ରାସ୍ତା ମଝିରେ ଜନ୍ମଦିନ ପାର୍ଟି କରିବା ପଡ଼ିଲା ମହଙ୍ଗା: ସୋସିଆଲ ମିଡିଆରେ ଭିଡିଓ ଭାଇରାଲ ହେବା ପରେ ୪ ଗିରଫ
ନୋଏଡା: (ଓଡ଼ିଶା ଭସ୍କର) ମହଙ୍ଗା ପଡ଼ିଲା ରାସ୍ତା ମଝିରେ ଜନ୍ମଦିନ ପାର୍ଟି ପାଳନ କରିବା । ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ୪ ଜଣଙ୍କୁ ଗିରଫ କରଛି ପୋଲିସ। ଘଟଣାଟି ଉତ୍ତରପ୍ରଦେଶ ନୋଏଡାର ଏକ ସମୁଦ୍ର କୂଳ ନିକଟ ରାସ୍ତାର । ତେବେ ରବିବାର ରାତିରେ ସେକ୍ଟର-୧ସ୍ଥିତ ବିର୍ଲା ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ନିକଟରେ ଏହି ଘଟଣା ଘଟିଥିବା ଜଣା ପଡ଼ିଛି । ଭିଡିଓରେ ଦେଖିବାକୁ ମିଳୁଛି ଯେ କିଛି ଯୁବକ ରାସ୍ତା ମଝିରେ ଏକ କାଠ ବେଞ୍ଚ୍ ଉପରେ କେକ୍ କାଟୁଛନ୍ତି । ସେମାନଙ୍କ ପାଖଦେଇ ଅନ୍ୟ ଗାଡି ଯିବାବେଳେ ସେମାନେ ବାଧା ସୃଷ୍ଟି କରି ହଙ୍ଗାମା କରୁଥିବା ଦେଖିବାକୁ ମିଳୁଛି । ଖାଲି ଏତିକି ନୁହେଁ, ବରଂ ନିଶାସକ୍ତ ଅବସ୍ଥାରେ ବାଣ ଫୁଟାଉଛନ୍ତି।
#नोएडा सेक्टर 1 के बीआईटी कॉलेज के पास नशे में धुत्त बर्थडे मना रहे यूवकों का हंगामा, अतिशबाजी भी की जा रही है, #Noida @noidapolice @noidatraffic pic.twitter.com/hg2gZd01dP
— U NEWS UP (@UNEWSUP) October 1, 2023
କିଛି ଲୋକ ଏହି ଦୃଶ୍ୟର ଫଟୋ ଏବଂ ଭିଡିଓ ତିଆରି କରି ସୋସିଆଲ ମିଡିଆରେ ସେୟାର କରିଥିଲେ । ଭାଇରାଲ ଭିଡିଓକୁ ଦେଖି ଫେଜ୍-୧ ଥାନାର ଏକ ଟିମ୍ ଘଟଣାସ୍ଥଳରେ ପହଞ୍ଚିଥିଲା। କମିଶନରେଟ ପୋଲିସ ଗୌତମ ବୁଦ୍ଧ ନଗରର ଅଫିସିଆଲ ଟ୍ୱିଟର ଆକାଉଣ୍ଟରେ ଲେଖାଯାଇଛି, ଉକ୍ତ ମାମଲାରେ ଥାନା ଫେଜ୍ -୧ ପୋଲିସ ୪ ଜଣଙ୍କୁ ଗିରଫ କରି ପ୍ରତିଷେଧକ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଉତ୍ତର ପ୍ରଦେଶରେ ଏହା କିଛି ନୂଆ କଥା ନୁହେଁ, ଚଳିତ ବର୍ଷ ଜୁଲାଇ ମାସରେ ଗୌତମ ବୁଦ୍ଧ ନଗର ଏକ ରାସ୍ତାରେ ବାଣ ଫୁଟାଇ କେକ୍ କାଟିବା ଅଭିଯୋଗରେ ୪ ଜଣଙ୍କୁ ଗିରଫ କରିଥିଲା। ଗତ ବର୍ଷ ସେପ୍ଟେମ୍ବରମାସରେ ଗାଜିଆବାଦର ଏକ ଜନ୍ମଦିନ ପାର୍ଟି ପାଳନ କରିବା ଏବଂ ହଙ୍ଗାମା କରିବା ଅଭିଯୋଗରେ ୮ଟି କାର୍ ସହ ୨୧ ଜଣଙ୍କୁ ଗିରଫ କରାଯାଇଥିଲା। ଇନ୍ଦିରାପୁରମ୍ ପୋଲିସ ର କହିବା ଅନୁଯାୟୀ, ସେମାନେ କାର୍ ର ବୋନେଟ୍ ରେ ଜୋରରେ ସଙ୍ଗୀତ ବଜାଉଥିବା ବେଳେ କେକ୍ କାଟୁଥିବା ଏବଂ ଟ୍ରାଫିକ୍ ରେ ବାଧା ସୃଷ୍ଟି କରିଥିବାରୁ ପଚରାଉଚରା କରୁଥିବା ଅନ୍ୟ ଯାତ୍ରୀମାନଙ୍କୁ ଗାଳିଗୁଲଜ କରୁଥିବା ଦେଖିବାକୁ ମିଳିଥିଲା।
