ବୋମାମାଡ଼ କରିବାକୁ କର୍ଣ୍ଣାଟକ ରାଜଭବନକୁ ମିଳିଲା ଧମକପୂର୍ଣ୍ଣ କଲ: ସର୍ଚ୍ଚ ଅପରେଶନ ଜାରି
କର୍ଣ୍ଣାଟକ: କର୍ଣ୍ଣାଟକ ରାଜଭବନକୁ ବୋମା ମାଡ଼ କରିବା ନେଇ ମିଳିଛି ଧମକ । ଗତକାଲି ରାତିରେ ଜଣେ ଅଜଣା ବ୍ୟକ୍ତି ପୁଲିସକୁ ଫୋନ କରି ରାଜଭବନକୁ ବୋମା ମାଡ଼ କରି ଉଡ଼ାଇଦେବା ଧମକ ଦେଇଥିଲେ । ତେବେ ଏପରି ଧମକ ପାଇବା ପରେ ତୁରନ୍ତ ଘଟଣାସ୍ଥଳରେ ବମ ସ୍କ୍ୱାର୍ଡ଼ ପହଞ୍ଚି ସେଠାରେ ଛାନଭିନ ଆରମ୍ଭ କରିଥିଲେ । ହେଲେ ପୁଲିସ ଏବଂ ବମ ସ୍କ୍ୱାର୍ଡ଼ ସେଠାରେ କୌଣସି ସନ୍ଦେହଜନକ ବସ୍ତୁ ପାଇନଥିଲେ ।
କଲ କରିଥିବା ବ୍ୟକ୍ତି ଜଣଙ୍କର ପରିଚୟ ବର୍ତ୍ତମାନ ସୁଦ୍ଧା ଜଣାପଡ଼ିନହିଁ । ତେବେ ବ୍ୟକ୍ତିଜଣଙ୍କ ଗତକାଲି ରାତିରେ ରାଜଭବନ ପରିସରରେ ବୋମାମାଡ଼ କରିବାକୁ ଧମକ ଦେଇ ପୋଲିସକୁ ତୁରନ୍ତ ଜଣାଇବାକୁ ଅଧିକାରୀମାନଙ୍କୁ ଉତ୍ତେଜିତ କରିଥିଲେ। ତେବେ ଧମକ ପାଇବା ପରେ ପୁଲିସ ବମ ସ୍କ୍ୱାର୍ଡ଼ ଏବଂ କେ-୯ ୟୁନିଟ୍ ସହିତ ଗତକାଲି ରାତିରେ ଉକ୍ତ ସ୍ଥାନରେ ବ୍ୟାପକ ସର୍ଚ୍ଚ ଅପରେସନ କରିଥିଲା। ହେଲେ ସେଠାରେ କୌଣସି ପ୍ରକାର ସନ୍ଦେହଜନକ ବସ୍ତୁ ମିଳିନଥିଲା ।
ଆଇନ ଶୃଙ୍ଖଳା ଅଧିକାରୀମାନେ ରାଜ ଭବନ ପରିସର ଏବଂ ଆଖପାଖ ଅଞ୍ଚଳର ନିରାପତ୍ତାକୁ ସୁନିଶ୍ଚିତ କରିବା ପାଇଁ ଏକ ସର୍ଚ୍ଚ ଅପରେଶନ ଜାରି ରଖିଛନ୍ତି । ତେବେ ଅଜଣା ବ୍ୟକ୍ତି ଜଣଙ୍କର ଏପରି ଧମକ ଦେବା ପଛର କାରଣ ସ୍ପଷ୍ଟ ହୋଇନଥିବା ବେଳେ ପୁଲିସ ଏ ଘଟଣାରେ ଅଧିକ ତଦନ୍ତ ଜାରି ରଖିଛି । ରାଜଭବନରେ ବୋମା ମାଡ଼ ଧମକ ଦେବା ପାଇଁ ବ୍ୟବହୃତ ଫୋନ୍ ନମ୍ବରକୁ ଟ୍ରାକ କରିବା ପାଇଁ ମଧ୍ୟ ଅଧିକାରୀମାନେ ଚେଷ୍ଟା ଜାରି ରଖିଛନ୍ତି ।
ତେବେ ଦୁର୍ବୃତ୍ତ ଜଣଙ୍କ ରାଷ୍ଟ୍ରୀୟ ଅନୁସନ୍ଧାନ ଏଜେନ୍ସି (ଏନଆଇଏ) ର ଅଧିକାରୀମାନଙ୍କୁ ମଧ୍ୟ ବୋମା ମାଡ଼ ଧମକ ଦେଇ ଟାର୍ଗେଟ କରିଥିଲେ। ଏନଆଇଏ ଅଧିକାରୀମାନଙ୍କୁ ମଧ୍ୟ ରାଜଭବନରେ ବୋମାମାଡ଼ ନେଇ ଉଦବେଗଜନକ କଲ ଆସିଥିବା ସୂଚନା ମିଳିଛି । ତେବେ ଏ ନେଇ ଏନଆଇଏ ଅଧିକାରୀମାନେ ବେଙ୍ଗାଲୁରୁ ପୁଲିସକୁ ସତର୍କ କରାଇଥିଲେ। ଏହି ଉଦବେଗଜନକ ଘଟଣା ପରେ କେନ୍ଦ୍ରୀୟ ଡିଭିଜନ ପୋଲିସ ତୁରନ୍ତ ବିଧାନ ସୌଧ ପୁଲିସ ଷ୍ଟେସନରେ ଏକ ମାମଲା ରୁଜୁ କରି ଏହି ଘଟଣାର ତଦନ୍ତ ଚଳାଇଛି।
