କାଲି ମହାପ୍ରଭୁଙ୍କ ଦିବା ପହୁଡ଼ ନୀତି, ବନ୍ଦ ରହିବ ରତ୍ନଭଣ୍ଡାର ମରାମତି କାମ

ପୁରୀ: ଆସନ୍ତା କାଲି ବନ୍ଦ ରହିବ ରତ୍ନଭଣ୍ଡାର ମରାମତି କାମ । ମହାପ୍ରଭୁଙ୍କ ଦିବା ପହୁଡ଼ ନୀତି ପାଇଁ ବନ୍ଦ ରହିବ ମରାମତି । ଏ ନେଇ ସୂଚନା ଦେଇଛନ୍ତି ଏଏସଆଇ ଅଧୀକ୍ଷକ ଡି.ବି ଗଡ଼ନାୟକ । ମରାମତି ପାଇଁ ପ୍ରାୟ ୨୦ ଫୁଟ୍ ଉଚ୍ଚ ଲୁହା ଭାରା ବନ୍ଦା ହୋଇଛି । ଭାରା ସାହାଯ୍ୟରେ ରତ୍ନଭଣ୍ଡାରର କାନ୍ଥ, ଛାତ ଓ ବିଭିନ୍ନ ଫାଟ ବନ୍ଦ କାର୍ଯ୍ୟ କରାଯିବ । ମରାମତି କାର୍ଯ୍ୟରେ ନିୟୋଜିତ ଅଛନ୍ତି ଏଏସଆଇ ଦ୍ୱାରା ନିଯୁକ୍ତ କୁଶଳୀ କାରିଗର । ପ୍ରାଥମିକ ଭାବେ ଚୁନ ପ୍ଲାଷ୍ଟର ହଟେଇ ଫାଟ ଥିବା ପଥର ରିପ୍ଲେସ କରାଯିବ । ନୀଳଗିରିରୁ ଆସିଥିବା ଉନ୍ନତମାନର ପଥରକୁ ମରାମତିରେ ବ୍ୟବହାର କରାଯିବ ।