ବିଜେପିରୁ ବହିଷ୍କୃତ ହେଲେ ପୂର୍ବତନ ମନ୍ତ୍ରୀ ସନ୍ଦୀପ କୁମାର
ନୂଆଦିଲ୍ଲୀ: ରାଜନୈତିକ କ୍ଷେତ୍ରରୁ ଆସିଛି ଏକ ବଡ଼ ଖବର । ଦିଲ୍ଲୀର ପୂର୍ବତନ ମନ୍ତ୍ରୀ ସନ୍ଦୀପ କୁମାରଙ୍କୁ ଭାରତୀୟ ଜନତା ପାର୍ଟି ପ୍ରାଥମିକ ସଦସ୍ୟ ପଦରୁ ବହିଷ୍କାର କରିଛି । ନିକଟରେ ହରିୟାଣା ମୁଖ୍ୟମନ୍ତ୍ରୀ ନାୟବ ସିଂହ ସୈନୀଙ୍କ ଉପସ୍ଥିତିରେ ସନ୍ଦୀପ ବିଜେପିରେ ସାମିଲ ହୋଇଥିଲେ । ତେବେ ପଦ୍ମ ଧରିବାର କିଛି ଦିନ ମଧ୍ୟରେ ତାଙ୍କ ଉପରେ ଏବେ ଦଳ ତରଫରୁ ବଡ଼ ଆକ୍ସନ ନିଆଯାଇଛି । ଏନେଇ ବିଜେପି ତରଫରୁ ସୋସିଆଲ ମିଡ଼ିଆ ଏକ୍ସ’ରେ ଏକ ସୂଚନା ଜାରି କରାଯାଇଛି ।
ଦଳ ପକ୍ଷରୁ କୁହାଯାଇଛି ଯେ, ସନ୍ଦୀପ ନିଜର ପୃଷ୍ଠଭୂମିର ତଥ୍ୟ ଲୁଚାଇଥିଲେ । ତେଣୁ ସେନେଇ ସତ୍ୟତା ଜଣାପଡ଼ିବା ପରେ ତାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ସନ୍ଦୀପଙ୍କୁ ଦଳର ପ୍ରାଥମିକ ସଦସ୍ୟ ପଦରୁ ହଟାଇ ଦିଆଯାଇଛି । ଏନେଇ ରାଜ୍ୟ ସାଧାରଣ ସମ୍ପାଦକ ସୁରେନ୍ଦ୍ର ପୁନିଆଙ୍କ ପକ୍ଷରୁ ଏକ ବୟାନ ଜାରି କରାଯିବା ସହ ଭବିଷ୍ୟତର ଦଳ ସହ ସନ୍ଦୀପଙ୍କର କୌଣସି ସମ୍ପର୍କ ରହିବ ନାହିଁ ବୋଲି କୁହାଯାଇଛି ।
आज दिल्ली सरकार के पूर्व मंत्री संदीप कुमार ने भारतीय जनता पार्टी ज्वाइन की।इससे पूर्व अपनी पृष्ठभूमि के तथ्य छुपाए,लेकिन संज्ञान में आते ही भारतीय जनता पार्टी संदीप कुमार को अपनी प्राथमिक सदस्यता से अलग करती है। pic.twitter.com/G69LhLAxjU
— Haryana BJP (@BJP4Haryana) August 10, 2024