ପୁଣି ପଳାଶୁଣୀ ଛକରେ ମର୍ମନ୍ତୁତ ସଡ଼କ ଦୁର୍ଘଟଣା, ଟ୍ରକ୍ ଧକ୍କାରେ ଚାଲିଗଲା ମହିଳାଙ୍କ ଜୀବନ

ଭୁବନେଶ୍ୱର: ଦିନକୁ ଦିନ ରାଜଧାନୀରେ ଗାଡ଼ି ସଂଖ୍ୟା ବୃଦ୍ଧି ପାଉଥିବା ବେଳେ ଦୁର୍ଘଟଣା ମଧ୍ୟ ହେଉଛି । ଏଥିମଧ୍ୟରେ ପୁଣି ଥରେ ପଳାଶୁଣୀ ଛକରେ ଦେଖିବାକୁ ମିଳିଛି ମର୍ମନ୍ତୁତ ଦୁର୍ଘଟଣା । ରାସ୍ତା ପାର୍ ହେଉଥବା ବେଳେ ଜଣେ ମହିଳାଙ୍କୁ ଏକ ଟ୍ରକଟି ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ଉକ୍ତ ମହିଳାଙ୍କ ମୃତ୍ୟୁ ହୋଇଥିଲା । ତେବେ ଟ୍ରକଟି ଦୁର୍ଘଟଣା ଘଟାଇ ଘଟଣାସ୍ଥଳରୁ ଚମ୍ପଟ ମାରିଥିବା ଜଣାପଡ଼ିଛି ।

ପଳାଶୁଣୀରେ ହୋଇଥିବା ଏହି ସଡ଼କ ଦୁର୍ଘଟଣା ବିଷୟରେ ଖବର ପାଇ ଘଟଣାସ୍ଥଳରେ ମଞ୍ଚେଶ୍ୱର ଥାନା ପୋଲିସ ପହଞ୍ଚି ଅଧିକ ଛାନଭିନ୍ ଜାରି ରଖିଛି । ଏହି ଦୁର୍ଘଟଣା ପରେ ଜାତୀୟ ରାଜପଥରେ ସ୍ଥାନୀୟ ଲୋକମାନେ ଧାରଣା ଦେଇ ପ୍ରତିବାଦ କରିଥିଲେ । ଫଳରେ ପଳାଶୁଣୀ ପାହାଳ ରାସ୍ତା ଜାମ୍ ରହିଥିଲା ।