ବିଜେଡି-ବିଜେପି ସମ୍ପର୍କ ନେଇ କଂଗ୍ରେସର ଅନ୍ନପ୍ରାଶନ ଉତ୍ସବ, ଆଜି ପୁଣି ଚାଲିବ ହାଇଡ୍ରାମା

ଓଡ଼ିଶା ଭାସ୍କର: ଗୋଟିଏ ପଟେ ମେଣ୍ଟ ପ୍ରସଙ୍ଗରେ ଉଭୟ ବିଜେଡି ଓ ବିଜେପି ନିଜକୁ ଦୂରେଇ ରଖୁଥିବା ବେଳେ ଅନ୍ୟପଟେ ଏବେ ବି କେଉଁଠି ନାଁ କେଉଁଠି ସସ୍ପେନ୍ସ ଲାଗି ରହିଛି। ଆଉ ଏହା ମଧ୍ୟରେ ଉଭୟ ବିଜେଡି ଓ ବିଜେପିକୁ ମଳିନ କରିବାକୁ ଚେଷ୍ଟା କରୁଛି କଂଗ୍ରେସ। ରାଜ୍ୟରେ ବିଜେଡି-ବିଜେପି ମଧ୍ୟରେ ସୁସମ୍ପର୍କ ରହିଛି ଓ ଉଭୟ ମିଳିମିଶି ରାଜ୍ୟକୁ ଲୁଟୁଥିବା କଂଗ୍ରେସ ଅଭିଯୋଗ କରୁଛି। ତେବେ ଏନେଇ ବିଜେଡି ଓ ବିଜେପି ମଧ୍ୟରେ ମିଛ ବାହାଘର କରିଥିବା କଂଗ୍ରେସ ପୁଣିଥରେ ଉଭୟଙ୍କ ସମ୍ପର୍କକୁ ନେଇ ଅନ୍ନପ୍ରାଶନ ଉତ୍ସବ କରିବାକୁ ନିଷ୍ପତ୍ତି ନେଇଛି। ସୋମବାର କଂଗ୍ରେସ ଭବନ ପରିସରରେ ହିନ୍ଦୁ ରୀତିନୀତିରେ ଏହି ଅନ୍ନପ୍ରାଶନ କାର୍ଯ୍ୟକ୍ରମ ହେବ। ଏଥିରେ ବିଜେଡି ଓ ବିଜେପି ସମ୍ପର୍କରେ ଜନ୍ମ ନେଇଥିବା ପିଲାଙ୍କ ନାମକରଣ କରାଯିବ ବୋଲି ଦଳ ସୂଚନା ଦେଇଛି। ତେବେ ଏହି ଅନ୍ନପ୍ରାଶନ ଉତ୍ସବ ଅପରାହ୍ନ ୨ଟାରେ ହେବ ବୋଲି ପିସିସି ସୋସିଆଲ ମିଡିଆ ମୁଖ୍ୟ ଅମୀୟ ପାଣ୍ଡବ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି।