ଜମ୍ମୁ-କାଶ୍ମୀରରେ ବ୍ୟାପୁଛି ଅଜଣା ରୋଗ; ଗଲାଣି ୧୭ ଜଣଙ୍କ ଜୀବନ

ଜମ୍ମୁ-କଶ୍ମୀର: ଜମ୍ମୁ-କଶ୍ମୀରର ରାଜୌରୀ ଜିଲ୍ଲାର ବଧଲ ଗ୍ରାମରେ ଏକ ଅଜଣା ରୋଗ ଦେଖା ଦେଇଛି। ପ୍ରଶାସନ ପକ୍ଷରୁ ଦିଆଯାଇଥିବା ସୂଚନା ଅନୁଯାୟୀ, ଏହି ଅଜଣା ରୋଗରେ ଏପର୍ଯ୍ୟନ୍ତ ୧୭ ଜଣଙ୍କ ମୃତ୍ୟୁ ଘଟିଛି।

ମୁଖ୍ୟ ଶାସନ ସଚିବ ଅଟଳ ଡୁଲୋଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ପୁଲିସ ଓ ସ୍ୱାସ୍ଥ୍ୟ ବିଭାଗର ଅଧିକାରୀମାନେ ଏହି ରୋଗ ସମ୍ପର୍କରେ ବିସ୍ତୃତ ସୂଚନା ଦେଇଛନ୍ତି।

ସ୍ୱାସ୍ଥ୍ୟ ସଚିବ ସୟଦ ଆବିଦ ରସିଦ ଶାହ କହିଛନ୍ତି, ଏହି ରୋଗରେ ଆକ୍ରାନ୍ତ ହୋଇଥିବା ୫୫ ଜଣଙ୍କ ମଧ୍ୟରୁ ୩୮ ଜଣ ସୁସ୍ଥ ହେବା ପରେ ଡାକ୍ତରଖାନାରୁ ଡିସଚାର୍ଜ ହୋଇଛନ୍ତି।

ଇତିମଧ୍ୟରେ ଏହି ରୋଗରେ ୧୭ ଜଣଙ୍କ ମୃତ୍ୟୁ ଘଟିଛି। ବର୍ତ୍ତମାନ କୌଣସି ନୂଆ ଆଡମିସନ୍ ନାହିଁ, ବିଶେଷଜ୍ଞ ଟିମ୍ ତଦାରଖ କରୁଛନ୍ତି।

ଏହି ସମୟରେ କୌଣସି ନୂଆ ରୋଗୀଙ୍କୁ ଭର୍ତ୍ତି କରାଯାଇ ନାହିଁ ବୋଲି ସ୍ୱାସ୍ଥ୍ୟ ଅଧିକାରୀମାନେ ସ୍ପଷ୍ଟ କରିଛନ୍ତି। ପିଜିଆଇଏମ୍ଇଆର, ଚଣ୍ଡିଗଡ଼ ଏବଂ ନୂଆଦିଲ୍ଲୀ ଏମ୍ସର ବିଶେଷଜ୍ଞ ଡାକ୍ତରଙ୍କ ଏକ ଟିମ୍ ବର୍ତ୍ତମାନର ରୋଗୀମାନଙ୍କର ପରୀକ୍ଷା କରୁଛନ୍ତି।

ସଙ୍ଗରୋଧରେ ୩୬୩ ଜଣ: ବିଭାଗୀୟ କମିଶନର ରମେଶ କୁମାର ଙ୍କ ସୂଚନା ଅନୁଯାୟୀ, ୬୦ଟି ଭିନ୍ନ ଭିନ୍ନ ପରିବାରର ୩୬୩ ଜଣଙ୍କୁ ସଙ୍ଗରୋଧରେ ରଖାଯାଇଛି। ଏହାବ୍ୟତୀତ ଏହି ରୋଗର ଅନ୍ୟ କୌଣସି ଉତ୍ସ ଚିହ୍ନଟ କରିବା ପାଇଁ ୫୯୨ଟି ପଶୁଙ୍କ ବିଶେଷ ଯତ୍ନ ନିଆଯାଉଛି।

ରୋଗର କାରଣ ଅନୁସନ୍ଧାନ ଜାରି ରହିଛି: ଡିସେମ୍ବର ୭ରୁ ଜାନୁଆରୀ ୧୯ ମଧ୍ୟରେ ଏହି ରହସ୍ୟମୟ ରୋଗରେ ୩ଟି ପରିବାରର ୧୭ ଜଣ ପ୍ରାଣ ହରାଇଛନ୍ତି।

ଏହି ରୋଗ ବ୍ୟାପିବାର କାରଣ ସମ୍ପର୍କରେ ପ୍ରଶାସନ ଗଭୀର ଅନୁସନ୍ଧାନ ଜାରି ରଖିଥିବା ବେଳେ ସ୍ବାସ୍ଥ୍ୟ ବିଭାଗ ପକ୍ଷରୁ ବିଭିନ୍ନ ସମୟରେ ସ୍ଥିତିସମୀକ୍ଷା କରାଯାଉଛି।