Video; ଶିବଲିଙ୍ଗ ଉପରୁ ନାଗ ଚୋରି, ନେବା ପୂର୍ବରୁ ଓ ପରେ ପ୍ରଣାମ-କାନ ଧରି କ୍ଷମା ପ୍ରାର୍ଥନା
ପଟନା: ବିହାରର ଛପରାର ଏକ ମନ୍ଦିରରେ ଚୋରିର ଏକ ଅଜବ ଘଟଣା ସାମ୍ନାକୁ ଆସିଛି। ଚୋର ପ୍ରଥମେ ମନ୍ଦିରକୁ ଯାଇ ଭଗବାନ ଶିବଙ୍କୁ ପ୍ରଣାମ କରିବା ପରେ ଅଷ୍ଟଧାତୁର ଅତି ପ୍ରାଚୀନ ନାଗରାଜଙ୍କୁ ଏକ କପଡ଼ାରେ ଗୁଡ଼ାଇ ଶିବଲିଙ୍ଗରୁ ବାହାରକୁ ନେଇଗଲା। ଗୁରୁବାର ଛପରା ସହରର ବାବା ବଟୁକେଶ୍ୱର ନାଥ ମନ୍ଦିରରେ ସାପ ଚୋରି ଘଟଣାର ପୂରା ଘଟଣା ସିସିଟିଭି କ୍ୟାମେରାରେ କଏଦ ହୋଇଛି। ଏହି ସିସିଟିଭି ଫୁଟେଜ୍ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
बिहार में भोले नाथ के साथ धोखा, चोर ने प्रणाम करते-करते कर दिया हाथ साफ#Biharnews #biharnewstoday #THIEF #CHHAPRA pic.twitter.com/OLwa23mJMM
— Sanjeev Kumar (@Sanjeev47429593) September 13, 2024
ଶିବ ମନ୍ଦିରର ଗର୍ଭଗୃହରେ ଥିବା ଶିବଲିଙ୍ଗରୁ ସାପ ଚୋରି ହେବା ଘଟଣାର ଭାଇରାଲ ହେଉଥିବା ସିସିଟିଭି ଭିଡିଓରେ ସ୍ପଷ୍ଟ ଦେଖିବାକୁ ମିଳୁଛି ଯେ ଚୋର ମନ୍ଦିର ଭିତରକୁ ପଶି ପ୍ରଥମେ ଶିବଲିଙ୍ଗକୁ ସତର୍କତାର ସହ ଦେଖି ପ୍ରଣାମ କରିଥିଲେ। ତା’ପରେ ଶିବଲିଙ୍ଗ ନିକଟରେ ବସି ସାପଟିକୁ ଏକ କପଡ଼ାରେ ଗୁଡ଼ାଇ ଉଠାଇଥିଲେ। ସାପଟିକୁ ଉଠାଇବା ପରେ ଚୋର ପୁଣି ଶିବଲିଙ୍ଗକୁ ପ୍ରଣାମ କରି କାନ ଧରି କ୍ଷମା ମାଗିଥିଲେ। ଏହାପରେ ସେ ସେଠାରୁ ଫେରାର ହୋଇଯାଇଥିଲା। ମନ୍ଦିର କର୍ତ୍ତୃପକ୍ଷ ଏହି ଭିଡିଓ କ୍ଲିପ୍ ଭଗବାନ ବଜାର ଥାନାକୁ ହସ୍ତାନ୍ତର କରିଛି।
ପୋଲିସ ତୁରନ୍ତ ଚୋର ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି। ତେବେ ମନ୍ଦିର ପ୍ରଶାସନ ପକ୍ଷରୁ ଏପର୍ଯ୍ୟନ୍ତ ପୋଲିସକୁ କୌଣସି ଦରଖାସ୍ତ କିମ୍ବା ଆନୁଷ୍ଠାନିକ ଲିଖିତ ସୂଚନା ଦିଆଯାଇନାହିଁ। କିନ୍ତୁ ସିସିଟିଭି ଭିଡ଼ିଓକୁ ଆଧାର କରି ପୋଲିସ ଘଟଣାର ତଦନ୍ତ ଆରମ୍ଭ କରିଛି। ମନ୍ଦିର ପ୍ରଶାସନ ପକ୍ଷରୁ ଲିଖିତ ଆବେଦନ କରାଯିବା ପରେ ଚୋର ବିରୋଧରେ ଉପଯୁକ୍ତ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୁଲିସ କହିଛି।