ସରିଯିବ ଯୁଦ୍ଧ! ଜେଲେନସ୍କିଙ୍କୁ ଭେଟିବା ପରେ ଟ୍ରମ୍ପ କହିଲେ- ‘ବହୁତ ଖୁସି ଅଛି’

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୟୁକ୍ରେନ୍‌ର ରାଷ୍ଟ୍ରପତି ଜେଲେନସ୍କିଙ୍କୁ ଭେଟିବା ପରେ ଖୁସି ବ୍ୟକ୍ତ କରିଛନ୍ତି। ସେ ରୁଷ-ୟୁକ୍ରେନ ଯୁଦ୍ଧ ବିଷୟରେ ବଡ଼ ଅପଡେଟ୍ ଦେଇଛନ୍ତି।

ଟ୍ରମ୍ପ ସୋମବାର ଦିନ ୟୁକ୍ରେନର ରାଷ୍ଟ୍ରପତି ଭୋଲୋଡିମିର ଜେଲେନସ୍କି ସହ ମିଟିଂ କରିଥିଲେ। ଟ୍ରମ୍ପ ଅନେକ ବଡ଼ ବଡ଼ ୟୁରୋପୀୟ ଲିଡର୍ସଙ୍କୁ ମଧ୍ୟ ଭେଟିଥିଲେ। ସେ ଏହାପରେ ଗୁରୁତ୍ୱପୂର୍ଣ୍ଣ ସୂଚନା ଜାରି କରିଛନ୍ତି। ଟ୍ରମ୍ପ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ ଜରିଆରେ କହିଛନ୍ତି ଯେ, ମୋର ଜେଲେନସ୍କିଙ୍କ ସହ ଭଲ କଥାବାର୍ତ୍ତା ହୋଇଛି। ୟୁକ୍ରେନକୁ ସମସ୍ତ ୟୁରୋପୀୟ ଦେଶ ସିକ୍ୟୁରିଟି ଗ୍ୟାରେଣ୍ଟି ଦେବେ।

ଟ୍ରମ୍ପ ପୋଷ୍ଟ ମାଧ୍ୟମରେ ଆହୁରି କହିଛନ୍ତି, “ୟୁକ୍ରେନର ରାଷ୍ଟ୍ରପତି ଭୋଲୋଡିମିର ଜେଲେନ୍ସକି, ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ, ଫିନଲ୍ୟାଣ୍ଡ ରାଷ୍ଟ୍ରପତି ଆଲେକଜାଣ୍ଡର ଷ୍ଟବ୍, ଇଟାଲୀ ପ୍ରଧାନମନ୍ତ୍ରୀ ଜିଓର୍ଜିଆ ମେଲୋନି, ୟୁନାଇଟେଡ କିଙ୍ଗଡମ ପ୍ରଧାନମନ୍ତ୍ରୀ କାଇର ଷ୍ଟାରମର, ଜର୍ମାନ ଚାନ୍ସେଲର ଫ୍ରେଡ୍ରିଚ୍ ମର୍ଜ, ୟୁରୋପୀୟ କମିଶନ ଅଧ୍ୟକ୍ଷ ଉର୍ସୁଲା ଭନ୍ ଡେର ଲେଏନ୍ ଏବଂ ନାଟୋ ସେକ୍ରେଟାରୀ ଜେନେରାଲ ମାର୍କ ରୁଟ୍ଟେଙ୍କ ସହ ହ୍ୱାଇଟ୍ ହାଉସରେ ଭଲ ଆଲୋଚନା ହୋଇଛି।”

ସେ ଏହା ମଧ୍ୟ ଲେଖିଛନ୍ତି ଯେ, ବୈଠକ ଶେଷ ହେବା ପରେ, ମୁଁ ରାଷ୍ଟ୍ରପତି ପୁଟିନଙ୍କୁ ଫୋନ୍ କରି ରାଷ୍ଟ୍ରପତି ପୁଟିନ ଏବଂ ରାଷ୍ଟ୍ରପତି ଜେଲେନ୍ସକିଙ୍କ ମଧ୍ୟରେ ଏକ ବୈଠକ ଆୟୋଜନ କରିବାକୁ ଆରମ୍ଭ କଲି। ସେହି ବୈଠକ ପରେ, ଆମର ଏକ ତ୍ରିପାକ୍ଷିକ ବୈଠକ ହେବ, ଯେଉଁଥିରେ ରାଷ୍ଟ୍ରପତି ଏବଂ ମୁଁ ଉଭୟ ସାମିଲ ହେବି। ପ୍ରାୟ ଚାରି ବର୍ଷ ଧରି ଚାଲିଥିବା ଯୁଦ୍ଧ ପାଇଁ ଏହା ଏକ ବହୁତ ଭଲ ଏବଂ ପ୍ରାରମ୍ଭିକ ପଦକ୍ଷେପ ଥିଲା। ଉପରାଷ୍ଟ୍ରପତି ଜେଡି ଭାନ୍ସ, ରାଜ୍ୟ ସଚିବ ମାର୍କୋ ରୁବିଓ ଏବଂ ସ୍ୱତନ୍ତ୍ର ଦୂତ ଷ୍ଟିଭ୍ ୱିଟକଫ ରୁଷ ଏବଂ ୟୁକ୍ରେନ ସହିତ ସମନ୍ୱୟ ସ୍ଥାପନ କରୁଛନ୍ତି।

US President Donald Trump posts, ” … Everyone is very happy about the possibility of PEACE for Russia/Ukraine. At the conclusion of the meetings, I called President Putin and began the arrangements for a meeting, at a location to be determined, between President Putin and… pic.twitter.com/2hovDNZqnm

— ANI (@ANI) August 18, 2025