ଶୀତ ଦିନେ ମହିଳାଙ୍କ ଜୀବନ ନେଉଛି Bra; ଭୟଙ୍କର ହେଲାଣି ବ୍ରେଷ୍ଟ୍ କ୍ୟାନସର

ନୂଆଦିଲ୍ଲୀ: ଡବ୍ଲ୍ୟୁଏଚ୍ଓ ରିପୋର୍ଟ ଅନୁଯାୟୀ, ୨୦୨୨ରେ ସମଗ୍ର ବିଶ୍ୱରେ ୨.୩ ନିୟୁତ ସ୍ତନ କର୍କଟ ରୋଗୀ ଥିଲେ। ସେହିପରି ଏଥିରେ ମୃତ୍ୟୁ ବରଣ କରିଥିବା ଲୋକଙ୍କ ସଂଖ୍ୟା ୬ ଲକ୍ଷ ୭୦ ହଜାର। ଯଦିଓ ସ୍ତନ କର୍କଟ ପୁରୁଷଙ୍କ ଠାରେ ମଧ୍ୟ ହୁଏ, କିନ୍ତୁ ମହିଳାଙ୍କ ଠାରେ ଏହାର ଆଶଙ୍କା ଅଧିକ ଥାଏ। ଏହି ପ୍ରକାର କର୍କଟ ମହିଳାଙ୍କ ମୃତ୍ୟୁର ଦ୍ୱିତୀୟ ପ୍ରମୁଖ କାରଣ ମଧ୍ୟ ଅଟେ। ସ୍ତନ କର୍କଟ ଆଶଙ୍କାକୁ ନେଇ ସମାଜରେ ଅନେକ ଅନୁମାନ କରାଯାଇଛି। ସେଥିମଧ୍ୟରୁ ଗୋଟିଏ ହେଉଛି ଦୀର୍ଘ ସମୟ ଧରି ବ୍ରା ପିନ୍ଧିବା, ବିଶେଷ କରି ଅଣ୍ଡରୱାୟାର ବ୍ରା। ଏହାକୁ ନେଇ ଅନେକ ମହିଳା ଚିନ୍ତିତ ଅଛନ୍ତି। ଶୀତ ଦିନେ ଅଧିକାଂଶ ସମୟ ମହିଳା ମାନେ ଅଧିକ ଟାଇଟ୍ ଅନ୍ତବସ୍ର ପିନ୍ଧି ଥାନ୍ତି । ଯାହା ସିନ୍ଥେଟିକ୍ ଫ୍ୟାବ୍ରିକ୍ ଟିସୁ ସହ ସେମାନଙ୍କ ବକ୍ଷସ୍ଥଳ ଲାଗି ହୋଇରହେ ଯାହା କି ଇମ୍ଫେକସନ୍ କରାଇବାରେ ଅତ୍ୟଧିକ ସମ୍ଭାବନା ଥାଏ।

ଏନେଇ ଗୁରୁଗ୍ରାମସ୍ଥିତ ସିକେ ବିର୍ଲା ହସ୍ପିଟାଲର ପ୍ରିନ୍ସିପାଲ କନସଲଟାଣ୍ଟ ଏବଂ ବ୍ରେଷ୍ଟ ସେଣ୍ଟର ମୁଖ୍ୟ ଡକ୍ଟର ରୋହନ ଖଣ୍ଡେଲୱାଲ କୁହନ୍ତି ଯେ କୌଣସି ବୈଜ୍ଞାନିକ ଗବେଷଣା ଏହି ଦାବିକୁ ସତ ବୋଲି ନିଶ୍ଚିତ କରିନାହିଁ। ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଏହି ଭୁଲ ଧାରଣା ବୋଧହୁଏ ଏହି ସିଦ୍ଧାନ୍ତରୁ ଆରମ୍ଭ ହୋଇଥିଲା ଯେ ଟାଇଟ୍ ବ୍ରା ଲିମ୍ଫାଟିକ୍ ସିଷ୍ଟମକୁ ଅବରୋଧ କରିଥାଏ, ଯାହା ସ୍ତନ ଟିସୁରେ ବିଷାକ୍ତ ପଦାର୍ଥ ଜମା କରିପାରେ। ଏହି ସିଦ୍ଧାନ୍ତ ଅନୁଯାୟୀ ଅଣ୍ଡର ଗାର୍ମେଣ୍ଟ୍ ବ୍ରାର ଚାପ ଶରୀରର ବିଷାକ୍ତ ପଦାର୍ଥ ବାହାର କରିବା ପ୍ରକ୍ରିୟାକୁ ବନ୍ଦ କରିଦେଇଥାଏ, ଯାହା କ୍ୟାନସରର ଆଶଙ୍କାକୁ ବଢାଇଥାଏ।

ଯଦିଓ ଏହି ଧାରଣା ଅନେକଙ୍କୁ ବିଶ୍ୱାସଯୋଗ୍ୟ ଲାଗୁଥିଲା, କିନ୍ତୁ କୌଣସି ବୈଜ୍ଞାନିକ ତଥ୍ୟ ଦ୍ୱାରା ଏହା ସମର୍ଥିତ ହୋଇନାହିଁ। ବ୍ରା ପିନ୍ଧିବା ଦ୍ୱାରା ସ୍ତନ କର୍କଟ ହୋଇଥାଏ କି ନାହିଁ ତାହା ଜାଣିବା ପାଇଁ ଅନେକ ଅଧ୍ୟୟନ କରାଯାଇଛି ବୋଲି ଡାକ୍ତର ବର୍ଣ୍ଣନା କରିଛନ୍ତି। ଏହି ଗବେଷଣାରେ ବ୍ରା ପିନ୍ଧିବାର ଅବଧି, ଅଣ୍ଡର ଗାର୍ମେଣ୍ଟ ବ୍ରା’ର ବ୍ୟବହାର ଏବଂ ମହିଳାମାନଙ୍କର ଅନ୍ୟାନ୍ୟ ଅଭ୍ୟାସ ଦେଖିବାକୁ ମିଳିଥିଲା। କିନ୍ତୁ ଏହି ଗବେଷଣାରୁ ସ୍ତନ କର୍କଟ ଓ ବ୍ରା ପିନ୍ଧିବା ମଧ୍ୟରେ କୌଣସି ସିଧାସଳଖ ସମ୍ପର୍କ ଦେଖିବାକୁ ମିଳିନାହିଁ। ଏଥିରୁ ପ୍ରମାଣିତ ହେଉଛି ଯେ ବ୍ରା ପିନ୍ଧିବାର ଅବଧି ବା ସମୟ କର୍କଟ ରୋଗର ଆଶଙ୍କା ଉପରେ କୌଣସି ପ୍ରଭାବ ପକାଇନଥାଏ।