ଡୋନାଲ୍ଡ ଟ୍ରମ୍ପଙ୍କୁ ସୋସିଆଲ ମିଡିଆ ଚଳାଇବା ଉପରେ ରୋକ୍ ଲଗାଇଲେ ବିଚାରପତି
ନୂଆଦିଲ୍ଲୀ: ୨୦୨୦ ମସିହାରେ ଜର୍ଜିଆର ନିର୍ବାଚନକୁ ପ୍ରଭାବିତ କରିବା ମାମଲାରେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗୁରୁବାର ଆତ୍ମସମର୍ପଣ କରିଛନ୍ତି । ଅବଶ୍ୟ ଖବର ମିଳିଛି କି, ୨ ଲକ୍ଷ ଆମେରିକୀୟ ଡଲାରର ବଣ୍ଡ ଏବଂ ଅନ୍ୟାନ୍ୟ ସର୍ତ୍ତ ସହିତ ଆବଶ୍ୟକ ପ୍ରକ୍ରିୟା ସମାପ୍ତ କରିବା ପରେ ତାଙ୍କୁ ଆଟଲାଣ୍ଟାର ଫୁଲଟନ୍ କାଉଣ୍ଟି ଜେଲରୁ ମୁକ୍ତ କରାଯାଇଛି ।
ସେ ପ୍ରାୟ ୨୦ ମିନିଟ୍ ଜେଲରେ ରହିଥିଲେ :-
ଜେଲ ରେକର୍ଡରୁ ଜଣାପଡିଛି ଯେ, ଟ୍ରମ୍ପଙ୍କୁ ଗୁରୁବାର ରାତିରେ ୧୨ରୁ ଅଧିକ ମାମଲାରେ ଗିରଫ କରାଯାଇଥିଲା । ମୁକ୍ତ ହେବା ପରେ ଆମେରିକାର ପୂର୍ବତନ ରାଷ୍ଟ୍ରପତି କହିଥିଲେ ଯେ, ମୁଁ କିଛି ଭୁଲ କରି ନାହିଁ । ଖାସ୍ କଥା ହେଉଛି ଏହା ପରେ ସେ ସୋସିଆଲ ମିଡିଆ ବ୍ୟବହାର କରିପାରିବେ ନାହିଁ । ବଣ୍ଡ ରାଶି ପାଇଁ ଆଟଲାଣ୍ଟା ଭିତ୍ତିକ କମ୍ପାନୀ ଫୋଷ୍ଟର ବେଲ ବଣ୍ଡସ୍ ଏଲଏଲ୍ସି ସହିତ ସେ କାମ କରିବାକୁ ନିଷ୍ପତ୍ତି ନେଇଛନ୍ତି ।
ତେବେ ଫୁଲଟନ୍ କାଉଣ୍ଟି ପ୍ରଥମ ମାମଲା, ଯେଉଁଠାରେ ଟ୍ରମ୍ପଙ୍କୁ ନଗଦ ଅର୍ଥ ଦେବାକୁ ପଡିଥିଲା । କୁହାଯାଉଛି ଯେ, ଦେୟ ନ ଦେଇ ଜାମିନ ପାଇବା ସମ୍ଭାବନା ଏଠାରେ କମ୍ ଥିଲା । ଏହି ପ୍ରକ୍ରିୟାରେ ବିକ୍ଷୋଭକାରୀମାନେ ଜିଲ୍ଲା ଓକିଲ ଫନି ୱିଲିସଙ୍କ ବିରୋଧରେ ସ୍ଲୋଗାନ ଦେଇ ଜେଲ ବାହାରେ ଏକାଠି ହୋଇଥିଲେ । ୱିଲିସ୍ ନିର୍ବାଚନ ସମ୍ପର୍କିତ ମାମଲାରେ ଟ୍ରମ୍ପଙ୍କ ସମେତ ୧୮ ଜଣଙ୍କ ଉପରେ ଅଭିଯୋଗ କରିଛନ୍ତି ।
