ସାନ ଭଉଣୀ ମୁହଁକୁ ଗୁଳି ମାରିଲା ବଡ଼ ଭଉଣୀ, ସ୍ୱାମୀଙ୍କ ସହ ସଂପର୍କ ଥିବା ସନ୍ଦେହ
ନୂଆଦିଲ୍ଲୀ: ଦିଲ୍ଲୀରେ ଜଣେ ୩୦ ବର୍ଷୀୟ ମହିଳା ନିଜ ସାନ ଭଉଣୀର ମୁହଁକୁ ଗୁଳି ମାରିବା ଖବର ସାମ୍ନାକୁ ଆସିଛି । ଏଥିରେ ତାଙ୍କୁ ଗିରଫ କରାଯାଇଛି । ଦିଲ୍ଲୀ ପୋଲିସ ଏହି ସୂଚନା ଦେଇଛି । ପୋଲିସ କହିଛି ଯେ, ଅପରାଧୀ ମହିଳା ସୋନୁ ଉପରେ ହତ୍ୟା କରିବା ପ୍ରୟାସ ଏବଂ ଅସ୍ତ୍ର ଅଧିନିୟମ ଅନୁଯାୟୀ ଅଭିଯୋଗ ହୋଇଛି । ଶାସ୍ତ୍ରୀ ପାର୍କ ଥାନେରେ ଏହି ମାମଲା ରୁଜୁ କରାଯାଇଛି ।
ପୋଲିସ କହିବା ଅନୁଯାୟୀ, ବଡ଼ ଭଉଣୀ ସୋନୁ ନିଜ ସାନ ଭଉଣୀ ସୁମାଇଲାଙ୍କ ମୁହଁକୁ ପିସ୍ତଲରେ ଗୁଳି ଦ୍ୱାରା ଆକ୍ରମଣ କରିଛି । ପୋଲିସ ଅଧିକାରୀ କହିଛନ୍ତି ଯେ, ସୋନୁକୁ ସନ୍ଦେହ ହୋଇଥିଲା ଯେ, ସାନ ଭଉଣୀ ତାଙ୍କ ସ୍ୱାମୀଙ୍କ ସହ ଶାରୀରିକ ସମ୍ବନ୍ଧ ରଖିଛି । ଏହି ଦୁଇ ଭଉଣୀ ଦିଲ୍ଲୀର ଶାସ୍ତ୍ରୀ ପାର୍କର ବୁଲନ୍ଦ ମସଜିଦ ଅଞ୍ଚଳରେ ରହୁଥିଲେ ।
ଡେପୁଟି କମିଶନର ଆନନ୍ଦ ତିର୍କି କହିଛନ୍ତି ଯେ, ବୁଧବାର ରାତି ପ୍ରାୟ ୬.୩୦ ସମୟରେ ୨୦ ବର୍ଷୀୟ ସୁମାଇଲା ପୋଲିସ ନିକଟରେ ଅଭିଯୋଗ କରିଛନ୍ତି ଯେ, ତାଙ୍କ ବଡ଼ ଭଉଣୀ ତାଙ୍କୁ ପିସ୍ତଲରେ ଗୁଳି କରି ହତ୍ୟା କରିବାକୁ ଚେଷ୍ଟା କରିଛନ୍ତି।
