ରାଜନୀତିର ଚକ୍ରବ୍ୟୁହରେ ଫସିଯାଇଛନ୍ତି ପରିବା ବିକାଳୀ ରାମେଶ୍ୱର, କେତେବେଳେ କଂଗ୍ରେସ ତ ପୁଣି କେତେବେଳେ ବିଜେପି ସହ ଭିଡିଓ ଭାଇରାଲ
ନୂଆଦିଲ୍ଲୀ: ଗରିବ ପରିବା ବିକାଳୀ ରାମେଶ୍ୱରଙ୍କୁ ନେଇ ଏବେ ରାଜନୀତି ଜୋର ଧରିଛି । କିଛିିଦିନ ତଳେ କ୍ୟାମେରା ସାମ୍ନାରେ କାନ୍ଦୁଥିବା ଅବସ୍ଥାରେ ରାମେଶ୍ୱରଙ୍କ ଭିଡିଓ ସୋସିଆଲ ମିଡିଆରେ ବହୁ ଲୋକଙ୍କ ହୃଦୟ ତରଳାଇ ଦେଇଥିଲା । ଏବେ ରାମେଶ୍ୱର ପୁଣି ଏକ ନୂଆ ବିବାଦର କେନ୍ଦ୍ର ଭାବରେ ଉଭା ହୋଇଛନ୍ତି । ପ୍ରକୃତ ଘଟଣା ହେଉଛି କିଛିଦିନ ତଳେ କଂଗ୍ରେସ ନେତା ରାହୁଲ ଗାନ୍ଧୀ ରାମେଶ୍ୱରଙ୍କ ସହ ଲଞ୍ଚ ସମୟରେ ତାଙ୍କ ଗରିବୀକୁ ପ୍ରଦର୍ଶନ କରିଥିଲେ । ଏବେ ରାମେଶ୍ୱରଙ୍କ ଏକ ନୂଆ ଭିଡିଓ ସାମ୍ନାକୁ ଆସିଛି । ଯେଉଁଥିରେ ସେ କହିଛନ୍ତି, ମୋଦୀ ସରକାରଙ୍କ ଠାରୁ ତାଙ୍କୁ ମାଗଣାରେ ସିଲିଣ୍ଡର ମିଳିଛି । ଏହି ଭିଡିଓକୁ ବିଜେପି ନେତା ଅମିତ ମାଲବ୍ୟ ଟ୍ୱିଟ୍ କରିଛନ୍ତି ।
ଏବେ ଭାଇରାଲ ହେଉଥିବା ଭିଡିଓରେ ପରିବା ବିକ୍ରେତା ରାମେଶ୍ୱର କହିଛନ୍ତି ତାଙ୍କୁ ପ୍ରଧାନମନ୍ତ୍ରୀ ମୋଦୀଙ୍କ ଉଜ୍ଜ୍ୱଳା ଯୋଜନା ଜରିଆରେ ମାଗଣାରେ ସିଲିଣ୍ଡର ମିଳିଛି । ଏହି ଭିଡିଓକୁ ବିଜେପି ନେତା ଅମିତ ମାଲବ୍ୟ ଟ୍ୱିଟ୍ କରିଛନ୍ତି । ଏହାର କ୍ୟାପସନରେ ମାଲବ୍ୟ ଲେଖିଛନ୍ତି, ରାମେଶ୍ୱରଙ୍କୁ ଉଜ୍ଜ୍ୱଳା ଯୋଜନାରେ ମୋଦୀ ସରକାରଙ୍କ ଠାରୁ ମାଗଣାରେ ଗ୍ୟାସ ସିଲିଣ୍ଡର ମିଳିଛି । କିନ୍ତୁ ଏସବୁ ମଧ୍ୟରେ କେବଳ ରାହୁଲ ଗାନ୍ଧୀ ନିଜର ରାଜନୈତିକ ଫାଇଦା ଉଠାଇବା ଲାଗି ତାଙ୍କ ଗରିବୀକୁ ପ୍ରଦର୍ଶନ କରିଛନ୍ତି ।
ପ୍ରକୃତରେ କିଛିଦିନ ତଳେ ପନିପରିବା ଦର ଆକାଶଛୁଆଁ ହୋଇଯାଇଥିଲା । ଏହି ସମୟରେ ରାମେଶ୍ୱର ନିଜ ସମସ୍ୟା କହିବାକୁ ଯାଇ ମିଡିଆର କ୍ୟାମେରା ସାମ୍ନାରେ କାନ୍ଦି ପକାଇଥିଲେ । ଭିଡିଓ ଭାଇରାଲ୍ ହେବା ପରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ସହିତ କଂଗ୍ରେସର ଅନ୍ୟ ନେତାମାନେ ଏହି ଭିଡିଓକୁ ନିଜ ନିଜ ଆକାଉଣ୍ଟରୁ ସେୟାର କରିଥିଲେ । ରାହୁଲ ଗାନ୍ଧୀ ଆଜାଦପୁର ମଣ୍ଡି ଗସ୍ତ କରିବା ସହିତ ଦିଲ୍ଲୀରେ ନିଜ ଘରେ ରାମେଶ୍ୱରଙ୍କୁ ଡକାଇ ଭେଟିବା ସହିତ ତାଙ୍କ ପାଇଁ ଦ୍ୱିପ୍ରହରର ଭୋଜନର ଆୟୋଜନ କରିଥିଲେ ।
रामेश्वर जी को मोदी सरकार की तरफ़ से उज्ज्वला योजना के अन्तर्गत फ्री गैस सिलेण्डर मिला।
केजरीवाल सरकार की फ़्री बिजली और पानी का दावा खोखला निकला।
लेकिन इस सब के बीच, सिर्फ़ राहुल गांधी ने इनकी ग़रीबी का अपने राजनीतिक लाभ के लिए शोषण किया।
ऐसे ही नहीं गांधी परिवार की चार… pic.twitter.com/ZrQMy0WYBr
— Amit Malviya (@amitmalviya) August 15, 2023
ଋାମେଶ୍ୱରଙ୍କୁ ଭେଟିବା ପରେ ରାହୁଲ ଗାନ୍ଧୀ ଟ୍ୱିଟ୍ କରିଥିଲେ, ‘ରାମେଶ୍ୱରଜୀ ଜଣେ ହୃଦୟବାନ ମଣିଷ । ତାଙ୍କ ମଧ୍ୟରେ ମୁଁ କୋଟି କୋଟି ଭାରତୀୟଙ୍କ ସରଳତାକୁ ଦେଖିପାରିଛି । ଯେଉଁମାନେ ବିପରୀତ ପରିସ୍ଥିତିରେ ବି ହସି ହସି ଆଗକୁ ବଢୁଛନ୍ତି ସେମାନେ ହେଉଛନ୍ତି ପ୍ରକୃତରେ ଭାରତର ଭାଗ୍ୟ ବିଧାତା ।’
ଏବେ ବିଜେପି ରାମେଶ୍ୱରଙ୍କ ଗରିବୀକୁ ନେଇ ରାହୁଲ ଗାନ୍ଧୀ ରାଜନୀତି କରୁଛନ୍ତି ବୋଲି କହି କଂଗ୍ରେସକୁ ଟାର୍ଗେଟ କରିଛି । ରାମେଶ୍ୱରଙ୍କର ଯେଉଁ ଭିଡିଓ ଭାଇରାଲ୍ ହେଉଛି ସେଥିରେ ସେ କହିଛନ୍ତି ତାଙ୍କୁ ରାଜ୍ୟ ସରକାରଙ୍କ ପକ୍ଷରୁ ମାଗଣାରେ ସିଲିଣ୍ଡର ମିଳୁଛି ଓ ସରକାରୀ ସ୍କୁଲରେ ତାଙ୍କ ପିଲା ମାଗଣାରେ ପାଠ ପଢୁଛନ୍ତି । କିନ୍ତୁ ତାଙ୍କୁ ଭଡାଘର ଲାଗି ପାଣି ଓ ବିଜୁଳି ବିଲ୍ ଭରିବାକୁ ପଡୁଛି । ଗଣମାଧ୍ୟମର ଏକ ପ୍ରଶ୍ନର ଉତ୍ତରରେ ସେ କହିଛନ୍ତି, କେନ୍ଦ୍ରରେ ପ୍ରଧାନମନ୍ତ୍ରୀ ଗରିବଙ୍କ ଲାଗି କରିଥିବା ଯୋଜନାରେ କିଛି ଲୋକଙ୍କୁ ତ ଫାଇଦା ମିଳିଛି କିନ୍ତୁ ତାଙ୍କୁ ସେପରି କିଛି ଫାଇଦା ମିଳିନାହିଁ ।
