ଗିଲ୍-ମନ୍ଧାନା ହେଲେ କ୍ରିକେଟର ଅଫ୍ ଦ ଇୟର: ଶାସ୍ତ୍ରୀଙ୍କୁ ଲାଇଫଟାଇମ ଆଚିଭମେଣ୍ଟ ଆୱାର୍ଡ

ନୂଆଦିଲ୍ଲୀ: ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ବାର୍ଷିକ ପୁରସ୍କାର ଘୋଷଣା କରିଛି। ପୁରସ୍କାର ମଙ୍ଗଳବାର ହାଇଦ୍ରାବାଦରେ ଏହି ସମାରୋହ ଅନୁଷ୍ଠିତ ହୋଇଥିଲା ଯେଉଁଠାରେ ଗୁରୁବାର ଦିନ ଭାରତ ଏବଂ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଆରମ୍ଭ ହେବ। ଭାରତର ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡ ଏବଂ ଇଂଲଣ୍ଡର କୋଚ୍ ବ୍ରେଣ୍ଡନ୍ ମ୍ୟାକକୁଲମ୍ ମଧ୍ୟ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ। ଆସନ୍ତୁ ଆପଣଙ୍କୁ କହିବା ଯେ ବିସିସିଆଇ ପୁରସ୍କାର । ୨୦୧୯ ବର୍ଷ ପରେ ପ୍ରଥମ ଥର ପାଇଁ ଚଳିତବର୍ଷ ବିସିସିଆଇ ଏହି ପୁରସ୍କାର ପ୍ରଦାନ କରିଛି ।

୨୦୨୩ ମସିହା ପାଇଁ ଶୁବମନ ଗିଲ୍ ପଲି ଉମ୍ରିଗର ପୁରୁଷ କ୍ରିକେଟର ଅଫ୍ ଦି ଇୟର ପୁରସ୍କାର ଜିତିଥିଲେ । ସ୍ମୃତି ମନ୍ଧାନା ୨୦୨୦-୨୧ ଏବଂ ୨୦୨୧-୨୨ ପାଇଁ ଚୟନ ହୋଇଥିବା ବେଳେ ଦୀପ୍ତି ଶର୍ମା ୨୦୧୯-୨୦ ଏବଂ ୨୦୨୨-୨୩ ପାଇଁ ସର୍ବଶ୍ରେଷ୍ଠ ମହିଳା ଖେଳାଳି ଭାବରେ ଚୟନ ହୋଇଛନ୍ତି । ପୂର୍ବତନ ବ୍ୟାଟ୍ସମ୍ୟାନ୍ ଫାରୁକ୍ ଇଞ୍ଜିନିୟରଙ୍କୁ କର୍ଣ୍ଣେଲ ସିଏକେ ନାଇଡୁ ଜୀବନବ୍ୟାପୀ ସଫଳତା ପୁରସ୍କାର ପ୍ରଦାନ କରାଯାଇଥିଲା । ୮୫ ବର୍ଷୀୟ ଫାରୁକ୍ ଭାରତ ପାଇଁ ୪୬ ଟେଷ୍ଟ ମ୍ୟାଚରୁ ୨୬୧୧ ରନ୍ ସ୍କୋର କରିଛନ୍ତି । ୫ ଟି ଦିନିକିଆରେ ସେ ୧୧୪ ରନ୍ ସ୍କୋର କରିଥିଲେ। ୧୯୬୧ ରୁ ୧୯୭୫ ମସିହା ପର୍ଯ୍ୟନ୍ତ ଆନ୍ତର୍ଜାତୀୟ କ୍ରିକେଟରେ ଆକ୍ଟିଭ ରହିଛନ୍ତି।

ତେବେ ଟିମ୍ ଇଣ୍ଡିଆର ପୂର୍ବତନ କୋଚ୍ ରବି ଶାସ୍ତ୍ରୀଙ୍କୁ ମଧ୍ୟ ଲାଇଫ ଟାଇମ ଆଚିଭମେଣ୍ଟ ଆୱାର୍ଡ ପ୍ରଦାନ କରାଯାଇଛି। ପୂର୍ବତନ ଅଲରାଉଣ୍ଡର ରବି ଶାସ୍ତ୍ରୀ ୧୯୮୧ ରୁ ୧୯୯୨ ପର୍ୟ୍ୟନ୍ତ ୮୦ ଟି ଟେଷ୍ଟରୁ ୩୮୩୦ ରନ୍ ଏବଂ ୧୫୦ ଟି ଦିନିକିଆରେ ୩୧୦୮ ରନ୍ ସଂଗ୍ରହ କରିଛନ୍ତି । ଏହାବ୍ୟତୀତ ୧୯୮୩  ବିଶ୍ୱକପ ବିଜୟୀ ଦଳର ସଦସ୍ୟ ଥିଲେ ରବି ଶାସ୍ତ୍ରୀ । କ୍ରିକେଟରୁ ଅବସର ନେବା ପରେ କମେଣ୍ଟ୍ରେଟର ଭାବରେ ସେ ଦାୟିତ୍ୱ ନେଇଥିବା ବେଳେ ପରେ ଭାରତୀୟ ଦଳର କୋଚ୍ ଭାବରେ ମଧ୍ୟ ନିୟୋଜିତ ହୋଇଥିଲେ ରବି ଶାସ୍ତ୍ରୀ ।

ପୁରୁଷ କ୍ରିକେଟର ଅଫ୍ ଦ ଇୟର ତାଲିକାରେ ମହମ୍ମଦ ଶାମୀ(୨୦୧୯-୨୦), ରବିଚନ୍ଦ୍ରନ ଅଶ୍ୱୀନ(୨୦୨୦-୨୧), ଜଶପ୍ରୀତ ବୁମରାହ(୨୦୨୧-୨୨), ଶୁଭମନ ଗିଲ୍(୨୦୨୨-୨୩) ସାମିଲ ରହିଛନ୍ତି । ଏହାବ୍ୟତୀତ ମହିଳା କ୍ରିକେଟର ଅଫ୍ ଦ ଇୟର ଭାବରେ ଦୀପ୍ତି ଶର୍ମା(୨୦୧୯-୨୦), ସ୍ମୃତି ମନ୍ଧାନା(୨୦୨୦-୨୨), ଦୀପ୍ତି ଶର୍ମା(୨୦୨୨-୨୩)ଙ୍କୁ ସମ୍ମାନିତ କରାଯାଇଛି । କ୍ରିକେଟରେ ସର୍ବାଧିକ ୱିକେଟ ହାସଲ କରିଥିବା ମହିଳା କ୍ରିକେଟରଙ୍କ ତାଲିକାରେ ପୁନମ ଯାଦବ(୨୦୧୯-୨୦), ଝୁଲଣ ଗୋସ୍ୱାମୀ(୨୦୨୦-୨୧), ରାଜେଶ୍ୱରୀ ଗାଏକ୍ୱାଡ(୨୦୨୧-୨୨), ଦେବିକା ବିଦ୍ୟା(୨୦୨୨-୨୩)ଙ୍କ ନାମ ସାମିଲ ରହିଛି ।

ପୁନମ ରାଉତ (୨୦୧୯-୨୦), ମିତାଲି ରାଜ(୨୦୨୦-୨୧), ହରମାନପ୍ରୀତ କୌର(୨୦୨୧-୨୨ ) ଦିନିକିଆରେ ସର୍ବାଧିକ ରନ୍ ହାସଲ କରିଥିବାରୁ ଏହି ମହିଳା କ୍ରିକେଟର ମାନଙ୍କୁ ପୁରସ୍କାର ପ୍ରଦାନ କରିଛି ବିସିସିଆଇ । ସେହିପରି ଜେମିମା ରୋଡ୍ରିଗେଜ୍(୨୦୨୨-୨୩), ଜୟଦେବ ଉନାଦକଟ(୨୦୧୯-୨୦), ଶ୍ୟାମ ମୁଲାନି(୨୦୨୧-୨୨), ଜଲାଜ ସକ୍ସେନା(୨୦୨୨-୨୩)ଙ୍କ ରଣଜୀ ଟ୍ରଫିରେ ସର୍ବାଧିକ ୱିକେଟ ହାସଲ କରି ମାଧବରାଓ ସିନ୍ଧିଆ ପୁରସ୍କାର ହାସଲ ହୋଇଛନ୍ତି । ରାହୁଲ ଦଲାଲ(୨୦୧୯-୨୦), ସରଫରାଜ ଖାନ(୨୦୨୧-୨୨) ଏବଂ ମୟଙ୍କ ଅଗ୍ରୱାଲ(୨୦୨୨-୨୩)ଙ୍କୁ ରଣଜୀ ଟ୍ରଫିରେ ସର୍ବାଧିକ ରନ୍ ପାଇଁ ମାଧବ ରାଓ ସିନ୍ଧିଆ ପୁରସ୍କାର ପ୍ରଦାନ କରାଯାଇଛି ।