ଅତ୍ୟଧିକ ଗ୍ୟାସ୍ ହେଉଥିଲେ କରନ୍ତୁନି ଅଣଦେଖା, ହୋଇପାରେ କ୍ୟାନ୍ସରର ପ୍ରାରମ୍ଭିକ ଲକ୍ଷଣ
ପ୍ରଜନନ ଅଙ୍ଗରେ ଅତ୍ୟଧିକ ଗ୍ୟାସ ସୃଷ୍ଟି ହେବା ରୋଗ ବ୍ୟାପିବାର ପ୍ରାରମ୍ଭିକ ଲକ୍ଷଣ ହୋଇପାରେ । ସାଧାରଣତଃ ଲୋକମାନେ ଏହାକୁ ସାଧାରଣ ଗ୍ୟାସ୍ କିମ୍ବା ଏସିଡିଟି ବୋଲି ବିଚାର କରି ଅଣଦେଖା କରନ୍ତି କିନ୍ତୁ ଏହା କର୍କଟ ରୋଗର ପ୍ରାରମ୍ଭିକ ଲକ୍ଷଣ ହୋଇପାରେ । ପ୍ରଜନନ ଅଙ୍ଗରେ ହେଉଥିବା କର୍କଟର ପ୍ରାରମ୍ଭିକ ଲକ୍ଷଣ ଏହିପରି ହୋଇଥାଏ । ରୋଗୀ ଭାବନ୍ତି ଯେ ଏହା ଏକ ସାଧାରଣ ଗ୍ୟାସ୍ ସମସ୍ୟା କିନ୍ତୁ ପରେ ଏହା ଏକ ବିପଜ୍ଜନକ ରୂପ ନେଇଥାଏ । ଯେଉଁଥିପାଇଁ ପରେ ଏହି ପାର୍ଟକୁ କାଟି ବାହାର କରିବାକୁ ପଡିଥାଏ । ଏଭଳି କର୍କଟକୁ ଗର୍ଭାଶୟ କର୍କଟ ବା ସର୍ଭାଇକଲ କ୍ୟାନ୍ସର କୁହାଯାଏ ।
ଏହି ଭାଇରସ୍ ଦ୍ୱାରା ହୋଇଥାଏ ଗର୍ଭାଶୟ କର୍କଟ :-
ସେପ୍ଟେମ୍ବରକୁ ଗାୟନୋକୋଲଜିକାଲ କ୍ୟାନ୍ସର ବିଷୟରେ ସଚେତନତା ସୃଷ୍ଟି କରିବାର ମାସ ବୋଲି ବିବେଚନା କରାଯାଏ । ପ୍ରଜନନ ଅଙ୍ଗରେ ଘଟୁଥିବା କର୍କଟକୁ ଗାୟନୋକୋଲଜିକାଲ କ୍ୟାନ୍ସର କୁହାଯାଏ । ଭାରତରେ ମହିଳାମାନଙ୍କ ମଧ୍ୟରେ ସବୁଠାରୁ ଅଧିକ ହେଉଥିବା କ୍ୟାନ୍ସରରେ ସ୍ତନ କ୍ୟାନ୍ସର ଆଗରେ ରହିଛି । ଏହା ପରେ ସର୍ଭାଇକଲ ଏବଂ ପରେ ୟୁଟରସ କ୍ୟାନ୍ସର । ୯୫% ଗର୍ଭାଶୟ କର୍କଟ ହ୍ୟୁମାନ୍ ପାପିଲୋମା ଭାଇରସ୍ (ଏଚପିଭି) ଦ୍ୱାରା ହୋଇଥାଏ ।
ପୂର୍ବ ଅପେକ୍ଷା ଏହାର ମାମଲା ହ୍ରାସ ପାଇଛି :-
ତେବେ ପୂର୍ବ ତୁଳନାରେ ଗର୍ଭାଶୟ କର୍କଟ ରୋଗୀଙ୍କ ସଂଖ୍ୟା ହ୍ରାସ ପାଇଛି । ପୂର୍ବରୁ ଏହାର ସଂଖ୍ୟା ଲକ୍ଷରୁ ଅଧିକ ଥିଲା । ବର୍ତ୍ତମାନ ଏହା ୯୪ ହଜାର ପାଖାପାଖି । ଯେଉଁମାନଙ୍କର ବହୁତ ସନ୍ତାନ ଅଛନ୍ତି, ସେମାନଙ୍କଠାରେ ଗର୍ଭାଶୟ କ୍ୟାନ୍ସର ହେବାର ସମ୍ଭାବନା ଅଧିକ । ଅର୍ଥାତ୍, ଯେଉଁମାନଙ୍କର -୫-୬ ପିଲା ଅଛନ୍ତି, ସେମାନେ ସ୍ୱଚ୍ଛତାର ଯତ୍ନ ନିଅନ୍ତି ନାହିଁ, ଫଳରେ ଗର୍ଭାଶୟ କର୍କଟ ହେବାର ଆଶଙ୍କା ବଢ଼ିଯାଏ । ବର୍ତ୍ତମାନ ୧୫ ବର୍ଷ ବୟସରେ ଛୋଟ ଝିଅମାନେ ମଧ୍ୟ ଏଚପିଭି ଟିକାକରଣ କରାଇପାରିବେ, ଯାହାଦ୍ୱାରା ସେମାନେ ଏହି ରୋଗରୁ ସୁରକ୍ଷିତ ରହିପାରିବେ ।
