ଆତ୍ମହତ୍ୟା କଲେ ସାଉଥ ସୁପରଷ୍ଟାର ବିଜୟଙ୍କ ଝିଅ, ୧୬ ବର୍ଷରେ ନେଲେ ଏଭଳି ନିଷ୍ପତ୍ତି
ନୂଆଦିଲ୍ଲୀ: ସାଉଥ ମନୋରଞ୍ଜନ ଜଗତରେ ସକାଳୁ ଏକ ଦୁଃଖଦ ଘଟଣା ସାମ୍ନାକୁ ଆସିଛି । ଖବର ମୁତାବକ, ସାଉଥର ଲୋକପ୍ରିୟ ଆକ୍ଟର ଏବଂ କମ୍ପୋଜର ବିଜୟ ଏଣ୍ଟନୀଙ୍କ ୧୬ ବର୍ଷୀୟ ଝିଅ ଲାରା ଏଣ୍ଟନୀ ଆତ୍ମହତ୍ୟା କରିଛନ୍ତି । ମଙ୍ଗଳବାର ଦିନ ସକାଳୁ ଏହି ଖବର ଆସିବା ପରେ ସାରା ସାଉଥ ଇଣ୍ଡଷ୍ଟ୍ରୀକୁ ଚକିତ କରିଛି ।
ସୂଚନା ଅନୁଯାୟୀ, ୩ଟା ରାତିରେ ବିଜୟଙ୍କ ଝିଅର ଆତ୍ମହତ୍ୟା ଖବର ଜାଣିବାକୁ ମିଳିଥିଲା । ଯାହାପରେ ତାଙ୍କୁ ହସ୍ପିଟାଲ ନିଆଯାଇଥିଲା, ହେଲେ ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା । ଖବର ମୁତାବକ, ବିଜୟ ଯେତେବେଳେ ତାଙ୍କ ଝିଅଙ୍କ ରୁମକୁ ଯାଇଥିଲେ ସେଠାରେ ତାଙ୍କ ଝିଅର ଝୁଲନ୍ତା ଅବସ୍ଥା ଦେଖିଥିଲେ । ଏହାପରେ ବିଜୟ ତାଙ୍କ ଷ୍ଟାଫଙ୍କ ସହାୟତାରେ ଝିଅକୁ ହସ୍ପିଟାଲ ନେଇ ଯାଇଥିଲେ ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ତାଙ୍କ ଝିଅ କାହିଁକି ଏଭଳି ଆତ୍ମହତ୍ୟା ନିଷ୍ପତ୍ତି ନେଇଛନ୍ତି ତାହା ବର୍ତ୍ତମାନ ସ୍ପଷ୍ଟ ହୋଇନାହିଁ । ତେବେ ଏହି ଦୁଃଖଦ ଘଟଣା ଶୁଣିବା ପରେ ବିଜୟଙ୍କ ଘରକୁ ଅନେକ ଲୋକ ଯିବା ଦେଖିବାକୁ ମିଳିଛି । ସେହିପରି ବିଜୟଙ୍କ ଘନିଷ୍ଠ ବନ୍ଧୁମାନେ ଏହି ଦୁଃଖଦ ଖବର ସୋସିଆଲ ପ୍ଲାଟଫର୍ମରେ ସେୟାର କରୁଛନ୍ତି ଏବଂ ତାଙ୍କ ଝିଅର ଆତ୍ମା ଶାନ୍ତି ପାଇଁ ପ୍ରାର୍ଥନା କରୁଛନ୍ତି ।
