PS 2 fees : ‘ପୋନିୟିନ୍ ସେଲଭାନ୍ ୨’ ଷ୍ଟାରକାଷ୍ଟ ଦରମା ଶୁଣିଲେ ଆଶ୍ଚର୍ଯ୍ୟ ହୋଇଯିବେ, ବିକ୍ରମ ଠାରୁ ଐଶ୍ୱର୍ଯ୍ୟାଙ୍କ ଦରମା ୨ କୋଟି କମ୍ !
ନୂଆଦିଲ୍ଲୀ : ବକ୍ସ ଅଫିସରେ ହିଟ୍ ସାବ୍ୟସ୍ତ ହୋଇଛି ପୋନିୟିନ୍ ସେଲଭାନ୍ ୨ । ମାତ୍ର ଦୁଇ ଦିନରେ ୫୦ କୋଟିରୁ ଅଧିକ ରୋଜଗାର କରିଛି । ତେବେ ଏହି ଫିଲ୍ମରେ ଅଭିନୟ କରିଥିବା ଷ୍ଟାର କାଷ୍ଟଙ୍କ ଫିସ୍ ବିଷୟରେ ଶୁଣିଲେ ଆପଣଙ୍କ ମୁଣ୍ଡ ଖରାପ ହୋଇଯିବ । ଐଶ୍ୱର୍ଯ୍ୟା ରାୟ ବଚ୍ଚନ, ବିକ୍ରମ, କାର୍ତ୍ତି, ତ୍ରିଶା କୃଷ୍ଣନ୍ ଏବଂ ସୋବିତା ଧୂଲିପାଲା ଙ୍କ ଦମଦାର ଅଭିନୟ ଦର୍ଶକଙ୍କୁ ଦିୱାନା କରିଛି । ତେବେ ଆସନ୍ତୁ ଜାଣିବା କେଉଁ ଷ୍ଟାର କେତେ ପାଉଣା ପାଇଛନ୍ତି ।
ଷ୍ଟାରକାଷ୍ଟ ଫିସ୍ କେତେ ?
ଚଳଚ୍ଚିତ୍ର ନିର୍ମାତା ମଣି ରତ୍ନାମଙ୍କ ଡ୍ରିମ୍ ପ୍ରୋଜେକ୍ଟରେ ‘ପୋନିୟିନ୍ ସେଲଭାନ୍’ ଲୋକଙ୍କ ଉପରେ ଯାଦୁ କରୁଛି । ପୋନିୟିନ୍ ସେଲଭାନ୍ ର ପ୍ରଥମ ଭାଗ ପରେ ବର୍ତ୍ତମାନ ଫିଲ୍ମର ଦ୍ୱିତୀୟ ଭାଗ ମଧ୍ୟ ରିଲିଜ୍ ହୋଇଛି । ଦୁଇ ଦିନରେ ୫୦ କୋଟିରୁ ଅଧିକ ଆୟ କରିଛି ।
ଗଣମାଧ୍ୟମର ରିପୋର୍ଟ ଅନୁଯାୟୀ, ପୋନିୟିନ୍ ସେଲଭାନ୍ ୨ ର ବଜେଟ୍ ହେଉଛି ୨୫୦ କୋଟି ଟଙ୍କା । ବଲିଉଡ ଲାଇଫରେ ପ୍ରକାଶିତ ରିପୋର୍ଟ ଅନୁଯାୟୀ ବିକ୍ରମ ଏହି ଚଳଚ୍ଚିତ୍ର ପାଇଁ ୧୨ କୋଟି ଟଙ୍କା ପାଉଣା ନେଇଥିବା ବେଳେ ଐଶ୍ୱର୍ଯ୍ୟା ରାୟ ବଚ୍ଚନ ୧୦ କୋଟି ନେଇଛନ୍ତି । କାର୍ତ୍ତି ୫ କୋଟି, ଜୟମ ରବି ୩ କୋଟି, ତ୍ରିଶା କୃଷ୍ଣନ ୩ କୋଟି, ସୋବିତା ଧୂଲିପାଲା ୨.୫ କୋଟି ଟଙ୍କା ଖର୍ଚ୍ଚ କରିଛନ୍ତି। ଐଶ୍ୱର୍ଯ୍ୟା ଲକ୍ଷ୍ମୀ ୧.୫ କୋଟି ଟଙ୍କା ନେଇଛନ୍ତି।
ପୋନିୟିନ ସେଲଭାନ ୨ ର ହିନ୍ଦୀ ସଂସ୍କରଣ ପ୍ରଥମ ଦିନରେ ମାତ୍ର ୨ କୋଟି ଟଙ୍କା ଆୟ କରିଥିବାବେଳେ ଫିଲ୍ମର ତାମିଲ ସଂସ୍କରଣ ପ୍ରାୟ ୧୮.୫ କୋଟି ଟଙ୍କା ସଂଗ୍ରହ କରିଛି। ଚଳଚ୍ଚିତ୍ରର ସମସ୍ତ ଭାଷା ମିଳିତ ହୋଇ ପ୍ରଥମ ଦିନରେ ୨୪ କୋଟି ସଂଗ୍ରହ କରିଥିଲା । ଅନ୍ୟପକ୍ଷରେ ଦ୍ୱିତୀୟ ଦିନରେ ମଧ୍ୟ ଫିଲ୍ମ ୨୪ କୋଟି ଟଙ୍କା ସଂଗ୍ରହ କରିଛି।
ପୋନିୟିନ୍ ସେଲଭାନ୍ ଫିଲ୍ମର ପ୍ରଥମ ଭାଗ ଦର୍ଶକଙ୍କ ମିଶ୍ରିତ ପ୍ରତିକ୍ରିୟା ଗ୍ରହଣ କରିଥିଲା । ଇଣ୍ଡିଆନ୍ ଏକ୍ସପ୍ରେସ୍ ରିପୋର୍ଟ ଅନୁଯାୟୀ ଫିଲ୍ମର ସଂଗ୍ରହ ବିଷୟରେ କହିବାକୁ ଗଲେ ପୋନିୟିନ୍ ସେଲଭାନ୍ ସାରା ବିଶ୍ୱରେ ୫୦୦ କୋଟିରୁ ଅଧିକ ଟଙ୍କା ସଂଗ୍ରହ କରିଥିଲେ। ଭାରତରେ ପୋନିୟିନ ସେଲଭାନ ରୋଜଗାର ପାଖାପାଖି ୨୨୨ କୋଟି ଥିଲା ।
