Breaking: ପୁରୀ ଶ୍ରୀମନ୍ଦିରରେ ଦୀପରୁ ନିଆଁ ଲାଗି ନାବାଳିକା ଆହତ

ଭୁବନେଶ୍ୱର: ନୂଆବର୍ଷ ପୂର୍ବରୁ ପୁରୀରେ ବେଶ୍ ଭିଡ ଲାଗି ରହିଛି । ଜଗନ୍ନାଥଙ୍କ ଦର୍ଶନ ଲାଗି ରାଜ୍ୟ ତଥା ରାଜ୍ୟ ବାହାରୁ ଶ୍ରଦ୍ଧାଳୁଙ୍କ ସୁଅ ଛୁଟିବାରେ ଲାଗିଛି । ପ୍ରବଳ ଜନସମାଗମ ଯୋଗୁଁ ଶ୍ରୀମନ୍ଦିର ପରିସରରେ ବିଭିନ୍ନ ଛୋଟ ମୋଟ ଦୁର୍ଘଟଣାର ଚିତ୍ର ସାମ୍ନାକୁ ଆସୁଛି । କେତେବେଳେ କିଏ ଠେଲାପେଲାରେ ଆହତ ହେଉଛନ୍ତି ତ ପୁଣି କେତେବେଳେ ଭିଡ ମଧ୍ୟରେ କିଏ ଅଣନିଶ୍ୱାସୀ ହୋଇ ତଳେ ପଡିଯାଉଥିବାର ଚିତ୍ର ସାମ୍ନାକୁ ଆସୁଛି ।

ଆଜି ଶ୍ରୀମନ୍ଦିରରେ ପୁଣି ଏକ ଅଘଟଣ ଘଟିଯାଇଛି । ଦୀପରୁ ନିଆଁ ଲାଗି ଜଣେ ନାବାଳିକା ମନ୍ଦିର ଭିତରେ ଆହତ ହୋଇଛନ୍ତି । ମିଳିଥିବା ସୂଚନାରୁ ଜଣାପଡିଛି ହାଇଦ୍ରାବାଦରୁ ପରିବାର ଲୋକଙ୍କ ସହ ପୁରୀ ଶ୍ରୀଜଗନ୍ନାଥ ଦର୍ଶନ କରିବାକୁ ଆସିଥିଲେ ନାବାଳିକା । ଶ୍ରୀମନ୍ଦିର ସାତପାହାଚ ନିକଟରେ ଦୀପରୁ ନିଆଁ ଲାଗି ନାବାଳିକା ଜଣକ ଆହତ ହୋଇଥିବା ସୂଚନା ମିଳିଛି ।