ଜାତୀୟ ଉଦ୍ୟାନରେ ବର୍ଷା ଯୋଗୁଁ ବିପଦରେ ବନ୍ୟଜନ୍ତୁ; ବନ୍ୟାରେ ଭାସିଗଲେ ଗଣ୍ଡା, ବାରସିଂହା ଓ ଓଟର
ଦିସ୍ପୁର: ବନ୍ୟା ଯୋଗୁଁ ଆସାମର କାଜିରଙ୍ଗା ଜାତୀୟ ଉଦ୍ୟାନରୁ ଏପର୍ଯ୍ୟନ୍ତ ୧୩୧ ଟି ବନ୍ୟପ୍ରାଣୀଙ୍କ ମୃତ୍ୟୁ ଘଟିଥିବା ବେଳେ ୯୬ ଜଣଙ୍କୁ ଉଦ୍ଧାର କରାଯାଇଛି । ସୋମବାର ଜଣେ ଅଧିକାରୀ କହିଛନ୍ତି ଯେ ୯୮ଟି ପଶୁ ବୁଡ଼ି ମୃତ୍ୟୁବରଣ କରିଛନ୍ତି । ମୃତ ପଶୁମାନଙ୍କ ମଧ୍ୟରେ ୬ଟି ଗଣ୍ଡା ଓ ୧୧୭ଟି ହରିଣ ରହିଛନ୍ତି । ସେମାନଙ୍କ ମଧ୍ୟରୁ ୯୮ ଜଣ ପାଣିରେ ବୁଡ଼ି ପ୍ରାଣ ହରାଇଥିବା ବେଳେ ୨ ଜଣ ଗାଡି ରେ ଆଘାତ ଲାଗିଥିବା ବେଳେ ୧୭ ଜଣ ଚିକିତ୍ସାଧୀନ ଅବସ୍ଥାରେ ପ୍ରାଣ ହରାଇଛନ୍ତି ।
ପାଣିରେ ବୁଡ଼ି ଦୁଇ ସାମ୍ବର, ଗୋଟିଏ ରିସସ୍ ମକାକ ଓ ଗୋଟିଏ ଓଟରଙ୍କ ମୃତ୍ୟୁ ଘଟିଛି । ଚିକିତ୍ସାଧୀନ ଅବସ୍ଥାରେ ୧୭ଟି ହରିଣ, ଗୋଟିଏ ବାରସିଂହା, ଗୋଟିଏ ରିସସ୍ ମକାକ ଓ ଗୋଟିଏ କୁମ୍ଭୀର ସମେତ ମୋଟ ୨୫ଟି ପଶୁଙ୍କ ମୃତ୍ୟୁ ଘଟିଛି । ବନ ବିଭାଗ ପକ୍ଷରୁ ୮୫ଟି ହରିଣ, ୨ଟି ଗଣ୍ଡା, ୨ଟି ସମ୍ବର, ୨ଟି ଘୁଷୁରି, ଗୋଟିଏ ବରସିଂହା, ଗୋଟିଏ କୁକୁଡ଼ା, ଗୋଟିଏ ରିସସ୍ ମକାକ, ଗୋଟିଏ ଓଟର, ଗୋଟିଏ ହାତୀ ଓ ଗୋଟିଏ ଜଙ୍ଗଲୀ ବିଲେଇକୁ ଉଦ୍ଧାର କରାଯାଇଛି ।
ବର୍ତ୍ତମାନ ୨୫ ଟି ପଶୁ ଚିକିତ୍ସାଧୀନ ଥିବା ବେଳେ ୫୨ଟି ପଶୁ ଚିକିତ୍ସିତ ହେଉଛନ୍ତି । ଗତ କିଛି ବର୍ଷ ମଧ୍ୟରେ ସବୁଠାରୁ ଭୟଙ୍କର ବନ୍ୟା ଯୋଗୁଁ ଜାତୀୟ ଉଦ୍ୟାନ ପ୍ରଭାବିତ ହୋଇଛି । ଏହା ପୂର୍ବରୁ ୨୦୧୭ରେ ଭୟଙ୍କର ବନ୍ୟା ଯୋଗୁଁ ୩୫୦ରୁ ଅଧିକ ବନ୍ୟପ୍ରାଣୀ ପ୍ରାଣ ହରାଇଥିଲେ ।
