ଯୌନ ଲାଳସା ପୂରଣ ପାଇଁ ଦେଢ ମାସର କୁକୁର ସହିତ ଦୁଷ୍କର୍ମ, ଉଦ୍ଧାର କରି ହସ୍ପିଟାଲରେ ଭର୍ତ୍ତି କଲେ ଅଭିନେତ୍ରୀ

ନୂଆଦିଲ୍ଲୀ: ଦିନକୁ ଦିନ କୁତ୍ସିତ ହେଇଯାଉଛି ସମାଜ । ଯୌନ ଲାଳସା ପୂରଣ କରିବା ପାଇଁ ମଣିଷ ଅତି ନିମ୍ନ ସ୍ତରକୁ ଖସିଯାଉଛି । କେତେବେଳେ ନାବାଳିକା ସହିତ ତ ଆଉ କେତେବେଳେ ବୃଦ୍ଧାଙ୍କ ସହିତ ଦୁଷ୍କର୍ମ ହେବାର ଖବର ସାମ୍ନାକୁ ଆସୁଛି ।  ଏଭଳି ଏକ ଲଜ୍ଜିତ ଘଟଣା ସାମ୍ନାକୁ ଆସିଛି ମାୟା ନଗରୀ ମୁମ୍ବାଇରୁ । ଏକ ଦେଢ ମାସର କୁକୁର ସହିତ ଦୁଷ୍କର୍ମ ହୋଇଥିବା ଜଣାପଡିଛି । ତେବେ କୁକୁର ଛୁଆକୁ ଅଭିନେତ୍ରୀ ଜୟା ଭଟ୍ଟଚାର୍ଯ୍ୟ ଉଦ୍ଧାର କରି ଚିକିତ୍ସା କରାଇଥିବା ଏକ ରିପୋର୍ଟରୁ ଜଣାପଡିଛି ।

ମୁମ୍ବାଇର ସଚେ ନାୟଗ୍ରାମରୁ ସାମ୍ନାକୁ ଆସିଛି ଏହି ଘଟଣା । ଏନେଇ ଜୟା ଭଟ୍ଟଚାର୍ଯ୍ୟ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି, ଆମର ଏକ କୁକୁର ରେସ୍କ୍ୟୁ ଏନଜିଓ ରହିଛି । ତେବେ 24 ବର୍ଷର ଏକ ଯୁବକ 3 ଦିନ ଧରି ଏକ ଦେଢ ମାସର କୁକୁର ଛୁଆକୁ ଦୁଷ୍କର୍ମ କରୁଥିବା ନେଇ ଆମ ନିକଟକୁ ଖବର ଆସିଥିଲା । ତେବେ ଏନେଇ ଉକ୍ତ ବ୍ୟକ୍ତିଙ୍କ ମାଆଙ୍କୁ କହିବା ପରେ ସେ କାର୍ଯ୍ୟାନୁଷ୍ଠାନ ନେବା ପରିବର୍ତ୍ତେ ମାନସିକ ଭାରସାମ୍ୟ ଠିକ ନଥିବା କଥା କହିଥିଲେ । ତେବେ ଏନେଇ ଥାନାରେ ମଧ୍ୟ ଏତଲା ଦିଆଯାଇଥିବା କୁହାଯାଇଛି । ତେବେ ବର୍ତ୍ତମାନ ସୁଦ୍ଧା ପୋଲିସ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ । କୁକୁରର ପ୍ରାଇଭେଟ ପାର୍ଟରେ ଗଭୀର ଆଘାତ ଲାଗିଥିବା ଜଣାପଡିଛି ।