ନକଲି ଆପ୍ ମାଧ୍ୟମରେ ହେଉଛି ଠକେଇ : ସରକାର ଜାରି କଲେ ଆଲର୍ଟ, ଷ୍ଟକ୍ ମାର୍କେଟ ନିବେଶକମାନେ ରୁହନ୍ତୁ ସତର୍କ
ନୂଆଦିଲ୍ଲୀ: ଲୋକଙ୍କ ବ୍ୟାଙ୍କ ଆକାଉଣ୍ଟରୁ ଟଙ୍କା ଉଠାଇବା ପାଇଁ ଡିଜାଇନ୍ ହୋଇଥିବା ଆପ୍ ସମ୍ବନ୍ଧରେ ଗୃହ ମନ୍ତ୍ରଣାଳୟ ଉଭୟ ଆଣ୍ଡ୍ରଏଡ୍ ଏବଂ ଆଇଫୋନ୍ ବ୍ୟବହାରକାରୀଙ୍କୁ ଏକ ସତର୍କ ସୂଚନା ଜାରି କରିଛି । ଏହି ଆପ୍ଲିକେସନଗୁଡିକର ଚିହ୍ନଟ ହୋଇସାରିଛି ଓ ତାହାକୁ ସାଇବର ଦୋସ୍ତରେ ଲିଷ୍ଟ କରାଯାଇଛି, ଯାହାକି ସାଇବର ସୁରକ୍ଷା ଏବଂ ସାଇବର ସିକ୍ୟୁରିଟୀ ଆୱେରନେସ୍ ହ୍ୟାଣ୍ଡେଲ ।
ଗୃହ ମନ୍ତ୍ରଣାଳୟ ଦ୍ୱାରା ସାଇବର ଦୋସ୍ତ ପରିଚାଳିତ ହେଉଛି । ସାଇବର ଦୋସ୍ତ ମଧ୍ୟ ଏହି ଆପଗୁଡ଼ିକର ବିପଦ ବିଷୟରେ ଉଲ୍ଲେଖ କରିଛି ଏବଂ ସେଗୁଡ଼ିକ ବିଷୟରେ ସୂଚନା ଦେଇଛି । ଏହିପରି ଏକ ଆପ୍ ଯାହାର ନାଁ Union-Rewards.apk ରହିଛି, ୟୁନିଅନ୍ ବ୍ୟାଙ୍କର ଅଫିସିଆଲ୍ ଆଣ୍ଡ୍ରଏଡ୍ ଆପ୍ ଭାବରେ ସାମ୍ନାକୁ ଆସିଛି ଏବଂ ଉପଭୋକ୍ତାମାନଙ୍କୁ ପୁରସ୍କାର ପ୍ରଦାନ କରିବାକୁ ଦାବି କରୁଛି । ଅବଶ୍ୟ, ଏହା ଏକ ଆପ୍ ଯାହା ଲୋକଙ୍କୁ ଠକିବା ପାଇଁ ପ୍ରସ୍ତୁତ କରାଯାଇଛି ।
ନକଲି ଟ୍ରେଡିଂ ଆପ୍ ମାଧ୍ୟମରେ ଠକାଯାଉଛି :-
ନକଲି ଷ୍ଟକ୍ ଟ୍ରେଡିଂ ଆପ୍ ମଧ୍ୟ ଏକ ବଡ଼ ବିପଦ, ଯାହା ମାଧ୍ୟମରେ ସାରା ଦେଶରେ ଅନେକ ଲୋକଙ୍କୁ ଠକେଇ କରାଯାଇଛି । ଭାରତ ସରକାରଙ୍କ ସାଇବର ସେଲ୍ ଆଇଫୋନ୍ ବ୍ୟବହାରକାରୀଙ୍କୁ ଗ୍ରୁପ୍-ଏସ୍ ନାମକ ଏକ ନକଲି ଆପ୍ ବିଷୟରେ ଚେତାବନୀ ଦେଇଛି । Chu Chi Quoc Huy ନାମରେ ପ୍ରକାଶିତ ଏହି ଆପ୍ ଉପଭୋକ୍ତାମାନଙ୍କୁ ଅନଧିକୃତ ଷ୍ଟକ୍ ବାଣିଜ୍ୟ କାର୍ଯ୍ୟକଳାପରେ ନିୟୋଜିତ କରେ ।
ଠକିବା ପାଇଁ ଲୋଭ ଦିଆଯାଏ :-
INSECG, CHS-SES, SAAI, SEQUOIA ଏବଂ GOOMI ସହିତ ଅନ୍ୟାନ୍ୟ ଅନେକ ଜାଲିଆତିକାରୀ ଆପ୍ ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ୍ ବୋର୍ଡ ଅଫ୍ ଇଣ୍ଡିଆ (SEBI) ରେ ପଞ୍ଜୀକରଣ ନକରି କାର୍ଯ୍ୟ କରୁଛନ୍ତି ।
ଏହି ଆପ୍ସ ବ୍ୟବହାରକାରୀଙ୍କୁ ମିଥ୍ୟା ପ୍ରତିଶ୍ରୁତି ଆଧାରରେ ଷ୍ଟକରେ ନିବେଶ କରିବାକୁ ପ୍ରଲୋଭିତ କରେ, ଯାହା ପରେ ଲୋକମାନେ ଠକେଇର ଶିକାର ହୁଅନ୍ତି । ପୀଡିତମାନେ ପ୍ରାୟତଃ ଠକମାନଙ୍କ ଦ୍ୱାରା ନିର୍ଦ୍ଦିଷ୍ଟ ବ୍ୟାଙ୍କ ଆକାଉଣ୍ଟରେ ଟଙ୍କା ଜମା କରନ୍ତି ଏବଂ ଡିଜିଟାଲ୍ ୱାଲେଟରେ ନକଲି ଲାଭ ଦେଖାଯାଏ ଏବଂ ଏହାପରେ ସମସ୍ତ ଟଙ୍କା ଉଠିଯାଏ ।
ସତର୍କ ରୁହ :-
ଏହିପରି ସ୍କାମର ବୃଦ୍ଧି ମଧ୍ୟରେ SEBI ଏକ ଚେତାବନୀ ଜାରି କରିଛି ଯାହା ନିବେଶକମାନଙ୍କୁ ସତର୍କ ରହିବାକୁ ଏବଂ ସୋସିଆଲ ମିଡିଆ ବାର୍ତ୍ତା, ହ୍ୱାଟ୍ସଆପ୍ ଗ୍ରୁପ୍, ଟେଲିଗ୍ରାମ ଚ୍ୟାନେଲ କିମ୍ବା ଅନଧିକୃତ ଷ୍ଟକ୍ ମାର୍କେଟ ସହିତ ସଂଯୁକ୍ତ ଆପ୍ ଠାରୁ ଦୂରେଇ ରହିବାକୁ ପରାମର୍ଶ ଦେଇଛି । କୌଣସି ନିବେଶ କାର୍ଯ୍ୟକଳାପରେ ଅଂଶଗ୍ରହଣ କରିବା ପୂର୍ବରୁ ଆର୍ôଥକ ପ୍ଲାଟଫର୍ମ ଯାଞ୍ଚ କରିବାର ଗୁରୁତ୍ୱ ଉପରେ SEBI ଗୁରୁତ୍ୱାରୋପ କରିଛି ।
