ମା’ କଅଁଳା ଶିଶୁଙ୍କ ପାଇଁ ଖୁସି ଖବର, ମନ୍ଦିର ପ୍ରଶାସନର ବଡ଼ ନିଷ୍ପତି, ଶ୍ରୀମନ୍ଦିର ପରିସରରେ ସ୍ତନ୍ୟପାନ କେନ୍ଦ୍ର

ପୁରୀ: ମହିଳା ଭକ୍ତମାନଙ୍କ ପାଇଁ ବଡ଼ ପଦକ୍ଷେପ। ଶ୍ରୀମନ୍ଦିର ପରିସରରେ ଶିଶୁମାନଙ୍କ ପାଇଁ ହେବ ସ୍ତନ୍ୟପାନ ଗୃହ।

ବିଶେଷକରି ସ୍ତନ୍ୟପାନ ଉପରେ ନିର୍ଭରଶୀଳ ଶିଶୁ ଓ ମା’ମାନଙ୍କ ପାଇଁ ବ୍ୟବସ୍ଥା କରାଯିବାକୁ ହୋଇଛି ନିଷ୍ପତି।

ଏନେଇ ସ୍ୱତନ୍ତ୍ର ଗୃହ ସ୍ଥାପନ ପାଇଁ ସ୍ଥାନ ନିରୂପଣ କରାଯାଇଥିବା ସୂଚନା ଦିଆଯାଇଛି।

ଶ୍ରୀମନ୍ଦିର ପରିସର ଶାଖା କାର୍ଯ୍ୟାଳୟ ନିକଟରେ ସ୍ତନ୍ୟପାନ ଗୃହ ପାଇଁ ନିଷ୍ପତ୍ତି ହୋଇଛି।

ମା’ମାନଙ୍କ ପାଇଁ ଗୋପନୀୟତା, ପରିଷ୍କାର ପରିଚ୍ଛନ୍ନତା ଏବଂ ଆରାମ ସୁନିଶ୍ଚିତ କରିବ। ପ୍ରତିଦିନ ହଜାର ହଜାର ମହିଳା ମନ୍ଦିରକୁ ଯାଆନ୍ତି, ଅନେକ ଶିଶୁଙ୍କ ସହିତ ଯାଆନ୍ତି, ଯାହା ଏପରି ସୁବିଧାର ଆବଶ୍ୟକତାକୁ ପ୍ରୋତ୍ସାହିତ କରିବ।

ସ୍ତନ୍ୟପାନ ଗୃହ ପରିଚାଳନା ପାଇଁ ଜଣେ ସ୍ୱତନ୍ତ୍ର ମହିଳା ସହାୟିକା ରହିବେ। ମନ୍ଦିର ପ୍ରଶାସନ ପକ୍ଷରୁ ନିଷ୍ପତି ହୋଇଛି ସ୍ଥାନଟି ସ୍ୱଚ୍ଛତା ଏବଂ ମର୍ଯ୍ୟାଦାର ଉଚ୍ଚ ମାନଦଣ୍ଡ ବଜାୟ ରଖିବ। ଯାହା ମା’ ଏବଂ ଶିଶୁ ଉଭୟଙ୍କ ପାଇଁ ଏକ ସୁରକ୍ଷିତ ପରିବେଶ ସୃଷ୍ଟି କରିବ।

ତୁରନ୍ତ କାର୍ଯ୍ୟକାରୀ ପାଇଁ ବିଭାଗୀୟ ଅଧିକାରୀଙ୍କୁ ମୁଖ୍ୟ ପ୍ରଶାସକଙ୍କ ନିର୍ଦ୍ଦେଶ ହୋଇଛି।