(Video) ‘ଦୟା’କୁ କାହିଁକି ଗୁଳି ମାରିଲେ ଅଭିଜିତ? CIDର ପ୍ରୋମୋକୁ ନେଇ ବଢୁଛି Suspense
ଓଡ଼ିଶା ଭାସ୍କର: ୬ ବର୍ଷ ପରେ ପୁଣିଥରେ ଛୋଟ ପରଦାକୁ ଫେରୁଛି ବହୁ ଚର୍ଚ୍ଚିତ ଟିଭି ସିରିଜ ସିଆଇଡି । ଏହାର ପ୍ରଥମ ପ୍ରୋମୋ ରିଲିଜ ହୋଇସାରିଛି । ପ୍ରଥମ ପ୍ରୋମୋକୁ ଦେଖି ଫ୍ୟାନ୍ସମାନଙ୍କ ସସପେନ୍ସ ଆହୁରି ବଢିଯାଇଛି । ଏହି ଶୋ’ ଫେରିବା ପୂର୍ବରୁ ସମସ୍ତଙ୍କୁ ଚକିତ କରିଦେଇଛି ଏହାର ପ୍ରଥମ ଝଲକ । ପ୍ରୋମୋରେ ସିଆଇଡିର ସିନିୟର ଇନ୍ସପେକ୍ଟର ଅଭିଜିତ ତାଙ୍କର ସାଥୀ ଦୟାଙ୍କୁ ଗୁଳି କରି ହତ୍ୟା କରୁଥିବା ଦେଖାଯାଉଛି । ଏହି ସମୟରେ ଏସିପି ପ୍ରଦୁ୍ୟମନ୍ ଘଟଣାସ୍ଥଳରେ ପହଞ୍ଚିଥିଲେ ମଧ୍ୟ ଏହାକୁ ରୋକିବାରେ ଅସମର୍ଥ ହୋଇଛନ୍ତି । ତେବେ ଭିଡିଓ ଦେଖିବା ପରେ ଲୋକଙ୍କ ମନରେ ଅନେକ ପ୍ରଶ୍ନ ଉଠିଛି, ଅଭିଜିତ କାହିଁକି ଦୟାଙ୍କୁ ଗୁଳି କଲେ? ନୂଆ ସିଜନରେ ଅଲଗା ହେବେ କି ଦୟା-ଅଭିଜିତ? ଭାଙ୍ଗିଯିବ କି ବର୍ଷ ବର୍ଷର ବନ୍ଧୁତା?
ସିଆଇଡିର ପ୍ରୋମୋ ଭିଡିଓରେ ଦେଖାଯାଇଛି ଯେ, ଦୟା ଏବଂ ଅଭିଜିତ ଏକ ଝରଣା ନିକଟରେ ଠିଆ ହୋଇଛନ୍ତି । ଭିଡିଓର ବ୍ୟାକଗ୍ରାଉଣ୍ଡରେ କୁହାଯାଇଛି ଯେ, ଯିଏ ଦେଶ ପାଇଁ ସବୁବେଳେ ଏକାଠି ଲଢିଥିଲେ, ଆଜି ଉଭୟ ପରସ୍ପର ବିପକ୍ଷରେ ଲଢେଇ କରୁଛନ୍ତି । ଏହାପରେ ଦୟା ରାଗରେ କହୁଛନ୍ତି, ଗୁଳି ଚଳାଅ ଅଭିଜିତ… । ଏହାପରେ ଅଭିଜିତ ମଧ୍ୟ ଦୟାଙ୍କ ଉପରେ ଗୁଳି କରିଛନ୍ତି । ସେହି ସମୟରେ ଏସିପି ପ୍ରଦୁ୍ୟମନ ଦୂରରୁ ଏକ ଗାଡ଼ି ନିକଟରେ ପହଞ୍ଚିଥିବାର ଭିଡିଓରେ ଦେଖାଯାଇଛି । ଏଭଳି ଘଟଣା ଦେଖି ସେ ଦୟାଙ୍କୁ ଡାକିଥିବା ବେଳେ ଦୟା ଝରଣା ତଳକୁ ଖସି ପଡ଼ିଛନ୍ତି । ଏହି ପ୍ରୋମୋରେ କୁହାଯାଇଛି ଯେ, ସେମାନଙ୍କ କାହାଣୀ ଏବେ ବି ବାକି ରହିଛି । ସେମାନଙ୍କର କେବଳ ନାମ ହିଁ ଯଥେଷ୍ଟ…
View this post on Instagram
ଏହି ପ୍ରୋମୋ ଦେଖିବା ପରେ ଫ୍ୟାନ୍ସଙ୍କ ଉସôାହ ଆହୁରି ବଢିଯାଇଛି । ସୋସିଆଲ ମିଡିଆରେ ଏହି ପ୍ରୋମୋକୁ ନେଇ ଏବେ ଖୁବ ଚର୍ଚ୍ଚା ଆରମ୍ଭ ହୋଇଯାଇଛି । ଅନେକ ଫ୍ରାନ୍ସ ସିଆଇଡିର କମବ୍ୟାକକୁ ନେଇ ଭିନ୍ନ ଭିନ୍ନ କମେଣ୍ଟ କରୁଛନ୍ତି । କିନ୍ତୁ ବର୍ତ୍ତମାନ ସୋସିଆଲ ମିଡିଆରେ ସବୁଠୁ ବଡ଼ ପ୍ରଶ୍ନ ରହିଛି ଯେ, ଅଭିଜିତ କାହିଁକି ଦୟାଙ୍କୁ ଗୁଳି କଲେ? ନୂଆ ସିଜନରେ ଅଲଗା ହେବେ କି ଦୟା-ଅଭିଜିତ? ଭାଙ୍ଗିଯିବ କି ବର୍ଷ ବର୍ଷର ବନ୍ଧୁତା? ସିଆଇଡି ପ୍ରୋମୋକୁ ନେଇ ଏଭଳି ଅନେକ ପ୍ରଶ୍ନ ଏବେ ସୋସିଆଲ ମିଡିଆରେ ଟ୍ରେଣ୍ଡ ପାଲଟିଛି । ତେବେ କିଛି ଫ୍ୟାନ୍ସ ୬ ବର୍ଷ ପରେ ସିଆଇଡିର କମବ୍ୟାକକୁ ନେଇ ଖୁସି ବ୍ୟକ୍ତ କରିଛନ୍ତି ।
