟ ତ୍ୱରାନ୍ୱିତ କରିପାରେ । କିନ୍ତୁ ବିତର୍କର ବିଷୟ ହେଉଛି ଅଳ୍ପ ପରିମାଣର ମଦ୍ୟପାନ କରିବା ଆପଣଙ୍କ ଜ୍ଞାନ ଉପରେ ପ୍ରଭାବ ପକାଇପାରେ କି ନାହିଁ । ତଥାପି, ଅନୁସନ୍ଧାନରୁ ଜଣାପଡିଛି ଯେ ଯେଉଁମାନେ ପ୍ରତିଦିନ ଏକ ଗ୍ଲାସ୍ ରେଡ ୱାଇନ୍ ପିଉଛନ୍ତି, ସେମାନଙ୍କଠାରେ ଡିମେନ୍ସିଆ କିମ୍ବା ଆଲଜାଇମର ରୋଗ ହେବାର ସମ୍ଭାବନା କମ୍ ଥାଏ । କିନ୍ତୁ ୨୦୨୨ ଅନୁସନ୍ଧାନରୁ ଜଣାପଡିଛି ଯେ, ଦିନକୁ କେବଳ ଗୋଟିଏ କିମ୍ବା ୨ ଡ୍ରିଙ୍କସ ଆପଣଙ୍କ ମସ୍ତିଷ୍କ ଉପରେ ନକାରାତ୍ମକ ପ୍ରଭାବ ପକାଇପାରେ ।
