ଗୁଜୁରାଟ ଛାଡ଼ିଲେ ଅଧିନାୟକ: ରିଟେନସନ ପରେ ମୁମ୍ବାଇ ଇଣ୍ଡିଆନ୍ସକୁ ଫେରିଲେ ହାର୍ଦ୍ଦିକ
ନୂଆଦିଲ୍ଲୀ: ୨୦୨୪ ଆଇପିଏଲ ପାଇଁ ପ୍ରସ୍ତୁତି ଆରମ୍ଭ ହୋଇସାରିଛି । ଏହା ମଧ୍ୟରେ ହାର୍ଦ୍ଦିକ ପାଣ୍ଡ୍ୟା ଗୁଜରାଟ ଟାଇଟାନ୍ସ ଦଳ ଛାଡ଼ିବା ନେଇ ବେଶ କଳ୍ପନା ଜଳ୍ପନା ଚାଲିଥିଲା । ତେବେ ଏହା ଉପରେ ଆଜି ପୂର୍ଣ୍ଣଛେଦ ପଡ଼ିଛି । କିଛି ସମୟ ଆଗରୁ ପାଣ୍ଡ୍ୟା ଦଳ ନ ଛାଡ଼ିବା ନେଇ ଆଲୋଚନା ଜୋର ଧରିଥିବା ବେଳେ ଏବେ ଏହି ଖେଳାଳି ତାଙ୍କ ପୂର୍ବ ଦଳ ମୁମ୍ବାଇ ଇଣ୍ଡିଆନସକୁ ଫେରି ଯାଇଥିବା ସୂଚନା ମିଳିଛି ।
ତେବେ ରିଟେନସନ ଘୋଷଣା କରିବାର ଶେଷ ତାରିଖ ଶେଷ ହୋଇଯାଇଛି । କିନ୍ତୁ ଡିସେମ୍ବର ୧୯ ରେ ଦୁବାଇରେ ଆଇପିଏଲ ନିଲାମ ହେବାର ସାତ ଦିନ ପୂର୍ବରୁ ଟ୍ରେଡିଂ ୱିଣ୍ଡୋ ଖୋଲା ରହିବ । ତେବେ ପାଣ୍ଡ୍ୟାଙ୍କ ବଦଳରେ ମୁମ୍ବାଇ ଗୁଜୁରାଟକୁ କୌଣସି ଖେଳାଳିଙ୍କୁ ଟ୍ରେଡ କରିନାହିଁ । ଏହା ସହିତ ଚଳିତ ବର୍ଷ ପାଇଁ ପାଣ୍ଡ୍ୟାଙ୍କ ଲିଗ୍ ଫି ହେଉଛି ୧୫ କୋଟି ଟଙ୍କା । ବୋର୍ଡ ଅଫ୍ କଣ୍ଟ୍ରୋଲ୍ ଫର କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ଏବଂ ଆଇପିଏଲ୍ ଦ୍ୱାରା ଏହି ଚୁକ୍ତି ଆନୁଷ୍ଠାନିକ ଭାବେ ଅନୁମୋଦନ ହୋଇଛି । ତେବେ ବାଣିଜ୍ୟର ମୂଲ୍ୟ ଏପର୍ୟ୍ୟନ୍ତ ସ୍ପଷ୍ଟ ହୋଇନାହିଁ।
ପାଣ୍ଡ୍ୟାଙ୍କୁ ଦଳକୁ ଫେରାଇ ଆଣିବା ପାଇଁ ପାଣ୍ଠି ବଢ଼ାଇବା ପାଇଁ ମୁମ୍ବାଇ କିଛି ବଡ ଖେଳାଳିଙ୍କୁ ରିଲିଜ କରୁଥିବା ଶୁଣିବାକୁ ମିଳିଥିଲା । ତେବେ ସେମାନଙ୍କ ମଧ୍ୟରେ ଦ୍ରୁତ ବୋଲର ଜୋଫ୍ରା ଆର୍ଚରଙ୍କ ନାଁ ମଧ୍ୟ ସାମିଲ ଥିବା ଶୁଣିବାକୁ ମିଳିଥିଲା ।
୨୦୨୪ ସିଜନ ପୂର୍ବରୁ ହାର୍ଦ୍ଦିକଙ୍କର ଏକ ଚମତ୍କାର ପ୍ରତ୍ୟାବର୍ତ୍ତନ କରିବାକୁ କଳ୍ପନା କରାଯାଇଥିଲା । ତେବେ ହାର୍ଦ୍ଦିକ ମୁମ୍ବାଇରୁ ହିଁ ଆଇପିଏଲରେ ନିଜର କ୍ୟାରିୟର ଆରମ୍ଭ କରିଥିଲେ । କିନ୍ତୁ ଆଘାତ କାରଣରୁ ତାଙ୍କ କ୍ୟାରିଅରର ଗତି କିଛି ମାତ୍ରାରେ ଦୋହଲି ଯାଇଥିଲା । କିନ୍ତୁ ୨୦୨୨ ପୂର୍ବରୁ ତାଙ୍କୁ ମୁମ୍ବାଇରୁ ରିଲିଜ କରାଯାଇଥିଲା ।
Farewell and best wishes on your next journey.
Go well, HP! #IPLRetention pic.twitter.com/awCxZzXesc— Gujarat Titans (@gujarat_titans) November 27, 2023
