ପୁଣି ଆସିପାରେ କୋଭିଡ ପରି ମହାମାରୀ, ପ୍ରତିଦିନ ହୋଇପାରେ ୧୫ ହଜାର ମୃତ୍ୟୁ! ରିପୋର୍ଟରୁ ଖୁଲାସା
ନୂଆଦିଲ୍ଲୀ: କରୋନାକୁ ପ୍ରାୟ ତିନି ବର୍ଷ ବିତିଯାଇଥିଲେ ମଧ୍ୟ, ବିଶ୍ୱ ମହାମାରୀର ଛାୟାରୁ ସମ୍ପୂର୍ଣ୍ଣ ମୁକ୍ତ ହୋଇପାରି ନାହିଁ। ଏବେ ଏକ ନୂଆ ରିପୋର୍ଟ ଚିନ୍ତାର କାରଣ ପାଲଟିଛି। ବାସ୍ତବରେ, ଏକ ସ୍ୱାସ୍ଥ୍ୟ ବିଶ୍ଳେଷକ ସଂସ୍ଥା ଏହାର ରିପୋର୍ଟରେ ଦାବି କରିଛି ଯେ, ଆଗାମୀ ଏକ ଦଶନ୍ଧିରେ କରୋନା ଭଳି ଅନ୍ୟ ଏକ ବିପଦଜନକ ମହାମାରୀ ବିଶ୍ୱକୁ ଆସିପାରେ। ତେବେ ଠିକ ସମୟରେ ଟିକା ପ୍ରସ୍ତୁତ କରି ମହାମାରୀର ବିପଦକୁ ହ୍ରାସ କରାଯାଇପାରିବ ବୋଲି ରିପୋର୍ଟରେ ମଧ୍ୟ କୁହାଯାଇଛି।
ଲଣ୍ଡନର ଏୟାରଫିନିଟି ଲି ଫାର୍ମ ଦାବି କରିଛି ଯେ, ଜଳବାୟୁ ପରିବର୍ତ୍ତନ, ଆନ୍ତର୍ଜାତୀୟ ଭ୍ରମଣ ବୃଦ୍ଧି, ଜନସଂଖ୍ୟା ଏବଂ ରୋଗ ଯାହା ପଶୁମାନଙ୍କଠାରୁ ମଣିଷକୁ ସଂକ୍ରମିତ ହୋଇପାରେ ତାହା ମହାମାରୀର କାରଣ ହୋଇପାରେ। ତେବେ ଏକ ନୂତନ ସଂକ୍ରାମକ ରୋଗ ଚିହ୍ନଟ ହେବାର ୧୦୦ ଦିନ ମଧ୍ୟରେ ଯଦି ଏହାର ଟିକା ପ୍ରସ୍ତୁତ କରାଯାଏ ତେବେ ମହାମାରୀ ହେବାର ଆଶଙ୍କା ୮ ପ୍ରତିଶତକୁ ହ୍ରାସ ପାଇବ ବୋଲି କମ୍ପାନୀ କହିଛି।
କମ୍ପାନୀ କହିଛି ଯେ, ଯଦି ଅବସ୍ଥା ବିଗିଡିଯାଏ ଏବଂ ନିୟନ୍ତ୍ରଣ ବାହାରକୁ ଆସେ, ତେବେ କେବଳ ବ୍ରିଟେନରେ ୧୫,୦୦୦ ଲୋକ ପକ୍ଷୀ ଫ୍ଲୁ ଭଳି ଜୀବାଣୁ ସଂକ୍ରମଣ ହେତୁ ମୃତ୍ୟୁ ବରଣ କରିପାରିବେ। ଗତ ଦୁଇ ଦଶନ୍ଧି ମଧ୍ୟରେ ବିଶ୍ୱରେ ତିନୋଟି ପ୍ରମୁଖ ମହାମାରୀ ଦେଖାଯାଇଛି, ଯେଉଁଥିରେ କରୋନା ମହାମାରୀ, SARS, MERS ଏବଂ ସ୍ୱାଇନ୍ ଫ୍ଲୁ ଭଳି ମହାମାରୀ ଅନ୍ତର୍ଭୁକ୍ତ।
H5N1 ପକ୍ଷୀ ଫ୍ଲୁ ସଂକ୍ରମଣ ମଧ୍ୟ ଚିନ୍ତା ବଢ଼ାଉଛି। ଏଥିରେ ସଂକ୍ରମିତ ଲୋକଙ୍କ ସଂଖ୍ୟା କମ୍ ଏବଂ ଏହା ମଣିଷଠାରୁ ମଣିଷ ପର୍ଯ୍ୟନ୍ତ ବ୍ୟାପିବାର କୌଣସି ଲକ୍ଷଣ ନାହିଁ। ହେଲେ ପକ୍ଷୀ ଏବଂ ସ୍ତନ୍ୟପାୟୀ ପ୍ରାଣୀମାନଙ୍କରେ ବିସ୍ତାର ହାର ଦ୍ରୁତ ଅଟେ, ଯେଉଁ କାରଣରୁ ଚିନ୍ତା ରହୁଛି। ଏପରିକି ଜିକା, MERS ଇତ୍ୟାଦି ଅନେକ ବିପଜ୍ଜନକ ରୋଗର ଟିକା ଏପର୍ଯ୍ୟନ୍ତ ମିଳିନାହିଁ। ଏଭଳି ପରିସ୍ଥିତିରେ ସ୍ୱାସ୍ଥ୍ୟ ବୈଜ୍ଞାନିକ ମାନଙ୍କୁ ତୁରନ୍ତ ଏଭଳି ପଦକ୍ଷେପ ନେବାକୁ ପଡିବ, ଯାହା ଦ୍ୱାରା ଭବିଷ୍ୟତରେ ମହାମାରୀର ମୁକାବିଲା କରାଯାଇପାରିବ।
