ବିରାଟ ଓ ଅନୁଷ୍କା ପୁଣି ଥରେ ଦେବାକୁ ଯାଉଛନ୍ତି ଗୁଡ୍ ନ୍ୟୁଜ୍, ଖୁବ୍ ଶୀଘ୍ର ୩ରୁ ୪ ହେବାକୁ ଯାଉଛି ବିରୁଷ୍କାଙ୍କ ପରିବାର !
ନୂଆଦିଲ୍ଲୀ: ଅନୁଷ୍କା ଶର୍ମା ଓ ବିରାଟ କୋହଲିଙ୍କ ନାମ ସେହି ସେଲିବ୍ରିଟିଙ୍କ ମଧ୍ୟରେ ଆସିଥାଏ ଯେଉଁମାନେ ନିଜ ପର୍ସନାଲ ଲାଇଫକୁ ପର୍ସନାଲ ରଖିବାକୁ ହିଁ ପସନ୍ଦ କରିଥାନ୍ତି । ଏହି ଯୋଡିକୁ ଫ୍ୟାନ୍ସ ବହୁତ ପସନ୍ଦ ବି କରିଥାନ୍ତି । ଏହାରି ମଧ୍ୟରେ ଉଭୟଙ୍କୁ ନେଇ ଏକ ଗୁଡ୍ ନ୍ୟୁଜ୍ ଆସିଛି ।
ଅନୁଷ୍କା ଓ ବିରାଟଙ୍କୁ ନେଇ ଏପରି କିଛି ଖବର ଆସିଛି ଯାହା ଶୁଣିବା ପରେ ଫ୍ୟାନ୍ସ ନିଶ୍ଚୟ ଖୁସି ହେବେ । ଖବର ମିଳିଛି ଯେ ବିରୁଷ୍କାଙ୍କ ପରିବାର ଖୁବ୍ ଶୀଘ୍ର ୩ରୁ ୪ ହେବାକୁ ଯାଉଛି । ଏକ ରିପୋର୍ଟ ଅନୁଯାୟୀ ଅନୁଷ୍କା ପ୍ରେଗନାଣ୍ଟ ଅଛନ୍ତି । ବିରୁଷ୍କାଙ୍କର ଦ୍ୱିତୀୟ ସନ୍ତାନ ଆସୁଥିବା ନେଇ ଖବର ଆସିଛି । ଅନୁଷ୍କାଙ୍କର ପ୍ରେଗନାନ୍ସୀର ଦ୍ୱିତୀୟ ମାସ ଚାଲିଛି ବୋଲି କୁହାଯାଉଛି । ଉଭୟ ଠିକ୍ ସମୟରେ ଏହି କଥାକୁ ଫ୍ୟାନ୍ସଙ୍କ ନିକଟରେ ଘୋଷଣା କରିବେ ବୋଲି କୁହାଯାଉଛି ।
ରିପୋର୍ଟରେ ଏହା ମଧ୍ୟ କୁହାଯାଇଛି ଯେ, ଅନୁଷ୍କା ବହୁତ ସମୟ ଧରି କୌଣସି ପବ୍ଲିକ ଇଭେଣ୍ଟରେ ନଜର ଆସିନାହାନ୍ତି । କାରଣ ସେ ଚାହୁଁନାହାନ୍ତି କି ଏବେଠାରୁ ସମସ୍ତେ ତାଙ୍କୁ ନେଇ ଅନୁମାନ ଲଗାଇବା ଆରମ୍ଭ କରିଦିଅନ୍ତୁ । ବିରୁଷ୍କାଙ୍କୁ ମାଟରନିଟି କ୍ଲିନିକ୍ରେ ମଧ୍ୟ ସ୍ପଟ୍ କରାଯାଇଥିଲା କିନ୍ତୁ ସେ ପାପାରାଜିଙ୍କୁ ଅନୁରୋଧ କରିଥିଲେ ଯେ ଏ ବିଷୟରେ କୌଣସି ଫଟୋ ସେୟାର ନ କରିବାକୁ ।
ଏ ପର୍ଯ୍ୟନ୍ତ ବିରୁଷ୍କା ସେମାନଙ୍କ ପ୍ରଥମ କନ୍ୟା ସନ୍ତାନ ଭାମିକାର ଚେହେରା କାହାକୁ ଦେଖାଇ ନାହାନ୍ତି । ପ୍ରଥମରୁ ସେମାନେ କହିଦେଇଥିଲେ କି ମିଡିଆ ସାମ୍ନାରେ ଝିଅର ଚେହେରା ଦେଖାଇବେ ନାହିଁ । ବିରାଟ ନିଜେ ଏକ ସାକ୍ଷାତକାର ଅବସରରେ କହିଥିଲେ ସେ ଭାମିକାର ଚେହେରା ସୋସିଆଲ ମିଡିଆରେ ଦେଖାଇବେ ନାହିଁ ଯେ ପର୍ଯ୍ୟନ୍ତ ସେ ନିଜେ ସୋସିଆଲ ମିଡିଆ ସାମ୍ନାକୁ ଆସିବା ନେଇ ଇଛା ପ୍ରକାଶ ନ କରିଛି ।
