(Video)ନିର୍ବାଚନୀ ଚିହ୍ନକୁ ସାଷ୍ଟାଙ୍ଗ ଦଣ୍ଡବତ କଲେ ଏହି ପ୍ରାର୍ଥୀ, ଭିଡିଓ ହେଉଛି ଭାଇରାଲ୍
ନୂଆଦିଲ୍ଲୀ: ଭୂପତିରାଜୁ ଶ୍ରୀନିବାସ ବର୍ମା ବିଜେପିରେ ଗତ ୩୦ ବର୍ଷ ଧରି କାମ କରୁଛନ୍ତି । ଚଳିତ ବର୍ଷ ହେବାକୁ ଯାଉଥିବା ଲୋକସଭା ନିର୍ବାଚନରେ ତାଙ୍କୁ ଆନ୍ଧ୍ରପ୍ରଦେଶ ନରସାପୁରମ୍ରୁ ଲୋକସଭା ଟିକେଟ ମିଳିଛି । ଟିକେଟ୍ ମିଳିବା ପରେ ସେ ବେଶ୍ ଭାବୁକ ହୋଇପଡି ନିର୍ବାଚନୀ ଚିହ୍ନକୁ ସାଷ୍ଟାଙ୍ଗ ଦଣ୍ଡବତ କରିଛନ୍ତି ।
ଚଳିତ ଲୋକସଭା ନିର୍ବାଚନରେ ସମସ୍ତ ରାଜନୈତିକ ଦଳ ନିଜର ମଜଭୁତ ପ୍ରାର୍ଥୀଙ୍କୁ ନିର୍ବାଚନ ମଇଦାନକୁ ଓହ୍ଲାଇଛନ୍ତି । ଏହି କ୍ରମରେ ଆନ୍ଧ୍ରପ୍ରଦେଶରୁ ଏକ ଅଭିନବ ଚିତ୍ର ସୋସିଆଲ ମିଡିଆରେ ବେଶ୍ ଭାଇରାଲ୍ ହେଉଛି । ବିଜେପିର ଜଣେ ନେତାଙ୍କୁ ଚଳିତ ଲୋକସଭା ନିର୍ବାଚନ ପାଇଁ ଟିକେଟ୍ ମିଳିବା ପରେ ସେ ବେଶ୍ ଭାବୁକ ହୋଇପଡିଥିଲେ ଓ ନିର୍ବାଚନ ଚିହ୍ନକୁ ଦଣ୍ଡବତ ପ୍ରଣାମ କରିବାରେ ଲାଗିଗଲେ । ଏହାର ଭିଡିଓ ଏବେ ସୋସିଆଲ ମିଡିଆରେ ଜୋରଦାର ଭାଇରାଲ୍ ହେବାରେ ଲାଗିଛି ।
An emotional scene from #Narsapuram as BJP MP candidate
Bhupathiraju Srinivasa varma breaks down in tears after being announced as the candidate at the Parliament election office,saying that his 30 years of struggle was finally recognized. #AndhraPradeshElections2024 #TDPBJPJSP pic.twitter.com/zGLbls6Gde— Apoorva Jayachandran (@Jay_Apoorva18) March 28, 2024
ଆନ୍ଧ୍ରପ୍ରଦେଶ ନରସାପୁରମ୍ରୁ ବିଜେପି ନେତା ଭୂପତିରାଜୁ ଶ୍ରୀନିବାସ ବର୍ମାଙ୍କୁ ଲୋକସଭା ଟିକେଟ୍ ମିଳିଛି । ଭୂପତିରାଜୁ ବିଜେପି, ଟିଡିପି ଓ ଜନସେନାର ମିଳିତ ପ୍ରାର୍ଥୀ ଅଟନ୍ତି । ସେ ଗତ ୩୦ ବର୍ଷ ଧରି ବିଜେପିରେ କାମ କରି ଆସୁଛନ୍ତି ଓ ବର୍ତ୍ତମାନ ଆନ୍ଧ୍ରପ୍ରଦେଶରେ ବିଜେପି ରାଜ୍ୟ ସଚିବ ଅଛନ୍ତି । ତେବେ ଭୂପତିରାଜୁ ଏକ୍ସରେ ନିଜର ଭିଡିଓ ସେୟାର କରି ଲେଖିଛନ୍ତି, ‘ମୋ ଜୀବନ ପଦ୍ମ ପାଇଁ ସମର୍ପିତ । ଏହି ମାନ୍ୟତା ୩୦ ବର୍ଷର କଠୋର ପରିଶ୍ରମର ଫଳ ।’
