(video)ବିଶ୍ୱକପ୍ ୨୦୨୩ ଫାଇନାଲକୁ ନେଇ ଏପରି କିଛି କହିଲେ ଭାଇଜାନ୍, ଭିଡିଓ ହେଉଛି ଭାଇରାଲ୍
ମୁମ୍ବାଇ:ସଲମାନ ଖାନ୍ ଓ କାଟ୍ରିନା କୈଫ ନିଜ ଫିଲ୍ମ ‘ଟାଇଗର ୩’ର ସଫଳତାକୁ ନେଇ ଏବେ ଆନନ୍ଦ ମନାଉଛନ୍ତି । ଏହି ଫିଲ୍ମ ବକ୍ସ ଅଫିସରେ ବେଶ୍ ଦମଦାର ପ୍ରଦର୍ଶନ କରିବାରେ ଲାଗିଛି ଓ ଏ ପର୍ଯ୍ୟନ୍ତ ୩୦୦କୋଟିରୁ ଅଧିକ ରୋଜଗାର କରିସାରିଲାଣି । ଏହି ଫିଲ୍ମ ଦୀପାବଳି ଦିନ ରିଲିଜ୍ ହୋଇଥିଲା । କିନ୍ତୁ ଏବେ ଲୋକଙ୍କ ଧ୍ୟାନ ଫିଲ୍ମ ରିଲିଜ୍ ଉପରେ କମ୍ ଓ କ୍ରିକେଟ୍ ବିଶ୍ୱକପ୍ ଉପରେ ଅଧିକ ରହିଛି । ଏହାରି ମଧ୍ୟରେ India vs Australia ମ୍ୟାଚ୍କୁ ନେଇ ସଲମାନ ଖାନ୍ ଏକ ଭବିଷ୍ୟବାଣୀ କରିଛନ୍ତି ।
#WATCH | Mumbai: Superstar #SalmanKhan during a fan event of #Tiger3 expressed confidence that Team India will win the World Cup title clash against Australia on Sunday.
"India won all matches so far and during the ongoing World Cup, we came up with Tiger 3. Our film drew good… pic.twitter.com/O4WMik1uoG
— ANI (@ANI) November 18, 2023
ଟାଇଗର ୩ର ପ୍ରେସ୍ କନଫରେନ୍ସ ଆୟୋଜିତ ହୋଇଥିଲା ଓ ଏଥିରେ ସଲମାନଙ୍କ ବ୍ୟତିତ କାଟ୍ରିନା, ଫିଲ୍ମରେ ଖଳନାୟକ ଭୂମିକାରେ ଥିବା ଇମରାନ୍ ହାସମୀ ଫ୍ୟାନ୍ସଙ୍କୁ ଭେଟିଥିଲେ । ଏହି ସମୟରେ ସଲମାନ ଖାନ୍ ଫିଲ୍ମ ବ୍ୟତିତ India vs Australia ମ୍ୟାଚକୁ ନେଇ ବି କିଛି କହିଥିଲେ । ସେ କହିଥିଲେ ଭାରତ ଏହି ବିଶ୍ୱକପ୍ରେ ସମସ୍ତ ଲିଗ୍ ମ୍ୟାଚ୍ ଜିତି ଆସିଛି ଓ କାଲି ଫାଇନାଲ ମ୍ୟାଚ୍ ହେବ । ସେ କହିଥିଲେ ବିଶ୍ୱକପ୍ କାରଣରୁ ତାଙ୍କ ଫିଲ୍ମ ଟାଇଗର ୩ କିନ୍ତୁ ଆଦୌ ପ୍ରଭାବିତ ହୋଇନାହିଁ । ସେ କହିଛନ୍ତି କାଲି ଭାରତ ବି ଜିତିଯିବ ଓ ଆପଣମାନେ ସମସ୍ତେ ଖୁସି ହୋଇ ଆମ ଫିଲ୍ମ ଦେଖିବାକୁ ଆହୁରି ବହୁ ସଂଖ୍ୟାରେ ସିନେମାଘର ଆସିବେ । ସଲମାନଙ୍କ ଏହି କଥା ଲୋକଙ୍କ ହୃଦୟ କିଣିନେଇଛି । ସୋସିଆଲ ମିଡିଆରେ ଲୋକମାନେ ଏହି ଭିଡିଓକୁ ବେଶ୍ ପସନ୍ଦ କରୁଛନ୍ତି । ସଲମାନ ଆହୁରି କହିଛନ୍ତି ଟିମ୍ ଇଣ୍ଡିଆର ପ୍ରଦର୍ଶନ ବହୁତ ଦମଦାର ରହିଛି । ଟିମ୍ର ସବୁ ଖେଳାଳି ରେକର୍ଡ ଭାଙ୍ଗିଛନ୍ତି ଓ ଇତିହାସ ରଚିଛନ୍ତି ।
