ନ୍ୟୁକ୍ଲିୟର ଫୁଏଲ୍ କମ୍ପ୍ଲେକ୍ସରେ ନିଯୁକ୍ତି ସୁଯୋଗ: ୩୦୦ ପଦ ପୂରଣ ପାଇଁ ପ୍ରକାଶ ପାଇଲା ବିଜ୍ଞପ୍ତି

ନୂଆଦିଲ୍ଲୀ: ଚାକିରି ସନ୍ଧାନରେ ରହିଥିବା ସମସ୍ତ ପ୍ରାର୍ଥୀଙ୍କ ପାଇଁ ଆସିଛି ଏକ ବଡ଼ ଖବର । ନ୍ୟୁକ୍ଲିୟର ଫୁଏଲ କମ୍ପ୍ଲେକ୍ସରେ ଅନେକ ପଦ ପୂରଣ ହେବ । ମୋଟ ୩୦୦ଟି ପଦ ପୂରଣ ପାଇଁ ବିଜ୍ଞପ୍ତି ପ୍ରକାଶ ପାଇଥିବା ବେଳେ ପ୍ରାର୍ଥୀଙ୍କୁ ଫିଟ୍ଟର, ଟର୍ଣ୍ଣର, ଇଲେକ୍ଟ୍ରିସିଆନ, ମେସିନିଷ୍ଟ, ଆଟେଣ୍ଡାଣ୍ଟ ଅପରେଟର, ଇନଷ୍ଟ୍ରୁମେଣ୍ଟ ମେକାନିକ୍ସ, ଇଲେକ୍ଟ୍ରୋନିକ୍ସ ମେକାନିକ୍ସ, ମୋଟର ମେକାନିକ୍ସ, ଡ୍ରଟସମ୍ୟାନ, ଡିଜେନ ମେକାନିକ, କାର୍ପେଣ୍ଟର, ୱେଲଡର, ଷ୍ଟେନୋଗ୍ରାଫର ପଦରେ ନିଯୁକ୍ତି ଦିଆଯିବ । ଇଚ୍ଛୁକ ପ୍ରାର୍ଥୀମାନେ ନିମ୍ନୋକ୍ତ ନୋଟିଫିକେସନ ଲିଙ୍କକୁ ଯାଇ ସବିଶେଷ ତଥ୍ୟ ପାଇ ପାରିବେ ।

ପ୍ରାର୍ଥୀମାନେ ନଭେମ୍ବର ୨୫ ତାରିଖ ସୁଦ୍ଧା ଏହି ସମସ୍ତ ପଦରେ ଆବେଦନ କରିବାକୁ ପଡ଼ିବ । ଆବେଦନର ଅନ୍ତିମ ତାରିଖ ସୁଦ୍ଧା ପ୍ରାର୍ଥୀଙ୍କର ସର୍ବନିମ୍ନ ବୟସ ୧୮ ଓ ସର୍ବାଧିକ ବୟସ ୨୫ ବର୍ଷ ହୋଇଥିବା ଆବଶ୍ୟକ । ଅନ୍ୟ ପଛୁଆ ବର୍ଗ (ଓବିସି), ଅନୁସୂଚିତ ଜାତି (ଏସସି), ଅନୁସୂଚିତ (ଜନଜାତି) ବର୍ଗର ପ୍ରାର୍ଥୀଙ୍କ ପାଇଁ ବୟସ କୋହଳ କରାଯିବ । ପ୍ରାର୍ଥୀ ଦଶମ ପାସ୍ ସହିତ ଆଇଟିଆଇ (ପ୍ରାସଙ୍ଗିକ ଟ୍ରେଡ) ପାସ୍ କରିଥିବା ଆବଶ୍ୟକ ।

ଆବେଦନ ଲିଙ୍କ: https://www.apprenticeshipindia.gov.in/

ନୋଟିଫିକେସନ ଲିଙ୍କ: https://www.nfc.gov.in/pdf/recruitment-advt/2024/nfc-riii-1-03-2024.pdf