(Video) ରାହୁଲ ଗାନ୍ଧୀଙ୍କ ଫୋନ କଲ୍ ଅଭିଯୋଗକୁ ନେଇ ସତ ବଖାଣିଲେ ରକ୍ଷା ମନ୍ତ୍ରୀ ରାଜନାଥ ସିଂହ
ନୂଆଦିଲ୍ଲୀ: ବିରୋଧୀ ଏବଂ ଶାସକ ଦଳ ମଧ୍ୟରେ ଲୋକସଭା ବାଚସ୍ପତି ଏବଂ ଉପବାଚସ୍ପତି ପଦବୀକୁ ନେଇ କଳହ ଦେଖିବାକୁ ମିଳିଛି । କଂଗ୍ରେସ ନେତା ରାହୁଲ ଗାନ୍ଧୀ ରାଜନାଥ ସିଂହଙ୍କ ଉପରେ ଅଭିଯୋଗ ଲଗାଇଥିଲେ ଯେ, ପୁଣି ଆମ ନେତାଙ୍କୁ ଅପମାନିତ କରାଯାଇଛି । ଯାହାକୁ ନେଇ ରାଜନାଥ ସିଂହ ମୁହଁ ଖୋଲିଛନ୍ତି ।
ରାହୁଲ ଗାନ୍ଧୀ ରାଜନାଥଙ୍କ ଉପରେ ଅଭିଯୋଗ ଆଣିଛନ୍ତି ଯେ, ସେ ମଲ୍ଲିକାର୍ଜୁନଙ୍କ ସହ କଥା ହୋଇଥିଲେ । ସେ କଲ କରିବାକୁ କହିଥିଲେ । ହେଲେ ସେ କଲ କଲେ ନାହିଁ । ଆମ ନେତାମାନଙ୍କ ଅପମାନ କରାଯାଉଛି ।
କେନ୍ଦ୍ରମନ୍ତ୍ରୀ ରାଜନାଥ ସିଂହ ରାହୁଲ ଗାନ୍ଧୀଙ୍କ ବିବୃତ୍ତିକୁ ନେଇ କହିଛନ୍ତି ଯେ, ମଲ୍ଲିକାର୍ଜୁନ ଖଡଗେ ଜଣେ ବରିଷ୍ଠ ନେତା ଏବଂ ମୁଁ ତାଙ୍କର ସମ୍ମାନ କରୁଛି । କାଲିଠାରୁ ମୋରା ତାଙ୍କ ସହ ୩ ଥର କଥା ହୋଇସାରିଲାଣି ।
#WATCH केंद्रीय मंत्री राजनाथ सिंह ने कहा," मल्लिकार्जुन खरगे एक वरिष्ठ नेता हैं और मैं उनका सम्मान करता हूं। कल से लेकर आज तक मेरी उनसे तीन बार बातचीत हो चुकी है।" pic.twitter.com/wHOaI4iVvf
— ANI_HindiNews (@AHindinews) June 25, 2024
ଏହା ପୂର୍ବରୁ କଂଗ୍ରେସ ସାଂସଦ ରାହୁଲ ଗାନ୍ଧୀ ରାଜନାଥଙ୍କ ଉପରେ ଅଭିଯୋଗ ଲଗାଇ କହିଥିଲେ ଯେ, ମଲ୍ଲିକାର୍ଜୁନ ଖଡଗେଙ୍କ ପାଖକୁ କେନ୍ଦ୍ର ମନ୍ତ୍ରୀ ରାଜନାଥ ସିଂହଙ୍କ ଫୋନ ଆସିଥିଲା । ରାଜନାଥ ସିଂ ଖଡଗେଙ୍କୁ ନିଜ ସ୍ପିକର ପାଇଁ ସମର୍ଥନ ମାଗିଥିଲେ, ବିରୋଧୀ ସ୍ପଷ୍ଟ ଭାବେ କହିଥିଲେ, ଆମେ ସ୍ପିକରକୁ ସମର୍ଥନ ଦେବୁ ହେଲେ ବିରୋଧି ଦଳକୁ ଉପବାଚସ୍ପତି ମିଳୁ । ରାଜନାଥ ସିଂହ କାଲି ସଂଧ୍ୟାରେ କହିଥିଲେ ଯେ, ଖଡଗେଙ୍କୁ ସେ ଫୋନ କରିବେ ହେଲେ ଏପର୍ଯ୍ୟନ୍ତ ଖଡଗେଙ୍କ ପାଖକୁ କୌଣସି ଉତ୍ତର ଆସିନାହିଁ ।
