(Video): ହତାଶ କରିଲା ମୁମ୍ବାଇ ଇଣ୍ଡିଆନ୍ସର ୩ୟ ପରାଜୟ, ସୋମନାଥ ମନ୍ଦିରରେ ପୂଜାର୍ଚ୍ଚନା ପାଇଁ ପହଞ୍ଚିଲେ ହାର୍ଦ୍ଦିକ
ନୂଆଦିଲ୍ଲୀ: ଚଳିତ IPL ସିଜନରେ ମୁମ୍ବାଇ ଇଣ୍ଡିଆନ୍ସ ଦଳ କ୍ରମାଗତ ଭାବେ ୩ଟି ମ୍ୟାଚରେ ପରାଜୟର ସାମ୍ନା କରିଛି । ଏହି ଦଳର ଅଧିନାୟକ ଥିବା ହାର୍ଦ୍ଦିକ ପାଣ୍ଡ୍ୟାଙ୍କୁ ଦଳର ସୋସିଆଲ ମିଡିଆରେ ଅନେକ ଟ୍ରୋଲିଂର ଶିକାର ହେବାକୁ ପଡ଼ିଛି । ରୋହିତ ଶର୍ମାଙ୍କ ପରିବର୍ତ୍ତେ ହାର୍ଦ୍ଦିକ ପାଣ୍ଡ୍ୟାଙ୍କୁ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହେବା ପର ଠାରୁ ତାଙ୍କ ସମୟ ଏକ ପ୍ରକାର ଖରାପ ଚାଲିଛି କହିଲେ ଭୁଲ ହେବ ନାହିଁ । ଦଳର ଖରାପ ପ୍ରଦର୍ଶନ, ଦର୍ଶକଙ୍କ ରୁକ୍ଷପଣ ଏବଂ କ୍ରମାଗତ ପରାଜୟ ପରେ ହାର୍ଦ୍ଦିକ ଏକ ପ୍ରକାର ହତାଶ ହୋଇଯାଇଥିଲେ । ଏଭଳି ସ୍ଥିତିରେ ସେ ମହାଦେବଙ୍କ ଶରଣ ନେଇଛନ୍ତି । ଗୁଜରାଟ ସ୍ଥିତ ସୋମନାଥ ମନ୍ଦିରରେ ହାର୍ଦ୍ଦିକ ପୂଜାର୍ଚ୍ଚନା କରିବାର ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।
#WATCH | Gujarat: Indian Cricket Team all-rounder Hardik Pandya offers prayers at Somnath Temple.
Source: Somnath Temple Trust pic.twitter.com/F8n05Q1LSA
— ANI (@ANI) April 5, 2024
