PF ଆକାଉଣ୍ଟରୁ ୬୦ ବର୍ଷ ପରେ କେତେ ମିଳିବ ଦରମା, ବୁଝନ୍ତୁ ହିସାବ

ନୂଆଦିଲ୍ଲୀ: ଯଦି ଆପଣ ଚାକିରି କରୁଛନ୍ତି ଏବଂ ଆପଣଙ୍କର ପିଏଫ ଆକାଉଣ୍ଟ ଅଛି ତେବେ ଆପଣଙ୍କ ମନରେ ଏହି ପ୍ରଶ୍ନ ଅବଶ୍ୟ ଆସୁଥିବ ଯେ, ଅବସର ପରେ ଆପଣଙ୍କୁ କେତେ ମିଳିବ ପେନସନ। ଅବସରର ବୟସ ୬୦ ବର୍ଷ ପର୍ଯ୍ୟନ୍ତ ରହିଥାଏ।

କିପରି ଡିପୋଜିଟ ହୁଏ ଖାତାକୁ ଟଙ୍କା: ଯଦି ଆପଣ ପ୍ରାଇଭେଟ ସେକ୍ଟରରେ ଚାକିରି କରୁଛନ୍ତି ଯେ, ତେବେ ଆପଣଙ୍କର ଦରମାର ୧୨ ପ୍ରତିଶତ ଭାଗ ଆପଣଙ୍କ ପ୍ଖଶଫ ଖାତାକୁ ଯାଏ।

ଆପଣଙ୍କ କମ୍ପାନୀ ମଧ୍ୟ ଏଥିରେ ଯୋଗଦାନ ଦେଇଥାଏ। ହେଲେ ଏଥିରେ ସେନ ୮.୩୩ ପ୍ରତିଶତ ଭାଗ ପେନସନ ଫଣ୍ଡରେ ବାକି ୩.୬୭ ପ୍ରତିଶତ ପିଏଫରେ ଜମା ହୋଇଥାଏ।

ପେନସନ ହିସାବର ଫର୍ମୁଲା: ଇପିଏଫଓ ନିୟମ ଅନୁଯାୟୀ, ପେନସନ ଯୋଗ୍ୟ ଦରମାର ସର୍ବାଧିକ ସୀମା ୧୫,୦୦୦ ଟଙ୍କା। ଏହାର ଅର୍ଥ ଯଦି ଆପଣ ମାସିକ ୧୫,୦୦୦ × ୮.୩୩/୧୦୦= ୧,୨୫୦ ଟଙ୍କା ଆପଣଙ୍କ ପେନସନ ଫଣ୍ଡରେ ଜମା ହୋଇପାରେ। ଯେତେବେଳେ ପେନସନ ଗଣନା ହୁଏ, ସେତେବେଳେ ଏହି ଫର୍ମୁଲା ବାହାର କରାଯାଇଥାଏ।

୬୦ ବର୍ଷରେ କେତେ ମିଳିବ ଦରମା: ଯଦି ଆପଣ ୨୩ ବର୍ଷ ବୟସରେ ଚାକିରି ଆରମ୍ଭ କରୁଛନ୍ତି ଏବଂ ୫୮ ବର୍ଷରେ ଅବସର ନେଉଛନ୍ତି ତେବେ ଆପଣ ସମୁଦାୟ ୩୫ ବର୍ଷ କାମ କରିଛନ୍ତି।

ଏଭଳି ସ୍ଥିତିରେ ପେନସନ ଯୋଗ୍ୟ ଦରମା= ୧୫,୦୦୦ ଟଙ୍କା, ସେବା ଅବଧି= ୩୫ ବର୍ଷ, ତେବେ ଆପଣଙ୍କର ପେନସନ ୧୫,୦୦୦× ୩୫/୭୦ = ୭,୫୦୦ ଟଙ୍କା ମାସିକ ହେବ।

ଯଦି ଆପଣ ୬୦ ବର୍ଷର ପେନସନ କ୍ଲେମ କରୁଛନ୍ତି, ତେବେ ଏତିରେ ୮ ପ୍ରତିଶତ ପର୍ଯ୍ୟନ୍ତ ଅତିରିକ୍ତ ବୃଦ୍ଧି ହେବ। ହେଲେ ପିଏଫ ପେନସନର ହିସାବ ଆପଣଙ୍କର ଶେଷ ୬୦ ମାସର ହାରାହରି ଦରମା ଉପରେ ପର୍ଯ୍ୟବସିତ ହୋଇଥାଏ।