‘ତେଜସ’ ଫିଲ୍ମ ନିର୍ମାତାମାନେ ପ୍ରଧାନମନ୍ତ୍ରୀଙ୍କ ଡାଇଲଗକୁ କରିଛନ୍ତି କପି, କଙ୍ଗନା କହିଲେ-‘କ୍ରେଡିଟ୍ ତୋ ଜରୁର୍ ମିଲେଗା’
ନୂଆଦିଲ୍ଲୀ: ବଲିଉଡ଼ କଣ୍ଟ୍ରୋଭର୍ସିଆଲ କ୍ୱିନ କଙ୍ଗନା ରନାଓ୍ବତଙ୍କ ଫିଲ୍ମ ତେଜସକୁ ନେଇ ଲୋକମାନଙ୍କ ମଧ୍ୟରେ ଅନେକ ଉତ୍ସାହ ଦେଖିବାକୁ ମିଳୁଛି । ଚନ୍ଦ୍ରମୂଖୀ-୨ ପରେ ଅଭିନେତ୍ରୀ ପୁଣିଥରେ ଏକ ନୂଆ ଷ୍ଟାଇଲ ଏବଂ ଲୁକରେ ବଡ ପରଦାରେ ରାଜ କରିବା ପାଇଁ ସଂପୂର୍ଣ୍ଣ ପ୍ରସ୍ତୁତ ଅଛନ୍ତି । ଏହି ଫିଲ୍ମ ୨୭ ଅକ୍ଟୋବରରେ ରିଲିଜ ହେବାକୁ ଯାଉଛି । ହେଲେ ଏହା ପୂର୍ବରୁ ସୋସିଆଲ ମିଡିଆରେ ଏକ ଡାଇଲଗ ଚର୍ଚ୍ଚା ହେବାରେ ଲାଗିଛି । ସୋସିଆଲ ମିଡିଆରେ କଙ୍ଗନାଙ୍କ ଏକ ଡାଇଲଗ ଲୋକମାନଙ୍କ ମନମୋହିଛି । ଏହାରି ମଧ୍ୟରେ ସୋସିଆଲ ମିଡିଆରେ ଜଣେ ବ୍ୟକ୍ତି ଏକ ପୋଷ୍ଟ ସେୟାର କରିଛନ୍ତି, ଯେଉଁଥିରେ କଙ୍ଗନା ତେଜସରେ ଯେଉଁ ଡାଇଲଗ କହୁଛନ୍ତି ତାହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ଭାଷଣରେ କହିସାରିଛନ୍ତି ।
କଙ୍ଗନା ନିଜ କ୍ୟାରିୟର ମଧ୍ୟରେ ପ୍ରଥମ ଥର ଏକ ଫିଲ୍ମ କରିଛନ୍ତି ଯେଉଁଥିରେ ସେ ବାୟୁ ସେନା ଅଧିକାରୀ ଭାବେ ନଜର ଆସିବେ । ଫିଲ୍ମ ନିର୍ମାତାମାନେ ୮ ଅକ୍ଟୋବରରେ ଫିଲ୍ମର ଟ୍ରେଲର ରିଲିଜ କରିଥିଲେ । ଏହାପରେ ଟ୍ରେଲରର ଡାଇଲଗ ଚାରିଆଡେ ଚର୍ଚ୍ଚା ହେବାରେ ଲାଗିଛି । ଟ୍ରେଲରରେ କଙ୍ଗନାଙ୍କ ଦମଦାର ଲୁକ ସମସ୍ତଙ୍କୁ ଦଷ୍ଟି ଆକର୍ଷଣ କରିଛି ।
କଙ୍ଗନା ରନାୱତଙ୍କ ଫିଲ୍ମ ‘ତେଜସ୍’ର ଏକ ସ୍ୱତନ୍ତ୍ର ସଂଳାପ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଫିଲ୍ମର ‘ଯଦି ତୁମେ ଭାରତକୁ ଥଟ୍ଟା କର, ତେବେ ଆମେ ଛାଡିବୁ ନାହିଁ’ ଏହି ଡାଇଲଗ ସୋସିଆଲ ମିଡିଆରେ ଟ୍ରେଣ୍ଡ ହେଉଛି। ଯଦିଓ କଙ୍ଗନା ଫିଲ୍ମରେ ଏହି ସଂଳାପ କଥା କହିଛନ୍ତି, କିନ୍ତୁ ଲୋକମାନେ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ଅଭିଭାଷଣରେ ଏହା କହିଛନ୍ତି। ପ୍ରଧାନମନ୍ତ୍ରୀ ମୋଦୀଙ୍କୁ ଶ୍ରେୟ ଦେବାକୁ ଲୋକମାନେ ଅଭିନେତ୍ରୀଙ୍କୁ ଦାବି କରୁଛନ୍ତି।
ଲୋକମାନେ ପ୍ରଧାନମନ୍ତ୍ରୀ ମୋଦୀଙ୍କୁ ଶ୍ରେୟ ଦେବାକୁ କଙ୍ଗନାଙ୍କ ଠାରୁ ଦାବି କରୁଛନ୍ତି, ଯେଉଁଥିରେ କଙ୍ଗନା ପ୍ରତିକ୍ରିୟା ପ୍ରକାଶ କରି କହିଛନ୍ତି – ‘ହା ହା କ୍ରେଡିଟ୍ ନିଶ୍ଚିତ ଭାବରେ ଦିଆଯିବ।’ କଙ୍ଗନା ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟ ଷ୍ଟୋରୀରେ ଏହି ରିଲକୁ ସେୟାର କରିଛନ୍ତି ଯେଉଁଥିରେ ପ୍ରଧାନମନ୍ତ୍ରୀ ମୋଦୀଙ୍କ ଭାଷଣ ଏହାର ଟ୍ରେଲର ସହିତ ଶୁଣାଯିବ।
View this post on Instagram
