ସ୍କୁଲରେ ହେଉଥିଲା ପୋଷାକ ବଣ୍ଟନ, ଛାତରୁ ଖସିଲା ଫ୍ୟାନ୍, ସିଧା ପଡିଲା ଶିକ୍ଷୟିତ୍ରୀଙ୍କ ମୁଣ୍ଡରେ…

ଉମରକୋଟ- ଫ୍ୟାନ ଖସି ଶିକ୍ଷୟିତ୍ରୀ ଆହତ । ଉମରକୋଟର କରଣ୍ଡିଆଗୁଡା ପ୍ରାଥମିକ ବିଦ୍ୟାଳୟରେ ଅଘଟଣ । ବିଦ୍ୟାଳୟରେ ଛାତ୍ରଛାତ୍ରୀଙ୍କୁ ପୋଷାକ ବଣ୍ଟନ ବେଳେ ଘଟିଲା ଅଘଟଣ । ତେବେ ସ୍ୱଭାଗ୍ୟକୁ ଛାତ୍ରଛାତ୍ରୀଙ୍କର କିଛି ହୋଇନଥିବା ବେଳେ ଶିକ୍ଷୟିତ୍ରୀ ଗୁରୁତର ଆହତ ହୋଇଛନ୍ତି ।

ସୂଚନା ମୁତାବକ ଉମରକୋଟର କରଣ୍ଡିଆଗୁଡା ପ୍ରାଥମିକ ବିଦ୍ୟାଳୟରେ ଆଜି ପିଲାଙ୍କୁ ପୋଷାକ ବଣ୍ଟନ ହେଉଥିଲା । ଶିକ୍ଷୟିତ୍ରୀ ସେଠାରେ ଉପସ୍ଥିତ ରହିଥିଲେ । କିନ୍ତୁ ଜଙ୍କଲଗା ଲୁହା କଡିରୁ ଖସିଥିଲା ଫ୍ୟାନ ଓ ସିଧା ପଡିଥିଲା ଶିକ୍ଷୟିତ୍ରୀଙ୍କ ମୁଣ୍ଡରେ । ଏଥିରେ ଶିକ୍ଷୟିତ୍ରୀଙ୍କ ମୁଣ୍ଡ ଫାଟି ସେ ଆହତ ହୋଇଛନ୍ତି । ତୁରନ୍ତ ଶିକ୍ଷୟିତ୍ରୀଙ୍କୁ ଉମରକୋଟ ହସ୍ପିଟାଲ ନିଆଯାଇଥିଲା । ସେଠାରେ ତାଙ୍କୁ ଚିକିତ୍ସା ଚାଲିଛି ।

ତେବେ ଏହି ଦୁର୍ଘଟଣା ଯଦି କୌଣସି ଛାତ୍ରଛାତ୍ରୀଙ୍କ ସହ ହୋଇଥାନ୍ତା ତେବେ କଣ ହୋଇଥାନ୍ତା ସେହି ପିଲାର? ବିଗତ ସରକାର ଶିକ୍ଷା ବ୍ୟବସ୍ଥାରେ ଅହେତୁକ ଉନ୍ନତି ଆଣିଥିବା ନେଇ ଡିଣ୍ଡିମ ପିଟୁଥିଲେ । କିନ୍ତୁ ବାସ୍ତବତା ସମ୍ପୂର୍ଣ୍ଣ ନିଆରା । ସ୍କୁଲର ବିଲଡିଂ ମରାମତି ଅଭାବରୁ ସଙ୍କଟାପନ୍ନ ଅବସ୍ଥାରେ ରହିଛି । ତା ସାଙ୍ଗକୁ ଅଧିକାଂଶ ସ୍କୁଲରେ ନାହାନ୍ତି ଆବଶ୍ୟକ ମୁତାବକ ଶିକ୍ଷକ, ଶିକ୍ଷୟିତ୍ରୀ । ହେଲେ କେବଳ କୋଠାରେ ରଙ୍ଗ ବୋଲି ଶିକ୍ଷା ବ୍ୟବସ ୍ଥାରେ ବ୍ୟାପକ ସୁଧାର ଅଣାଯାଇଥିଲା ଡିଣ୍ଡିମ ପିଟୁଥିଲେ ।