ଆଜିଠାରୁ ସଂସଦର ଶୀତକାଳୀନ ଅଧିବେଶନ: ଡିସେମ୍ବର ୨୦ ପର୍ଯ୍ୟନ୍ତ ଚାଲିବ ସେଶନ୍
ନୂଆଦିଲ୍ଲୀ: ଆଜିଠାରୁ ସଂସଦରେ ଶୀତକାଳୀନ ଅଧିବେଶନ ଆରମ୍ଭ ହେଉଛି । ନଭେମ୍ବର ୨୫ ତାରଖରୁ ଡିସେମ୍ବର ୨୦ ତାରିଖ ପର୍ଯ୍ୟନ୍ତ ସଂସଦରେ ଶୀତ ଅଧିବେଶନ ଜାରି ରହିବ । ତେବେ ଏହି ଅଧିବେଶନରେ ମୋଟ ୧୫ଟି ବିଲ୍ ଉପସ୍ଥାପନ କରାଯିବ ବୋଲି ଜଣାଯାଇଛି । ବିଭିନ୍ନ ପ୍ରସଙ୍ଗକୁ ଅସ୍ତ୍ର କରି ସରକାରଙ୍କୁ ଘେରିବେ ବିରୋଧୀ । ସରକାରଙ୍କୁ ଏହିସବୁ ପ୍ରସଙ୍ଗକୁ କେନ୍ଦ୍ର କରି ଟାର୍ଗେଟ କରିବା ପାଇଁ ପ୍ଲାନ ପ୍ରସ୍ତୁତ ହୋଇସାରିଛି ।
ସଂସଦର ଶୀତକାଳୀନ ଅଧିବେଶନ ସମୟରେ ସମସ୍ତ ନଜର ଏକ ଜାତି-ଏକ ନିର୍ବାଚନ ଏବଂ ୱାକଫ ବିଲ୍ ଉପରେ ରହିଛି। ଏହି ଦୁଇଟି ପ୍ରସଙ୍ଗକୁ ନେଇ ଅନେକ ଗଣ୍ଡଗୋଳ ହେବାର ସମ୍ଭାବନା ଅଛି । ୱାନ ନେସନ-ୱାନ ନିର୍ବାଚନକୁ ନେଇ କ୍ୟାବିନେଟ ଅନୁମୋଦନ କରିବା ପରେ ଏହା ସହ ଜଡିତ ବିଲ୍ ଶୀତକାଳୀନ ଅଧିବେଶନରେ ଆଗତ ହେବ। ବିରୋଧୀ ଦଳ ଏହାକୁ ବିରୋଧ କରୁଛନ୍ତି ଏବଂ ଦେଶରେ ଏକକାଳୀନ ନିର୍ବାଚନ ସପକ୍ଷରେ ନାହାଁନ୍ତି। ଏଭଳି ପରିସ୍ଥିତିରେ ସରକାର ଏହି ବିଲ୍ ପାସ୍ କରିବା ଅତ୍ୟନ୍ତ କଷ୍ଟକର ହେବ।
୨୬ ନଭେମ୍ବର, ୨୦୨୪ରେ ସମ୍ବିଧାନ ସଦନର ସେଣ୍ଟ୍ରାଲ ହଲରେ ସମ୍ବିଧାନ ଦିବସ ଉପଲକ୍ଷେ କାର୍ଯ୍ୟକ୍ରମ ଅୟୋଜିତ ହେବ ।’ ଚଳିତ ଅଧିବେଶନରେ ଅନେକ ଗୁରୁତ୍ୱପୂର୍ଣ୍ଣ ବିଲ୍ ଆଗତ କରାଯାଇପାରେ । ଏଥିମଧ୍ୟରେ ୱାନ୍ ନେସନ୍- ୱାନ୍ ଇଲେକ୍ସନ ଏବଂ Waqf(ସଂଶୋଧନ) ବିଲ୍ ୨୦୨୪ ସାମିଲ ରହିଛି । ଏହା ବ୍ୟତୀତ ଜାମ୍ମୁ କାଶ୍ମୀରକୁ ପୂର୍ଣ୍ଣ ରାଜ୍ୟ ମାନ୍ୟତା ପ୍ରସ୍ତାବ ମଧ୍ୟ ପାରିତ ହେବା ସହ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଚର୍ଚ୍ଚା ହୋଇପାରେ । ତେବେ ଉପରୋକ୍ତ ବିଲ୍ ପ୍ରସଙ୍ଗକୁ ନେଇ ବିରୋଧିଙ୍କ ମଧ୍ୟରେ ହଟ୍ଟଗୋଳ ଦେଖିବାକୁ ମିଳିପାରେ ।
