(Video) ଫୁଲକୋବି ଭିତରୁ ବାହାରୁଛି ବିଷାକ୍ତ ସାପ: ଭୟରେ ଖାଉଟି
ଓଡ଼ିଶା ଭାସ୍କର: ଥଣ୍ଡା ଆରମ୍ଭ ହୋଇଯାଇଛି । ଏହି ସିଜନରେ କୋବିର ଚାହିଦା ବେଶ୍ ବଢିଯାଏ । କୋବିରେ ତିଆରି ବିଭିନ୍ନ ଖାଦ୍ୟ ଖାଇବା ପାଇଁ ଲୋକେ ବେଶ୍ ପସନ୍ଦ କରିଥାନ୍ତି । କୋବିର ସ୍ୱାନ ଯେମିତି, ଶରୀରକୁ ମଧ୍ୟ ବେଶ୍ ଲାଭଦାୟକ । କିନ୍ତୁ ବର୍ତ୍ତମାନ କୋବିର ଏକ ରୂପ ଖାଉଟିଙ୍କ ମନରେ ଭୟ ଖେଳାଇ ଦେଇଛି । ଫୁଲକୋବି ଭିତରୁ ବାହାରୁଛି ଏକ ବିଷାକ୍ତ ସାପ । ଏହାକୁ ଦେଖି ଲୋକଙ୍କ ମନରେ ଭୟ ଖେଳିଯାଇଛି । ଏହାର ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
କୋବି ପ୍ରାୟ ସମସ୍ତଙ୍କ ପି୍ରୟ ପରିବା । କିନ୍ତୁ ଏହି ପରିବା ଭିତରେ ଏବେ ଲୁଚିଛି ବିଷାକ୍ତ ଜନ୍ତୁ । ଫୁଲକୋବିର ପାଖୁଡ଼ା ଭିତରୁ ବାହାରିଛି ବିଷାକ୍ତ ସାପ । ଏହାର ଏକ ଭିଡିଓ ଏବେ ଭାଇରାଲ ହେଉଛି । ଭିଡିଓରେ ଦେଖାଯାଉଛି ଯେ, ଜଣେ ବ୍ୟକ୍ତି ଏକ ପାତ୍ରରେ କୋବି କାଟୁଛନ୍ତି । ଏମିତି କୋବିକୁ ୪-୫ ଖଣ୍ଡ କରିବା ପରେ ଅଚାନକ ଏହା ଭିତରୁ ବାହାରି ଆସିଛି ଏକ ବିଷାକ୍ତ ସାପ । ଏହାକୁ ଦେଖି ସେ ଆଶ୍ଚର୍ଯ୍ୟଚକିତ ହୋଇଯାଇଛନ୍ତି । କୋବିରୁ ପୋକ ଜୋକ ଇତ୍ୟାଦି ବାହାରିବା ସାଧାରଣ କଥା । କିନ୍ତୁ କୋବି ପାଖୁଡ଼ାରୁ ବିଷାକ୍ତ ସାପ ବାହାରିବା ଘଟଣାକୁ କେହି ସହଜରେ ଗ୍ରହଣ କରି ପାରିନାହାନ୍ତି ।
View this post on Instagram
ଏହାର ଭିଡିଓ ସୋସିଆଲ ମିଡିଆରେ ଅପଲୋଡ ହେବା ପରେ ଏହା ଏବେ ଖୁବ ଭାଇରାଲ ହେବାରେ ଲାଗିଛି । ଏହି ସାପକୁ ଦେଖିଲେ ଯେ କେହି ବି ଭୟ କରିଯିବ । ତେବେ ସୋସିଆଲ ମିଡିଆ ୟୁଜର ଏହାକୁ ନେଇ ବିଭିନ୍ନ ପ୍ରକାରର କମେଣ୍ଟ କରିବା ସହ ଏଥିପ୍ରତି ସାବଧାନ ରହିବାକୁ ପରାମର୍ଶ ଦେଇଛନ୍ତି । ଏହି ଭିଡିଓକୁ ଅନେକ ୟୁଜର ପସନ୍ଦ କରିଥିବା ବେଳେ ଏବେ ଏହାକୁ ଖୁବ ସେୟାର କରାଯାଇଛି ।
