ବ୍ରିଜରୁ ୧୦ ଫୁଟ୍ ତଳକୁ ଖସିଲା ସ୍କୁଟି, ୩ ମୃତ

ବାଲିଗୁଡ଼ା: ବାଲିଗୁଡ଼ାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଥିବା ସୂଚନା ମିଳିଛି । ରାଇକିଆ- ମଣ୍ଡକିଆ ରାସ୍ତାର ବୁଢ଼ାମହ ନିକଟରେ ଏହି ଦୁର୍ଘଟଣା ଘଟିଛି । ଏକ ସ୍କୁଟି ଭାରସାମ୍ୟ ହରାଇ ଖୁଣ୍ଟରେ ପିଟି ହେବା ପରେ ବ୍ରିଜରୁ ୧୦ ଫୁଟ ତଳକୁ ଖସି ପଡଥିଲା । ଘଟଣାସ୍ଥଳରେ ୩ ସ୍କୁଟି ଆରୋହୀଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ଖବର ପାଇ ଘଟଣାସ୍ଥଳରେ ରାଇକିଆ ପୋଲିସ ପହଞ୍ଚି ମୃତଦେହ ଉଦ୍ଧାର କରି ମେଡିକାଲ ପଠାଇଥିଲା । ପୋଲିସ ପକ୍ଷରୁ ଅଧିକ ତଦନ୍ତ ଜାରି ରହିଛି । ତେବେ ମୃତକମାନଙ୍କ ମଧ୍ୟରୁ ଜଣେ ବେରେଡାକିଆ ଏବଂ ଅନ୍ୟ ଦୁଇ ଜଣ ଡଲାବାଲିର ବୋଲି ସୂଚନା ମିଳିଛି ।