୧୦୦ କୋଟିରୁ କିପରି ହୋଇଗଲା ୧୧୦୦ କୋଟି, ଇଡିକୁ ପ୍ରଶ୍ନ ପଚାରିଲେ ସୁପ୍ରିମକୋର୍ଟ
ନୂଆଦିଲ୍ଲୀ: ଦିଲ୍ଲୀ ଅବକାରୀ ନୀତି ସହ ଜଡିତ ମନି ଲଣ୍ଡରିଂ ମାମଲାରେ ଗିରଫ ହୋଇଥିବା ଅରବିନ୍ଦ କେଜ୍ରିୱାଲଙ୍କ ପିଟିସନ ଉପରେ ସୁପ୍ରିମକୋର୍ଟ ମଙ୍ଗଳବାର ଦିନ ଇଡିକୁ ଅନେକ ପ୍ରଶ୍ନ ପଚାରିଛନ୍ତି । କୋର୍ଟ ପଚାରିଛନ୍ତି ଯେ, କେଜ୍ରିୱାଲଙ୍କୁ ଗିରଫ କରିବାରେ ଦୁଇ ବର୍ଷ କାହିଁକି ଲାଗିଲା ।
ସୁପ୍ରିମକୋର୍ଟ ଦିଲ୍ଲୀ ମଦ ଦୁର୍ନୀତି ମାମଲାରେ ଇଡି ଯାଞ୍ଚ ପାଇଁ ନେଇଥିବା ସମୟ ଉପରେ ପ୍ରଶ୍ନ ଉଠାଇଛନ୍ତି ଏବଂ କହିଛନ୍ତି ଯେ, ଏହି ମାମଲାକୁ ସାମ୍ନାକୁ ଆଣିବାରେ ଦୁଇ ବର୍ଷ ଲଗାଇଦେଇଛନ୍ତି । ସେହିପରି କେନ୍ଦ୍ରୀୟ ଯାଞ୍ଚ ଏଜେନ୍ସି ପକ୍ଷରୁ ଦାଖଲ କରାଯାଇଥିବା ଅତିରିକ୍ତ ସଲିସିଟର ଜେନେରାଲ ଏସବି ରାଜୁ ଜଷ୍ଟିସ ସଞ୍ଜୀବ ଖାନ୍ନା ଏବଂ ଜଷ୍ଟିସ ଦୀପାଙ୍କର ଦତ୍ତଙ୍କ ବେଞ୍ଚକୁ କହିଛନ୍ତି ଯେ, ଇଲେକ୍ଟ୍ରୋନିକ ପ୍ରମାଣ ପତ୍ର ନଷ୍ଟ କରିବା ଏବଂ ୧୦୦ କୋଟି ଟଙ୍କା ଦେବା ଅଭିଯୋଗ ରହିଛି ।
ଯାଞ୍ଚ ଏଜେନ୍ସି ଡକ୍ୟୁମେଣ୍ଟରେ ଜଜ କହିଛନ୍ତି ଯେ, ୧୦୦ କୋଟି ପ୍ରୋସିଡସ ଅଫ କ୍ରାଇମ ଅଛି, ହେଲେ ଦୁର୍ନୀତିକୁ ୧୧୦୦ କୋଟିର ବୋଲି କୁହାଯାଉଛି । ଏତେ ପରିମାଣରେ ବଢିବା କିପରି ହେଲା । ସେହିପରି ଇଡି କୋର୍ଟରେ କେଜ୍ରିୱାଲଙ୍କ ପିଟିସନର ବିରୋଧ କରି କହିଛନ୍ତି ଯେ, ତାଙ୍କ ନାମ ଯାଞ୍ଚ ଦ୍ୱାରା ସାମ୍ନାକୁ ଆସିଛି ।
ଇଡି ସୁପ୍ରିମକୋର୍ଟଙ୍କ ତଦନ୍ତର ଆରମ୍ଭରେ କେନ୍ଦ୍ରରେ କେଜ୍ରିୱାଲ ନଥିଲେ । ଯାଞ୍ଚ ସମୟରେ ତାଙ୍କ ନାମ ପଦାକୁ ଆସିଥିଲା । ଏହା କୁହାଯିବା ଭୁଲ ଅଟେ ଯେ, ଆମେ କେଜ୍ରିୱାଲଙ୍କୁ ଟାର୍ଗେଟ କରିବା ଲାଗି ସାକ୍ଷୀଙ୍କୁ ବିଶେଷ ଭାବେ ତାଙ୍କ ବିଷୟରେ ପ୍ରଶ୍ନ କରିଛୁ । ସାକ୍ଷୀଙ୍କ ପକ୍ଷରୁ ମାଜଷ୍ଟ୍ରେଟ ସାମ୍ନାରେ ଦିଆଯାଇଥିବା ଧାରା ୧୬୪ ବୟାନରେ ଦେଖାଯାଉଛି ।
